कृषी कायद्याविरोधात आंदोलन करणाऱ्या शेतकर्‍यांसाठी हरियाणा सरकार वैद्यकीय शिबिराचे आयोजन करणार; 6 डिसेंबर 2020 च्या ताज्या मराठी बातम्या आणि ब्रेकिंग न्यूज LIVE,

कृषी कायद्याविरोधात आंदोलन करणाऱ्या शेतकर्‍यांसाठी हरियाणा सरकार वैद्यकीय शिबिराचे आयोजन करणार, अशी माहिती आरोग्यमंत्री अनिल विज यांनी दिली आहे. ट्विट-

मुंबई - लालबाग भागात सिलिंडर स्फोटात जखमी झालेल्या एका व्यक्तीचा मृत्यू झाला आहे, तर पाच जण गंभीर जखमी आहेत. या घटनेत एकूण 20 जण जखमी झाले आहेत.

शेतकऱ्यांनी 8 डिसेंबर रोजी पुकारलेल्या 'भारत बंद'ला शिवसेनेचा पाठिंबा आहे, असे ट्विट संजय राऊत यांनी केले आहे. ट्विट-

लासलगाव चा पाणी प्रश्न लवकरच मार्गी लावणार, असे आश्वासन नाशिकचे पालकमंत्री छगन भुजबळ दिले आहे. ट्विट-

दिल्लीत आज 2 हजार 706 कोरोनाबाधितांची नोंद झाली आहे. ज्यामुळे राज्यातील कोरोनाबाधितांची संख्या 5 लाख 92 वर पोहचली आहे. ट्विट-

चेन्नई आंतरराष्ट्रीय विमानतळावरील सीमाशुल्क अधिका्यांनी 7.5 लाख रुपये किमतीचे 147 ग्रॅम सोने जप्त केले. प्रवाशाच्या मागील बाजूस चिकटलेल्या वैद्यकीय पट्टीखाली सोने लपवण्यात आले होते. ट्विट-

महाराष्ट्रात आज आणखी 4 हजार 757 कोरोनाबाधितांची नोंद झाली आहे. यामुळे राज्यातील कोरोनाबाधितांचा एकूण संख्या 18 लाख 52 हजार 266 वर गेली आहे. ट्विट-

डिग्लीपूर, अंदमान आणि निकोबार बेटांवर भूकंपाचे धक्के बसले. हा भूकंप रविवारी संध्याकाळी 7 वाजून 05 मिनिटांनी झाला. तसेच 4.3 रिश्टर स्केल तीव्रतेच्या हा भूकंप होता, अशी माहिती भूकंपशास्त्र राष्ट्रीय केंद्राने दिली आहे. ट्विट-

तामिळनाडूत आज दिवसभरात 1398 कोरोनाचे रुग्ण बरे झाले असून 16 जणांचा मृत्यू झाला आहे. यामुळे राज्यात कोरोना बाधितांची एकूण संख्या 7,90,240 वर पोहोचली असून मृतांचा एकूण आकडा 11,793 वर पोहोचली आहे.

येत्या 8 डिसेंबरला शेतक-यांनी भारत बंद ची हाक पुकारली असून या आवाहनास माकप, सीपीआय (एमएल), आरएसपी, द्रमुक, आरजेडी, एसपी, ऑल इंडिया फॉरवर्ड ब्लॉक आणि कॉंग्रेस सर्व पक्षांनी पाठिंबा दर्शवला आहे.

केरळ मध्ये आज दिवसभरात 4777 नवे रुग्ण आढळले असून आतापर्यंत एकूण 5,27,911  रुग्णांनी कोरोनावर मात केली आहे.

भारताने ऑस्ट्रेलियावर 6 विकेट्सने मात करत 2-0 असा विजय मिळवला आहे.

जम्मू-कश्मीर मध्ये दहशतवाद्यांकडून पोलिसांवर गोळीबार  करण्यात आला आहे.

ब्राझील येथे कोरोनामुळे आणखी 664 रुग्णांचा बळी गेल्याने आकडा 176,628 वर पोहचला आहे.

शेतकऱ्यांच्या आंदोलनासंदर्भात राष्ट्रवादी काँग्रेस अध्यक्ष शरद पवार येत्या 9 डिसेंबरला राष्ट्रपती रामनाथ कोविंद यांची भेट घेणार  आहेत.

Farmers Protest: चिला बॉर्डर शेतकऱ्यांकडून येणाऱ्या आंदोलनामुळे बंद करण्यात आली आहे.

अमेरिकेत झालेल्या राष्ट्राध्यक्षांच्या निवडणूकीमुळे तेलाचे दर वाढलेले आहेत असे युनियन पेट्रोलियम मंत्री धर्मेंद्र प्रधान यांनी म्हटले आहे.

रशिया येथे गेल्या 24 तासात कोरोनाचे आणखी 29,039 रुग्ण आढळले आहेत.

आम आदमी पार्टीकडून भारत बंदच्या हाकेला पाठिंबा दिला जाणार आहे.

Farmers Protest: आम्ही शेतकरी बंधुंना पाठिंबा देणार असून ते उद्योगाची मुळं आहेत असे परमीत सिंह गोल्डी यांनी म्हटले आहे.