उत्तर प्रदेशच्या सोनभद्र येथे सापडली 3000 टन सोन्याची खाण; योगी सरकार लवकरच सुरु करणार खाणकाम, त्यानंतर होणार लिलाव

उत्तर प्रदेशमधील (Uttar Pradesh) सोनभद्रच्या (Sonbhadra) सोन टेकडीवर, 2943.25 टन आणि हरदी भागात 646.15 किलो सोन्याचा साठा (Gold Mine) सापडला आहे. भूगर्भशास्त्र आणि खाण संचालनालयाने याची पुष्टी केली आहे. संचालक रोशन जेकब यांनी मुख्य खनिजांचा लिलाव करण्याचे आदेशही जारी केले आहेत. लिलाव प्रक्रिया ई-निविदाद्वारे होईल. परंतु त्यापूर्वी खनिज स्थळांच्या भौगोलिक टॅगिंगसाठी सात सदस्यांची टीम तयार केली गेली आहे. या गोष्टीचा अहवाल 22 फेब्रुवारीपर्यंत लखनऊला सादर केला जाईल.

15 वर्षांपूर्वीच, भूगर्भशास्त्र सर्वेक्षण संस्थेच्या (GSI) चमूने इथल्या खाणीचा अभ्यास केल्यानंतर, दावा केला होता की, सोनभद्र येथील गर्भाशयात सोन्याचे मोठे साठे आहेत.

2005 पासून इथल्या जिओलॉजिकल सर्व्हे ऑफ इंडियाच्या टीमने, सोनभद्रमधील सोन्याविषयी अभ्यास केला होता आणि 2012 मध्ये सोनभद्रच्या डोंगरावर सोन्याचे साठे असल्याची पुष्टी केली होती. परंतु अद्याप त्या दिशेने काम सुरू झाले नव्हते, परंतु आता राज्य सरकारने वेगाने हालचाली करत सोन्याचे ब्लॉक वाटप करण्याबाबत प्रक्रिया सुरू केली आहे. यासह, सलैयाडीह भागात अ‍ॅडलुसाइट, पाटावध प्रांतात पोटॅश, भरहरी मध्ये लोह खनिज आणि छपिया ब्लॉकमध्ये सिलीमॅनाइटचा साठा देखील सापडला आहे.

सिलीमॅनाइट एक एल्युमिनो-सिलिकेट खनिज आहे. अमेरिकन रसायनशास्त्रज्ञ बेंजामिन सिलीमन यांच्या नावावर हे नाव ठेवले आहे. इन्सुलेट सामग्रीशिवाय इतर कामांमध्येही याचा वापर केला जातो. एंडालुसाइटचा वापर स्पार्क प्लग आणि पोर्सिलेन करण्यासाठी केला जातो. मिर्झापूरसह उत्तर प्रदेशात बऱ्याच ठिकाणी हे साठे आढळले आहेत. (हेही वाचा: जगप्रसिद्ध मॉडेल बेला हदीद हिने केली 24K शुद्ध सोन्याने गोल्ड फेस ट्रीटमेंट; पाहा किती आला खर्च?)

टीममधील एका अधिकाऱ्याने सांगितले की, ही जमीन वनविभागातील असो, महसूल व जमीन धारणा असो हे सीमांकन केले जाईल. यानंतर ई-निविदा प्रक्रिया पूर्ण केली जाईल व त्यानंतर खाणकाम सुरू होण्याची शक्यता आहे. दरम्यान, परिसराच्या आसपासच्या डोंगरांमध्ये हेलिकॉप्टरद्वारे सलग 15 दिवस हवाई सर्वेक्षणही केले जात आहे. या परिसरात युरेनियमचेही साठे असल्याचे सर्वेक्षणातून समोर आले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)