उत्तर दिल्लीतील मुस्लिम आणि अनुसूचित जातींसाठी चिंताग्रस्त, भीम आर्मी प्रमुख चंद्रशेखर आझाद यांचे राज्यपालांना पत्र ; 24 फेब्रुवारी 2020 च्या ताज्या मराठी बातम्या आणि ब्रेकिंग न्यूज LIVE

भीम आर्मी चीफ, चंद्रशेखर आझाद यांनी दिल्लीचे उपराज्यपाल यांना एक पत्र लिहीत, 'मी पूर्वोत्तर दिल्लीतील बर्‍याच भागातील मुस्लिम आणि अनुसूचित जाती जमातीतील लोकांच्या सुरक्षिततेसाठी व संरक्षणासाठी अत्यंत चिंताग्रस्त असल्याचे सांगत हिंसाचाराने बाधित झालेल्या भागाला भेट देण्याची इच्छा वर्तवली आहे.

बीड- परळीत रेल्वे रुळाच्या बाजूला नवजात बालिकेचे जिवंत अर्भक आढळले आहे. आठ दिवसांपूर्वी या अर्भकाचा जन्म झाला असण्याची शक्यता आहे. 

दिल्लीतील उत्तर-पूर्व जिल्ह्यात सीएए  विरुद्ध सुरु असणाऱ्या हिंसाचाराच्या पार्श्वभूमीवर उद्या सर्व सरकारी आणि खासगी शाळा बंद राहणार आहेत. याबाबत उपमुख्यमंत्री मनीष सिसोदिया यांनी माहिती दिली आहे तसेच  जिल्ह्यातील बोर्ड परीक्षा देखील पुढे ढकलण्यात आल्या आहेत.

दिल्लीमध्ये सीएए विरुद्ध पेटलेल्या आंदोलनात एकूण तीन नागरिकांचा मृत्यू झाला आहे, याशिवाय गोकुलपुरी येथे झालेल्या गोळीबारात रतन लाल या पोलीस हेड कॉन्स्टेबलचा देखील मृत्यू झाला आहे.

राज्यातील 19 जिल्ह्यांमधील सुमारे 1,570 ग्रामपंचायतींच्या थेट सरपंच व सदस्यपदांच्या सार्वत्रिक निवडणुकीसाठी 29 मार्च रोजी मतदान होणार आहे. तर 30 मार्चला मतमोजणी होणार आहे. दरम्यान, राज्यपालांनी सदस्यांमधून सरपंच निवडीचा अध्यादेश फेटाळल्यानं आता थेट सरपंचपदासाठी निवडणूक होणार आहे.

 भाजप पक्ष उद्या राज्यभरात एकाचवेळी 400 ठिकाणी धरणे आंदोलन करणार आहे. राज्यातील सरकारला सक्षम विरोधी पक्ष दाखविण्यासाठी हे आंदोलन केले जाणार आहे. उद्या राज्यभरात हे धरणे आंदोलन होणार असून मुंबईतील आझाद मैदानात दुपारी 12 ते 3 यावेळेत भाजपाकडून शक्तीप्रदर्शन केले जाणार आहे. 

अमेरिकेचे राष्ट्राध्यक्ष डोनाल्ड ट्रम्प आणि त्यांची पत्नी पालमच्या एअरफोर्स स्टेशनवर दाखल झाले आहेत. तसेच उद्या ते भारताचे राष्ट्रपती रामनाथ कोविंद आणि पंतप्रधान नरेंद्र मोदी यांची भेट घेतील.

कोरेगाव भीमा हिंसाचार प्रकरणी चौकशी आयोग राष्ट्रवादीचे अध्यक्ष शरद पवार यांना साक्षीसाठी बोलावणार आहे. शरद पवारांची साक्ष या प्रकरणातील महत्वपूर्ण साक्ष ठरतील असे सांगण्यात येत आहे. 

मीरा भाईंदर मधील भाजपचे नेते नरेंद्र मेहता यांनी आपल्या सर्व पदांचा राजीनामा दिला आहे. विधानसभा निवडणुकीत गीता जैन यांनी त्यांना पराभूत केले होते. त्यांच्या राजीनाम्यामागचे कारण अद्याप समजू शकलेले नाही.

उत्तर पूर्व दिल्लीतील तणावपूर्ण परिस्थिती ही आटोक्यात आली असल्याचे  केंद्रीय गृह सचिव अजय भल्ला यांनी सांगितले आहे. तेथील संवेदनशील ठिकाणी पुरेसा फौजफाटा तैनात करण्यात आला असून परिस्थिती नियंत्रणात असल्याचे सांगण्यात येत आहे.

अमेरिकेचे राष्ट्राध्यक्ष डोनाल्ड पत्नी मेलानिया आणि मुली इवांकासह आग्र्यातील ताजमहालमध्ये दाखल झाले आहेत. ते संपूर्ण ताजमहाल अगदी डोळे भरून पाहत आहेत. यावेळी त्यांनी ताजमहाल व्हिजिटर बुकमध्ये ताजमहालबाबत प्रशंसा केली आहे. "ताजमहाल हे आपल्याला प्रेरित करतो. तसेच ताजमहाल भारतीय संस्कृतीच्या विविधपूर्ण सुंदरतेचा नमुना आहे" असेही त्यांनी या पुस्तकात लिहिले आहे.

अमेरिका राष्ट्राध्यक्ष डोनाल्ड ट्रम्प, पत्नी मेलानिया आणि मुलगी इवांका हे  ताज महालाच्या येथे पोहचले आहेत.

सुन्नी वफ्फ बोर्डाकडून मस्जिदीसाठी पाच एकर जमिनी मान्य करण्यात आली आहे.

डोनाल्ड ट्रम्प, मेलानिया आणि मुलगी इवांका आगरा येथून ताज महालाकडे रवाना झाले आहेत.

डोनाल्ड ट्रम्प आणि मेलानिया यांचे आगरा विमानतळावर आगमन झाले असून थोड्याच वेळात ताजमहालला भेट देणार आहे.

नागरिकत्व सुधारणा कायद्याच्या विरोधात दिल्लीत जोरदार आंदोलन करण्यात आले. यामध्ये काही आंदोलकांनी दगडफेक केली. तर या दरम्यान एक व्हिडिओ समोर आला असून त्यामध्ये  मोजपूर येथे एका तरुणाकडून 8 राउंड गोळीबार करण्यात आल्याने तणावपूर्ण वातावरण निर्माण झाले आहे. 

अमेरिकेचे राष्ट्राध्यक्ष डोनाल्ड ट्रम्प आणि त्यांची पत्नी मेलानिया ट्रम्प आता उत्तरप्रदेशमधील आग्रा येथे रवाना झाले आहेत. तसेच ते आग्रा येथील ताजमहालला भेट देणार असल्याची माहिती समोर आली आहे. ट्वीट-

महाराष्ट्राचे मुख्यमंत्री उद्धव ठाकरे याच्या नेतृत्वाखाली राज्यात महाविकास आघाडी सरकारच्या पहिल्या अर्थसंकल्पीय अधिवेशनाला आज सुरुवात झाली आहे. दरम्यान, ठाकरे सरकारकडून शेतकरी कर्जमाफीची पहिली यादी जाहीर करण्यात आली आहे. यात एकूण 15 हजार 358 शेतकऱ्यांचा समावेश आहे. एप्रिल महिन्याच्या अखेरपर्यत याची अंमलबजावणी होणार आहे. 

डोनाल्ड ट्रम्प यांनी मोटोरा स्टेडिअमवर भाषण करत असताना पंतप्रधान नरेंद्र मोदी यांचे तोंडभरून कौतूक केले आहे. पंतप्रधान नरेंद्र मोदी यांनी चाह वाला म्हणून आपल्या जीवनाची सुरूवात केली होती. त्यांनी चाह विक्रेताचे काम केले आहे. प्रत्येक भारतीयांचे त्यांच्यावर प्रेम आहे. तसेच मोदी यांनी आपल्या जीवनात खूप संघर्ष केल्याचे समजत आहे, आशा शब्दात डोनाल्ड ट्रम्प यांनी नरेंद्र मोदी यांचे कौतूक केले आहे. ट्वीट-

अमेरिका हा भारताचा  विश्वासू मित्र असल्याचे पंतप्रधान नरेंद्र मोदी म्हटले आहे. तसेच देशात नवे कायदे तयार करण्यात आले आहे. तर भारत आणि अमेरिका एकत्रित काम करणार आहोत. तर भाषणाच्या शेवटी India-US Friendship Long Live च्या घोषणा मोदी यांनी दिल्या आहेत.