तेलंगणामध्ये आज 11 कोरोनाग्रस्तांचा मृत्यू, तर 1831 जणांची कोरोना चाचणी पॉझिटिव्ह ; 6 जुलै 2020 च्या ताज्या मराठी बातम्या आणि ब्रेकिंग न्यूज LIVE

तेलंगणामध्ये आज 11 कोरोनाग्रस्तांचा मृत्यू झाला असून 1831 जणांची कोरोना चाचणी पॉझिटिव्ह आली आहे.

तामिळनाडू: त्रिची जिल्ह्यातील एटाराय गावात एका 14 वर्षाच्या मुलाचा मृतदेह जळलेला अवस्थेत सापडला आहे. ज्यामुळे संपूर्ण परिसरात एकच खळबळ उडाली आहे. सध्या स्थानिक पोलिसांचा तपास सुरु आहे. एएनआयचे ट्वीट- 

ताजिकिस्तानच्या पूर्वेकडील भागात 4.0 रिश्टर स्केल तीव्रतेचा भूकंपाचा धक्का बसला आहे.

पुण्यात एका 55 वर्षाच्या कोविड रुग्णानं गळफास लावून घेऊन आत्महत्या केल्याचं पोलिसांनी सांगितलं. त्यानं कोणतीही चिठ्ठी लिहून ठेवलेली नसून अकस्मात मृत्यूचा गुन्हा दाखल केला असल्याचं पोलिसांनी सांगितलं आहे.

ओडिशाचे माजी राज्यमंत्री आणि बिजू जनता दलाचे आमदार बिष्णू दास यांचे भुवनेश्वरमधील खासगी रुग्णालयात निधन झाले आहे.

मुंबई दिवसेंदिवस कोरोनाबाधित रुग्णांच्या संख्येत वाढ होऊ लागली आहे. मुंबई आज 1 हजार 201 नव्या रुग्णांची भर पडली आहे. तर, 39 जणांचा मृत्यू झाला आहे. मुंबई महानगरपालिकेचे ट्वीट- 

नालासोपारा मधील वाकणपाडा येथील तलावामध्ये दोन तरुण बुडाले आहेत.

धारावीत आणखी 11 कोरोनाबाधित रुग्णांची भर पडल्याने आकडा 2334 वर पोहचला आहे.

उत्तराखंड येथे आणखी 37 कोरोनाचे रुग्ण आढळून आल्याने आकडा 2586 वर पोहचला आहे.

पंजाब येथे गेल्या 24 तासात कोरोनाचे आणखी 208 रुग्ण आढळून आल्याने आकडा 4494 वर पोहचला आहे.

महाराष्ट्रात गेल्या 24 तासात आणखी 5368 कोरोनाबाधित रुग्णांची भर पडली असून 204 जणांचा बळी गेला आहे. त्यामुळे राज्यातील COVID19 चा आकडा 2,11,987 वर पोहचला आहे.

दिल्लीत गेल्या 24 तासात 1379 कोविड19 च्या रुग्णांची भर पडल्याने आकडा 1 लाखांच्या पार गेला आहे.

पाकिस्तानात COVID19 मुळे अडकलेल्या 114 भारतीयांना अटारी-वाघा बॉर्डरद्वारे भारतात पाठवण्यासाठी तयारी सुरु करण्यात आली आहे.(पाकिस्तानात कोरोनामुळे अडकलेले 114 भारतीय नागरिक येत्या 9 जुलैला अटारी-वाघा बॉर्डर मार्गे भारतात येणार)

केरळात आणखी 193 कोरोनाबाधित रुग्णांची भर पडल्याने आकडा 5522 वर पोहचला आहे.

Tata Sons यांच्याकडून कोरोनाच्या पार्श्वभुमीवर सरकारला मदतीचा हात पुढे केल आहे. त्यांनी सरकारला 20 रुग्णवाहिका, 100 व्हेंटिलेटर्स आणि 10 कोटी रुपयांचा निधी दान केला आहे.

चीनने युनायटेड स्टेट्स आणि उर्वरित जगाचे नुकसान केले असल्याची डोनाल्ट ट्रम्प यांनी  टीका केली आहे.

तमिळनाडू येथे आणखी 3827 कोरोनाबाधित रुग्णांची भर तर 61 जणांचा बळी गेला आहे.

हॉटेल्ससह लॉज, गेस्ट हाऊस यांना कंन्टेंटमेंट झोन वगळून येत्या 8 जुलै पासून सर्विस सुरु करण्याची महाराष्ट्र सरकारकडून परवानगी देण्यात आली आहे.

गुजरात येथे झालेल्या मुसळधार पावसामुळे जुनागढ मधील बमनासा गावात  नव्याने उभारण्यात आलेला पूल कोसळला आहे.

महाराष्ट्रात जॉब पोर्टलवर नोंदणी करणाऱ्या उमेदवारांना Domicile Certificate सादर करणे अनिवार्य असणार असल्याचे सुभाष देसाई यांनी म्हटले आहे.