ओडिशा: बहरामपूर जंगलातील मंदिरात सापडला 10 फूट लांबीचा किंग कोब्रा; 6 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

ओडिशातील बहरामपूर जंगलातील मंदिरात 10 फूच लांबीचा किंग कोब्रा प्रजातीचा साप आढळून आला. वनविभागाच्या अधिकाऱ्यांनी या सापाला पकडून जंगलात सोडले.

मुख्यमंत्री उद्धव बाळासाहेब ठाकरे यांनी आज पेडर रोड येथे मुसळधार पाऊस व सोसाट्याच्या वाऱ्यामुळे झालेल्या नुकसानीची पाहणी केली. यावेळी  मुंबई महापालिकेचे अधिकारी उपस्थित होते.

गिरीशचंद्र मुर्मू यांची नियंत्रक व महालेखा परीक्षक म्हणून नियुक्ती (CAG) झाली असल्याची माहिती अर्थ मंत्रालयाने दिली आहे. काल त्यांनी जम्मू-काश्मीरचे लेफ्टनंट गव्हर्नर म्हणून राजीनामा दिला होता.

पुणे शहरात आज नव्याने 1,440 कोरोनाबाधित रुग्णांची नोंद झाली असून, एकूण संख्या 62,037 झाली आहे. तर 1,196 रुग्ण कोरोनामुक्त झाले असून सध्या 16,975 रुग्णांवर उपचार सुरू आहेत. शहरातील एकूण तपासणी आता 3,02,945 झाली असून आज 5,208 टेस्ट घेण्यात आल्या.

कुलभूषण जाधव प्रकरणात पाकिस्तानने भारत सरकारशी संपर्क साधल्याचे वृत्त पाकिस्तानी मीडियाने दिले आहे.

श्रीलंकेतील निवडणुकीत महिंद्र राजपक्षे यांच्या श्रीलंका पीपल्स पार्टीला बहुमत मिळताना दिसत आहे. त्यामुळे राजपक्षे यांचा विजय जवळपास निश्चित मानला जात आहे. दरम्यान, पंतप्रधान नरेंद्र मोदी यांनी राजपक्षे यांना शुभेच्छा दिल्या आहेत.

बिहारमध्ये महापूर आला असून अनेक नागरिकांना त्याचा फटका बसला आहे. सुमारे 21 नागरिकांचा आतापर्यंत मृत्यू झाला आहे.

जम्मू कश्मीरमध्ये पुंछ जिल्ह्यात पाकिस्तानी सैन्याकडून शस्त्रसंधीचे उल्लंघन करत गोळीबार करण्यात आला. हा हल्ला नेमका बालकोट येथील मेंढर भागात झाला.

मुंबई शहरात आज दिवसभरात दिवसभरात 910 कोरोना रुग्णांची नोंद तर 57 जणांचा मृत्यू झाला. मुंबईतील एकूण कोरोना व्हायरस संक्रमित रुग्णांची संख्या 1,20,165 इतकी झाली आहे.

महाराष्ट्रात आज कोरोनाचे आणखी 11,514 रुग्ण आढळून आले असून 316 जणांचा बळी गेला आहे. त्यामुळे राज्यातील COVID19 चा आकडा 4,79,779 वर पोहचला आहे.

पंजाब येथे कोरोनाचे आणखी 1049 रुग्ण आढळून आल्याने आकडा 20,891 वर पोहचला आहे.

सुशांत राजपूत याच्या आत्महत्येप्रकरणी CBI कडून रिया, इंद्रजित, संध्या, शौविक चक्रवर्तीसह सॅम्युएल मिरांडा, श्रृती मोदी यांच्या विरोघात FIR दाखल केला आहे.

सुशांत सिंह राजपूत याच्या आत्महत्येप्रकरणी CBI कडून 6 आरोपी आणि अन्य काहींच्या विरोधात गुन्हा दाखल करण्यात आला आहे.

काँग्रेस नेते अशोक चव्हाण यांनी राज भवनात जाऊन राज्यपाल भगत सिंग कोश्यारी यांची भेट घेतली आहे.

सार्वजनिक वाहतूक, छोटी दुकाने आणि मार्केट सुरु करण्याची राज्य सरकारकडे प्रकाश आंबेडकर यांनी मागणी केली आहे.

तमिळनाडू येथे कोरोनाचे आणखी 5684 रुग्ण आढळून आल्याने आकडा 2,79,144 वर पोहचला आहे.

केरळ येथे कोरोनाचे आणखी 1298 रुग्ण आढळून आल्याने आकडा 30,443 वर पोहचला आहे.

जम्मू-कश्मीर येथे कोरोनाचे आणखी 499 रुग्ण आढळून आले आहेत.

मुंबईतील धारावीत कोरोनाचे आणखी 8 रुग्ण आढळून आल्याने आकडा 2597 वर पोहचला आहे.

दिल्लीत कोरोनाचे 1299 रुग्ण आढळले असून 15 जणांचा बळी गेला आहे.