मुंबईत पुढील 3 तासात पावसाच्या जोरदार सरी पडण्याची शक्यता ; 4 जुलै 2020 च्या ताज्या मराठी बातम्या आणि ब्रेकिंग न्यूज LIVE

मुंबईत पुढील 3 तासात पावसाच्या जोरदार सरी पडण्याची शक्यता आहे.

पश्चिम बंगालमधील तृणमूल कॉंग्रेसच्या नगरसेवक चंपा दास यांच्यावर गोळीबार करण्यात आला आहे. त्यामुळे त्यांना रुग्णालयात दाखल करण्यात आलं आहे.

जम्मू-काश्मीरच्या अरे, कुलगाम येथे पोलिस, सैन्य आणि सीआरपीएफच्या संयुक्त कारवाईत दोन दहशतवादी ठार झाले आहेत. अली भाई असे एका दहशतवाद्याचे नाव आहे. दुसर्‍या दहशतवाद्याची ओळख अजून पटली नाही. हे दोघेही हिजबुल मुजाहिद्दीनशी संबंधित होते.

बिहारमधील 5 जिल्ह्यात वीज कोसळल्याने 20 जण ठार झाले आहेत. आपत्ती व्यवस्थापन विभागाणे याबाबत माहिती दिली.

मुंबईत आज 1180 नवे कोरोना रुग्ण आढळून आले असून 68 जणांचा मृत्यू झाला आहे.

गेल्या 24 तासात महाराष्ट्रात 295 जणांचा कोरोना व्हायरसमुळे मृत्यू झाला आहे. तर 7,074 जणांची कोरोना चाचणी पॉझिटिव्ह आली आहे. त्यामुळे राज्यातील कोरोना बाधित रुग्णांची संख्या 2,00,064 वर पोहचली आहे.

जम्मू-काश्मीरमध्ये आज 227 नवे कोरोना रुग्ण आढळून आले असून 8 जणांचा मृत्यू झाला आहे.

गुजरात येथे गेल्या 24 तासात 712 कोरोनाबाधित रुग्णांची भर तर 21 जणांचा बळी गेला आहे.

मणिपूर येथे गेल्या 24 तासात आणखी 9 कोरोनाबाधित रुग्णांची भर पडल्याने आकडा 658 वर पोहचला आहे.

बिहारचे मुख्यमंत्री नितीश कुमार यांनी केली COVID19 ची चाचणी केली आहे.

भारतात कोरोनाबाधितांचा रिकव्हरी रेट 60.81 टक्क्यांवर पोहचला आहे.

तेलंगणा येथे जवळजवळ 6 हजार नागरिक होम आयसोलेशन मध्ये असल्याची आरोग्य विभागाची माहिती  देण्यात आली आहे.

मुंबई, ठाणे येथे अतिमुसळधार पाऊस पुढील 24 तास कायम राहणार असल्याचा हवामान खात्याचा अंदाज व्यक्त करण्यात आला आहे.

दिल्लीत आज 9,925 RT-PCR आणि 13,748 रॅपिड टेस्टिंगची प्रक्रिया पार पडली आहे.

मुंबईत झालेल्या मुसळधार पावसामुळे विविध ठिकाणी वॉटर लॉगिंग झाले आहे.

पुण्याचे महापौर मुरलीधर मोहोळ यांची COVID19 ची चाचणी पॉझिटिव्ह आली आहे.

तमिळनाडू येथे आज कोरोनाचे 4280 रुग्ण आढळून आले असून 65 जणांचा बळी गेला आहे. त्यामुळे राज्यातील COVID19 चा आकडा 1,07,001 वर पोहचला आहे.

मुंबईतील धारावीत आज कोरोनाचे आणखी 2 रुग्णांची भर पडल्याने आकडा 2311 वर पोहचला आहे.

ओडिशा सरकारकडून Kanwar Yatra ला कोविड19 मुळे परवानगी देण्यात आलेली नाही.

गोव्यात कोरोनाच्या पार्श्वभुमीवर प्लाझ्मा बँकची सुविधा उपलब्ध होणार असल्याची आरोग्यमंत्री विश्वजित राणे यांनी माहिती दिली आहे.