Maharashtra Monsoon Update: ठाणे, रायगड भागात आज रात्री जोरदार पावसाची शक्यता- IMD; 29 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

आयएमडीचे उपमहासंचालक के.एस. होसाळीकर यांंच्या माहितीनुसार आज रात्री च्या वेळात ठाणे, रायगड या जिल्ह्यांंसह कोकणात सुद्धा जोरदार पावसाची शक्यता आहे.

श्रीनगर येथील पांथा चौकात दहशतवाद्यांनी पोलिस आणि सीआरपीएफच्या नाक्यावर गोळीबार केला असता जवान व पोलिसांंनी परिसर घेरलाव शोध घेण्यास सुरुवात केली दरम्यान दहशतवाद्यांनी पुन्हा गोळीबार केला आणि त्यामुळे चकमक सुरु झाली अशी माहिती काश्मीर झोनल पोलिसांंनी दिली आहे.

केंद्राच्या अनलॉक 4 मार्गदर्शक सूचनांचा एक भाग म्हणून, कोची मेट्रो सेवा 7 सप्टेंबरपासून पुन्हा सुरू होणार आहे. पहिल्या टप्प्यात ही सेवा सकाळी 7 ते रात्री 8 या वेळेत 20 मिनिटांच्या अंतराने चालविली जाईल. ही सेवा कोरोना व्हायरस मानकांचे पूर्ण पालन करणार आहे. कोची मेट्रो रेल लिमिटेड (KMRL) ही माहिती दिली.

वंदे भारत मिशन अंतर्गत एअर इंडिया एक्स्प्रेस आणि एअर इंडियाच्या मदतीने आजपर्यंत 3,86,080  अडकलेल्या भारतीयांना देशात परत आणण्यात आले आहे अशी माहिती नागरी उड्डाण मंत्रालयाने दिली आहे.

अनलॉक 4 नुसार मेट्रो सुरु करण्याचा निर्णय झाला आहे त्यापाठोपाठ आता भारतीय रेल्वेने लोकल गाड्या व लांंब पल्ल्याच्या रेल्वे सुद्धा लवकर सुरु कराव्यात अशी मागणी कॉंग्रेस नेते संंजय निरुपम यांंनी केली आहे. लॉकडाउन काळात जिथे कारखाने बंंद पडलेत, कामगार आपल्या गावी अडकलेत, बेरोजगारी वाढलीये तिथे कठोर निर्णय घेण्याची गरज आहे असेही निरुपम यांंनी ट्विट मध्ये म्हंटले आहे.

भारत आणि रशियाचे संबंंध अगदी उत्तम आहेत, आजवर रशिया च्या आमंंत्रणानुसार भारताने विविध आंतरराष्ट्रीय परिषदेत हजेरी लावली आहे मात्र यंंदा कोरोनाच्या संंकटामुळे भारत आपला प्रतिनिधी Kavkaz 2020 या परिषदेसाठी पाठवणार नसल्याचे संंरक्षण मंंत्रालयाकडुन सांंगण्यात आले आहे.

गुजरात मधील वॉटर एरोड्रोम ऑपरेशनच्या प्रगतीचा आढावा घेण्यासाठी आज गांधीनगर येथील न्यू सचिवालय येथे उच्चस्तरीय बैठक आयोजित करण्यात आली होती. या प्रकल्पाची सुरुवात 31 ऑक्टोबर ला होणार असुन एका तिकिटासाठी 4800 इतकी किंंमत असणार आहे. या समुद्री विमान सेवेतुन  साबरमती रिव्हरफ्रंट, अहमदाबाद ते स्टॅच्यू ऑफ युनिटी पर्यंत सलग व परवडणारी हवाई सेवा उपलब्ध होणार आहे.

मुकेश अंबानी यांंनी फ्युचर समूहाच्या रिटेल व्यवसायाला 24,713 कोटी रुपयांमध्ये खरेदी केल्याचे समजत आहे. यानुसार ई-कॉमर्स व्यवसायात  रिलायन्स ने मोठी स्पर्धा दुर केली आहे. 

आज 29 ऑगस्ट रोजी  मुंंबई शहरात 1432 कोरोना रुग्ण आढळुन आले आहेत. यानुसार एकुण कोरोनाबाधितांंची संख्या 1,43,389 इतकी झालीआहे. मागील 24 तासात 682 रुग्ण कोरोनामुक्त झाले असुन आजवर 1,15,000जणांंनी कोरोनावर मात केली आहे. आज 31 जणांंचा कोरोनामुळे मृत्यु झाला असुन एकुण मृत्युंची संख्या 7593 इतकी झाली आहे. सध्या कोरोनाच्या अ‍ॅक्टिव्ह रुग्णांंची संख्या 19,974 इतकी आहे. 

पुणे शहरात नव्याने 1,968 कोरोनाबाधित रुग्णांची नोंद झाली असून एकूण संख्या 92,839 झाली आहे. तर 1,657 रुग्ण कोरोनामुक्त झाले असून सध्या 15,423 रुग्णांवर उपचार सुरू आहेत. 

मध्य प्रदेशात घराची भिंत कोसळून 4 मुलांचा मृत्यू झाला आहे.

सुशांत सिंह राजपूत याच्या मृत्यूप्रकरणी CBI कडून  सुरु असलेल्या तपासासंदर्भात रिया आणि तिचा भाऊ शौविक चक्रवर्ती DRDO गेस्ट हाऊस मधून बाहेर पडले आहेत.

युपी मधील गौतम बुद्ध नगर येथे कोरोनाचे आणखी 121 रुग्ण आढळले आहेत.

महाराष्ट्रात आज कोरोनाचे आणखी 16,867 रुग्ण आढळून आले असून 328 जणांचा बळी गेला आहे.

पंजाब येथे कोरोनाचे आणखी 1474 रुग्ण आढळले आहेत.

शाळा, महाविद्यालये आणि अन्य शैक्षणिक संस्था येत्या 30 सप्टेंबर पर्यंत बंद राहणार असल्याचे MHA कडून स्पष्ट करण्यात आले आहे.

Unlock 4 Guidelines नुसार सामाजिक, शैक्षणिक, खेळ, मनोरंजन, सांस्कृतिक, धार्मिक, राजकीय कार्यक्रमांहस अन्य समारंभ फक्त 100 व्यक्तींच्या उपस्थितीत पार पाडण्यास येत्या 21 सप्टेंबर पासून परवानगी देण्यात आली आहे.

मेट्रो रेल्वे येत्या 7 सप्टेंबर पासून श्रेणीबद्ध पद्धतीने सुरु करण्यास परवानगी दिली जाणार असल्याचे भारत सरकारकडून स्पष्ट करण्यात आले आहे.

भारत सरकारकडून Unlock 4 साठी मार्गदर्शक सूचना जाहीर केल्या आहेत.

अनुसूचित जातीतील नवउद्योजकांना येत्या वर्षभरात 100 कोटी रूपये मिळवून देण्यासाठी स्वत: प्रयत्नशील राहणार असल्याचे  धनंजय मुंडे यांनी म्हटले आहे.