देशात कचरामुक्त शहरांच्या यादीत पुणे शहराला केंद्र सरकारकडून '3 स्टार शहर' म्हणून मानांकन; 24 जून 2020 च्या ताज्या मराठी बातम्या आणि ब्रेकिंग न्यूज LIVE

देशात कचरामुक्त शहरांच्या यादीत पुणे शहराला केंद्र सरकारकडून '3 स्टार शहर' म्हणून मानांकन मिळाले आहे. याबाबत महापौर मुरलीधर मोहोळ यांनी स्वच्छता सेवक, अधिकारी आणि सर्व पुणेकरांना मनःपूर्वक धन्यवाद दिले आहेत.

पाकिस्तान दहशतवाद्यासाठी आश्रयस्थान असल्याचे अमेरिकेच्या एका अहवालात म्हटले गेले आहे. एएनआयचे ट्विट- 

पुणे शहरात कोणत्याही सार्वजनिक ठिकाणी, शासकीय-खासगी कार्यालयात वावरताना मास्क वापरणे बंधनकारक असून, मास्क न वापरणाऱ्यांवर 500 रुपये दंड आकारण्यात येणार आहे. पुणे महापूर मुरलीधर मोहळ यांनी याबाबत माहिती दिली.

डब्ल्यूएचओ डायरेक्टर-जनरल यांनी पुढील आठवड्यात जगातील कोरोना विषाणू संक्रमितांची संख्या 1 कोटी होऊ शकते अशी शक्यता वर्वली आहे. ते म्हणाले, 'सध्या कोरोना व्हायरस लस आणि उपचारांचा अभ्यास चालू ठेवत असतानाही,आपण आपली काळजी घेण्यासाठी, विषाणूचे प्रसारण रोखण्यासाठी आणि जीव वाचवण्यासाठी प्रयत्नशील असण्याची जबबदारी आपली आहे.

महाराष्ट्र मुख्यमंत्री कार्यालयाने दिलेल्या माहितीनुसार, संजय कुमार हे महाराष्ट्राचे नवे मुख्य सचिव होणार आहेत व जुलैमध्ये ते पदभार स्वीकारतील. विद्यमान मुख्य सचिव अजोय मेहता 30 जून रोजी सेवानिवृत्त होणार आहेत.

नोएडा मेट्रो रेल कोऑपरेशनच्या मॅनेजिंग डायरेक्टरने दिलेल्या माहितीनुसार, ट्रान्सजेंडर समुदायाला समर्पित असणारे नोएडा मेट्रो रेल कोऑपरेशनचे सेक्टर-50 मेट्रो स्टेशन हे आता 'रेनबो' स्टेशन म्हणून ओळखले जाणार आहे.

सरकारने आधार पॅनशी जोडण्याची अंतिम मुदत 31 मार्च 2021 पर्यंत वाढवली आहे, तसेच वित्तीय वर्ष 2018-19 साठी आय-टी रिटर्न भरण्यासाठी अंतिम मुदत 31 जुलै, 2020 पर्यंत वाढविण्यात आली आहे.

मुंबईत आज 1144 जणांची कोरोना चाचणी पॉझिटिव्ह आली आहे. तसेच 38 जणांचा कोरोनामुळे मृत्यू झाला आहे.  त्यामुळे राज्यातील कोरोना रुग्णांची संख्या 69,625 इतकी झाली आहे.

उत्तर दिल्ली महानगरपालिकेचे महापौर आणि उपमहापौरपदी भाजप नेते जय प्रकाश आणि रितु गोयल यांची एकमताने निवड झाली आहे.

महाराष्ट्रात आज 208 जणांचा मृत्यू झाला असून 3890 जणांची कोरोना चाचणी पॉझिटिव्ह आली आहे. त्यामुळे राज्यातील कोरोना रुग्णांची संख्या 1,42,900 इतकी झाली आहे.

पश्चिम बंगाल मध्ये 31 जुलैपर्यंत लॉकडाऊन वाढवण्यात येणार आहे.

धारावीत आज 10 नवे कोरोना रुग्ण आढळून आले आहे. त्यामुळे धारावीतील एकूण रुग्णांची संख्या 2199 वर पोहोचली आहे.

तामिळनाडूमध्ये आज 2865 जणांची कोरोना चाचणी पॉझिटिव्ह आली असून 33 जणांचा मृत्यू झाला आहे.

केरळमध्ये आज 152 जणांची कोरोना चाचणी पॉझिटिव्ह आली आहे.

परभणी जिल्ह्याच्या सेलू तालुक्यात दोन मुली कोरोना बाधित आढळल्या आहेत. जिल्ह्यातल्या कोरोना बाधितांची संख्या आता 98 झाली आहे. दरम्यान, सेलू शहरातला हसमुख कॉलनी परिसर प्रतिबंधित क्षेत्र म्हणून जाहीर केला आहे.

महाराष्ट्र पोलिस दलात मागील 48 तासांत 185 पोलिसांना कोरोनाची लागण तर 2 जणांचा मृत्यू झाला आहे. त्यामुळे पोलिस दलातील कोविड-19 ची रुग्णसंख्या 4288 इतकी झाली आहे. त्यापैकी 998 रुग्णांवर अद्याप उपचार सुरु आहेत. तर 3239 रुग्ण कोरोनामुक्त झाले आहेत. दरम्यान महाराष्ट्र पोलिस दलातील एकूण 51 पोलिसांचा कोरोना संसर्गामुळे मृत्यू झाला आहे.

ओडिशा: स्थलांतरीत मजूरांच्या बसला अपघात झाला आहे. यात एकाचा मृत्यू तर 20 जण जखमी झाल्याची माहिती पोलिसांनी दिली आहे.

Share Market Update: बाजार बंद होताना सेन्सेक्स आणि निफ्टी मध्ये घसरण पाहायला मिळत आहे. 561.45 अंकांची घसरण झाल्याने सेन्सेक्स 34,868.98 वर तर निफ्टीमध्ये 165.70 पॉईंटने घसरण झाली असून 10,305.30 वर पोहचला आहे.

केंद्रीय मंत्री प्रकाश जावडेकर यांची पत्रकार परिषद

पंजाब: सरकारच्या परवानगीनंतर लुधियाना मध्ये हॉटेल्स आणि रेस्टॉरन्ट सुरु करण्यात आले आहेत.