दिल्ली कॅपिटल्सचा कोलकाता नाईट राईडर्सवर 18 धावांनी विजय; 3 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

आयपीएलच्या तेराव्या हंगामातील आजचा सामन्यात दिल्ली कॅपिटल्स आणि कोलकाता नाईट राईडर्स यांच्यात पार पडला. या सामन्यात दिल्ली कॅपिटल्सच्या संघाने कोलकाता नाईट राईडर्सवर 18 धावांनी विजय मिळवला आहे. ट्वीट-

भिवंडी येथील एका इलेक्ट्रॉनिक वस्तू साठवलेल्या गोदामाला भीषण आग लागल्याची माहिती समोर आली आहे. घटनास्थळी अग्निशमनदल दाखल झाले असून आगीवर नियंत्रण मिळवण्याचा प्रयत्न सुरु आहे. या आगीत सुदैवाने कोणतीही जीवितहानी झाली नाही. 

तामिळनाडू: मदुराई रेल्वे जंक्शन पार्सल सर्व्हिस कार्यालयाजवळ पार्क केलेल्या तीन वाहनांमधून दहा टन गुटका जप्त करण्यात आला आहे.

पालघर: वसईतील एका कारखान्यात आग लागल्याची घटना घडली आहे. अग्निशमन दलाच्या जवानांकडून आग विझवण्याचे कार्य सुरू आहे.

रांचीच्या सुखदेव नगर पोलिस ठाण्याच्या हद्दीत अल्पवयीन मुलीवर बलात्काराची घटना घडली आहे. पोलिसांनी आयपीसी आणि पीओसीएसओ कायद्याच्या संबंधित कलमान्वये गुन्हा दाखल केला आहे. आरोपी फरार आहे, असं रांचीचे एसपी सौरभ यांनी सांगितलं आहे.

हरियाणामध्ये 1,188 नवे कारोना संक्रमित रुग्ण सापडले असून 25 जणांचा मृत्यू झाल्याची नोंद करण्यात आली आहे. याशिवाय 1,542 जणांना उपचारानंतर घरी सोडण्यात आलं आहे.  

झारखंडमध्ये आज 877 नवे कोरोना रुग्ण आढळून आले असून 5 जणांचा मृत्यू झाला आहे. याशिवाय 1176 जणांनी कोरोनावर यशस्वी मात केली आहे.

शेतकरी आंदोलनामुळे सहा रेल्वे गाड्या रद्द करण्यात आल्या असल्याचं उत्तर रेल्वेचे  मुख्य जनसंपर्क अधिकाऱ्यांनी सांगितलं आहे.

गुजरात येथे कोरोनाचे आणखी 1343 रुग्ण आढळले असून 12 जणांचा बळी गेला आहे.

हाथरस सामूहिक बलात्कार प्रकरणाची CBI चौकशी करावी असे आदेश मुख्यमंत्री योगी आदित्यनाथ यांनी दिले आहे.

बिहार आणि कर्नाटक येथील विधानसभा निवडणूकीसाठी भाजप कडून उमेदवारांच्या नावाची पहिली यादी जाहीर करण्यात आली आहे.

महाराष्ट्रात कोरोनाचे आणखी 14,348 रुग्ण आढळले असून 16,835 रुग्णांना डिस्चार्ज दिला गेला आहे.

महाराष्ट्र सरकारकडून रेस्टॉरंट पुन्हा सुरु करण्यासंदर्भात SOP जाहीर  करण्यात आली आहे.

पंजाब येथे कोरोनाचे आणखी 1106 रुग्ण आढळून आले असून 61 जणांचा बळी गेला आहे.

हाथरस प्रकरणातील पीडितेच्या परिवाराची राहुल गांधी आणि प्रियंका गांधी वाड्रा यांनी भेट घेतली आहे.

तमिळनाडू येथे कोरोनाचे आणखी 5662 रुग्ण आढळले आहेत.

गुजरात येथे कोरोनाचे आणखी 1,41,398 रुग्ण आढळले आहेत.

राहुल गांधी आणि प्रियंका गांधी वाड्रा हाथरस मधील पीडितेच्या कुटुंबियांना भेटण्यासाठी निवासस्थानी पोहचले आहेत.

दिल्लीत कोरोनाचे आणखी 2258 रुग्ण आढळले असून 34 जणांचा बळी गेला आहे.

मध्य प्रदेशातील हायकोर्टाच्या  ग्वालियर खंडपीठाने निवडणूकीच्या रॅलीत 100 हून अधिक जण उपस्थितीत राहिलेल्या पक्षाच्या विरोधात FIR दाखल करण्याचे निर्देशन दिले आहेत.