बलिया: पत्रकार रतन सिंह याची गोळ्या झाडून हत्या ; 24 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

बलिया येथे पत्रकार रतन सिंह याची गोळ्या झाडून हत्या करण्यात आली आहे.

वैष्णो देवीसाठी ऑनलाईन यात्रा आणि हेलिकॉप्टर बुकिंगची सुविधा येत्या 26 ऑगस्ट ते 5 सप्टेंबर दम्यान सुरु राहणार आहे.

रायगड येथे इमारत कोसळल्याच्या दुर्घटनेत एकाचा मृत्यू तर सात जण जखमी झाले आहेत.

आसाम येथे कोरोनाचे आणखी 1879 रुग्ण आढळून आल्याने आकडा 92,619 वर पोहचला आहे.

रिपब्लिकन पक्षाने अध्यक्ष आणि अमेरिकेचे उपाध्यक्ष पदाचे उमेदवार म्हणून डोनाल्ड ट्रम्प आणि माईक पेंस यांना अधिकृत नामांकन जाहीर केले.

पुणे शहरात आज नव्याने 1,101 कोरोनाबाधित रुग्णांची नोंद झाली असून, एकूण संख्या 84,496 झाली आहे. तर 1,188 रुग्ण कोरोनामुक्त झाले असून सध्या 14,686 रुग्णांवर उपचार सुरू आहेत. शहरातील एकूण तपासणी आता 4,07,924 झाली असून आज 5,129 टेस्ट घेण्यात आल्या.

कर्नाटक येथे कोरोनाचे आणखी 5851 रुग्ण आढळले आहेत.

गोविंद पानसरे यांच्या हत्येप्रकरणातील 2 आरोपींचा जामीन कोल्हापूर कोर्टाने फेटाळला आहे.

अरुणाचल प्रदेशात कोरोनाचे आणखी 49 रुग्ण आढळून आल्याने आकडा 3312 वर पोहचला आहे.

राजस्थान येथे कोरोनाचे आणखी 12 रुग्ण आढळून आल्याने आकडा 1346 वर पोहचला आहे.

रागयड येथे इमारत कोसळल्याच्या दुर्घनटनेप्रकरणी सहकार्य करण्यासाठी केंद्रीय मंत्री अमित शहा यांनी NDRF सोबत चर्चा केली आहे.

मुंबईत मागील 24 तासांत 743 नवे रुग्ण आढळले असून 20 जण दगावल्याची माहिती मुंबई महानगरपालिकेने दिली आहे. यामुळे मुंबईत कोरोना बाधितांची एकूण संख्या  1,37,091 वर पोहोचली असून मृतांची एकूण संख्या 7,439 वर पोहोचली आहे.

रायगड जिल्ह्यातील महाड तालुक्यात पाच मजली इमारतीचे 3 मजले कोसळले असून यात 200 नागरिक अडकल्याची भीती व्यक्त करण्यात येत आहे. यात 15 जणांना सुखरुप बाहेर काढण्यात आले असून बचावकार्य अद्याप सुरु आहेत अशी माहिती महाराष्ट्राचे मंत्री आदिती तटकरे यांनी दिली आहे.

महाराष्ट्रात मागील 24 तासांत 11,015 कोरोनाचे रुग्ण आढळले असून 212 रुग्ण दगावल्याची माहिती आरोग्य विभागाने दिली आहे. यामुळे कोरोना बाधितांची एकूण संख्या 6,93,398 वर पोहोचली आहे.

महाराष्ट्रात मागील 24 तासांत 11,015 कोरोनाचे रुग्ण आढळले असून 212 रुग्ण दगावल्याची माहिती आरोग्य विभागाने दिली आहे. यामुळे कोरोना बाधितांची एकूण संख्या 6,93,398 वर पोहोचली आहे.

हरियाणा चे मुख्यमंत्री मनोहर लाल खट्टर यांना COVID-19 लागण झाली असून आपल्या संपर्कात आलेल्या व्यक्तींनी त्वरित क्वारंटाईन व्हावे असा सल्ला मुख्यमंत्र्यांनी ट्विटच्या माध्यमातून दिला आहे. तसेच मागील आठवड्यात माझ्या संपर्कात आलेल्या व्यक्तींनी त्वरित कोरोनाची चाचणी करावी असे आवाहनही केले आहे.

रायगड जिल्ह्यातील महाड मध्ये घर कोसळल्याची घटना समोर आली आहे. या दुर्घटनेत काही लोक अडकल्याचे सांगण्यात येत आहे. NDRF च्या तीन टीम घटनास्थळी रवाना झाल्याचे या विभागाकडून सांगण्यात येत आहे.

ज्येष्ठ गायक एस पी बालसुब्रमण्यम यांची प्रकृती सध्या स्थिर असून अजूनही ते व्हेंटिलेटवर उपचार घेत आहेत अशी माहिती एमजीएम हेल्थकेअर रुग्णालयाने दिली आहे. त्यांच्यावर डॉक्टरांची वैद्यकिय टीम इलाज करत आहेत असेही सांगण्यात येत आहे.

सिंधुदुर्ग जिल्ह्यात आज 25 जण कोरोना पॉझिटिव्ह आले असून एकूण 962 जणांना कोरोनाची लागण झाली आहे. तसेच आज दिवसभरात 14 रुग्ण बरे झाले असून आतापर्यंत एकूण 523 जणांनी कोरोनावर यशस्वीरित्या मात केली आहे.

सात तासांच्या चर्चेनंतर CWC बैठक अखेर संपली आहे. या बैठकीत पुढील 6 महिन्यात नवीन प्रमुख निवडीपर्यंत सोनिया गांधीच काँग्रेस पक्षाच्या अंतरिम अध्यक्ष म्हणून राहतील असा निर्णय झाल्याची माहिती सूत्रांनी दिली आहे.