आसाममध्ये आढळला आफ्रिकन स्वाइन फ्लू; 7 जिल्ह्यातील 306 गावातील 2,500 डुकरांचा मृत्यू; 3 मे 2020 च्या ताज्या मराठी बातम्या आणि ब्रेकिंग न्यूज LIVE

राज्य पशुसंवर्धन मंत्र्यांनी दिलेल्या माहितीनुसार, आसाममध्ये आफ्रिकन स्वाइन फ्लू आढळला आहे. यामुळे 7 जिल्ह्यातील 306 गावातील 2,500 डुकरांचा मृत्यू झाला आहे.

धारावी येथील अग्निशमन दलातील एका अधिकाऱ्याला कोरोनाची लागण झाल्याची माहिती , एएनआय वृत्त संस्थेने दिली आहे. एएनआयचे ट्विट- 

महाराष्ट्रात कोरोना विषाणूचे जाळे पसरत चालले आहे. यातच महाराष्ट्रातील नागरिकांची चिंता वाढवणारी माहिती समोर आली आहे. राज्यात आज 678 नव्या रुग्णांची नोंद झाली आहे. तर, 27 कोरोनाबाधित रुग्णांचा मृत्यू झाला आहे. एएनआयचे ट्वीट- 

परराज्यातील आपल्या राज्यात परत जाण्यासाठी 505 रुपये आकरले जात आहेत. हे अन्यायकारक असून केंद्र सरकारने परराज्यातील मजूर प्रवाशांच्या तिकिटांसाठी पंतप्रधान सहाय्यता निधीतून पैसे द्यावेत, अशी मागणी महाराष्ट्राचे मंत्री नितीन राऊत यांनी केली आहे. तसेच मजुरांच्या तिकिटांसाठी त्यांनी वैयक्तिकरित्या 5 लाखांची मदत केली असल्याचे त्यांनी सागितले आहे. एएनआयचे ट्वीट

कोरोना व्हायरसचा संसर्ग रोखण्यासाठी देशात तसेच राज्यात लॉकडाऊन पाळण्यात येत आहे. मुंबईत सुरू असलेल्या बंदमुळे आंब्यांची विक्री घटली आहे. त्यामुळे आंबे व्यापाऱ्यांना मोठे नुकसान सहन करावे लागत आहेत. बाजारापेठामध्ये ग्राहक नसल्याने आंब्यांची विक्री होत नाही. त्यामुळे आंबे सडत असल्याचं आंबा व्यापारी अब्दुल मलिक अन्सारी यांनी म्हटलं आहे.

मुंबईमध्ये कंटेन्टमेंट झोन असल्यामुळे मुंबईतून बाहेरगावी जाणाऱ्या मजुरांसाठी कोणतीही रेल्वे सोडण्यात येणार नाही असं राज्य सरकारने स्पष्ट केलं आहे.

मुंबईमध्ये आज 441 नव्या रुग्णांची भर पडली आहे. तर 21 जणांचा कोरोनामुळे मृत्यू झाला आहे. मुंबईतील कोरोना बाधित रुग्णांची संख्या 8613 वर पोहोचली आहे. तसेच आतापर्यंत 343 जणांचा कोरोनामुळे मृत्यू झाला आहे. याशिवाय आतापर्यंत 1804 जणांवर उपचार करून डिस्चार्ज देण्यात आला आहे.

धारावीत आज 94 जणांची कोरोना चाचणी पॉझिटिव्ह आली आहे. तर 2 जणांचा मृत्यू झाला आहे. त्यामुळे धारावीतील एकूण कोरोना बाधित रुग्णांची संख्या 590 वर पोहोचली आहे.

दिल्लीतील 25 BSF जवानांची कोरोना चाचणी पॉझिटिव्ह आली आहे. त्यामुळे आतापर्यंत दिल्लीत 42 जवानांना कोरोनाची लागण झाली आहे.

रेडझोनमध्ये शासकीय कार्यालये ही पूर्वीप्रमाणे ५ टक्के कर्मचाऱ्यांसह सुरू राहतील. तसेच ग्रीन व ऑरेंज झोनमध्ये 33 टक्के कर्मचाऱ्यांसह खासगी व शासकीय कार्यालये सुरू राहतील.

गेल्या 24 तासांत भारतात 2487 नव्या कोरोना रुग्णांची भर पडली आहे. तर 83 जणांचा कोरोनामुळे बळी गेला आहे.

Coronavirus: राज्यात आतापर्यंत 51 पोलीस अधिकारी आणि 310 पोलीस कर्मचाऱ्यांना कोरोनाची लागण झाली आहे. या सर्वांवर रुग्णालयात उपचार सुरू आहेत. त्यापैकी 23 पोलीस अधिकारी व 26 कर्मचारी कोरोना मुक्त झाले असून उरलेल्या 28 पोलीस अधिकारी व 281 पोलीस कर्मचारी यांच्यावर उपचार सुरू आहेत. दुर्देवाने 3 पोलीस कर्मचाऱ्यांचा कोरोनामुळे बळी गेला आहे.

केरळ मध्ये आज कोरोनाचा एकही रुग्ण आढळून आलेला नाही. तसेच राज्यात आतापर्यंत 401 जणांना डिस्चार्ज देण्यात आला आहे. सध्या केरळमध्ये केवळ 95 कोरोना रुग्ण आहेत.

झोननुसार कोणत्या सेवा कुठे सुरु राहणार? याची यादी महाराष्ट्र शासनाकडून जाहीर करण्यात आली आहे.

रेड झोन मध्ये Standalone Shops सुरु करण्यास महाराष्ट्र शासनाने परवानगी दिली आहेत. यात दारुच्या दुकानांचाही अंतर्भाव करण्यात आला आहे. तसंच एका लेनमध्ये केवळ पाच दुकाने सुरु ठेवण्यास परवानगी देण्यात आली आहे. जीवनावश्यक वस्तूंच्या दुकानांसाठी या अटी लागू करण्यात आलेल्या नाहीत. परंतु, कन्टेंमेंट झोन मध्ये कोणतीही मुभा देण्यात आलेली नाही.

मुंबईतील कोरोना रुग्णांचा वाढता आकडा पाहता  बांद्रा कुर्ला कॉम्पेक्सच्या MMRDA ग्राऊंडमध्ये 1000 बेडची सोय असलेले COVID19 हॉस्पिटल उभारण्याचे काम सुरु करण्यात आले आहे.

पंजाब: महाराष्ट्रातील नांदेड मधील हजूर साहिब येथून परतलेल्या 130 पैकी 63 नागरिक कोरोना पॉझिटीव्ह असल्याची माहिती नवांशहर उपायुक्तविनय बुलानी यांनी दिली आहे. 

जम्मू-काश्मीर: हंदवारा चकमकीत पाकिस्तानच्या लष्कर-ए-तैयबा कमांडर हैदर ठार झाल्याची माहिती IG विजय कुमार यांनी दिली आहे.

भारतात आज तब्बल 10000 कोरोना बाधित रुग्णांना डिस्चार्ज देण्यात आला आहे. कोरोना व्हायरसच्या वाढत्या संकटात ही अत्यंत दिलासादायक बातमी आहे. तसंच उपचार सुरु असलेले रुग्णही रिकव्हरीच्या मार्गावर आहेत. देशातील मृत्यू दर 3.2% असून हा जगभरातील सर्वात कमी दर असल्याची माहिती आरोग्य मंत्रालयाने दिली आहे.

आसाम मधील Guwahati Medical College and Hospital वर पुष्पवर्षाव.