उत्तर प्रदेशातील कोरोनाच्या परिस्थिती संदर्भात केंद्रीय आरोग्यमंत्री हर्षवर्धन यांनी व्हिडिओ कॉन्फरन्सिंगच्या माध्यमातून घेतली आढावा बैठक ; 23 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

उत्तर प्रदेशातील कोरोनाच्या परिस्थिती संदर्भात केंद्रीय आरोग्यमंत्री हर्षवर्धन यांनी व्हिडिओ कॉन्फरन्सिंगच्या माध्यमातून आढावा बैठक घेतली.

अरुणाचल प्रदेशात कोरोनाचे आणखी 68 रुग्ण आढळले आहेत.

केरळ येथे कोरोनाचे आणखी 8511 रुग्ण आढळले असून 26 जणांचा बळी गेला आहे.

अंदमान निकोबार येथे कोरोनाचे आणखी 23 रुग्ण आढळले असून आकडा 4207 वर पोहचला आहे.

छत्तीसगढ येथे कोरोनाच्या रुग्णांचा आकडा 1,72,580 वर पोहचला असून आणखी 2450 रुग्णांची भर पडली आहे.

सुदान ची इस्राईल सोबत शांतता व सामान्यीकरणाच्या करारावर सहमती दर्शवल्याची माहिती युएस राष्ट्राध्यक्ष डोनाल्ड ट्रंम्प यांनी म्हटले आहे.

पश्चिम बंगाल येथे दुर्गा पूजेच्या मंडपात आरोग्य कर्मचाऱ्यांना सलाम करणारे  पुतळे उभारण्यात आले आहेत.

महाराष्ट्र सरकारकडून बेस्टला पूर्ण क्षमतेने प्रवास करण्याची परवानगी दिली आहे. ट्विट-

मुंबईत आज आणखी 1 हजार 470 कोरोनाबाधितांची नोंद झाली आहे. तर, 48 जणांचा मृत्यू झाला आहे. ज्यामुळे मुंबईतील एकूण कोरोनाबाधितांची संख्या 2 लाख 48 हजार 804 वर पोहचली आहे. ट्विट-

मुंबईतील सिटी सेंटर मॉलला लागलेली आग विझवण्यासाठी अद्याप प्रयत्न सुरुच आहेत.

महाराष्ट्रात कोरोनाचे आणखी 7347 रुग्ण आढळले असून 184 जणांचा बळी गेला आहे.

मुंबईत मागील 24 तासांत 1470 कोरोनाचे रुग्ण आढळले असून 48 रुग्णांचा मृत्यू झाला आहे. यामुळे मुंबईत कोरोना बाधितांची एकूण संख्या 2,48,804 वर पोहोचली असून मृतांची एकूण संख्या 9966 वर पोहोचली आहे. सद्य घडीला मुंबईत 19,246 रुग्णांवर उपचार सुरु आहेत.

तामिळनाडूत आज दिवसभरात 3057 नवे कोरोनाचे रुग्ण आढळले असून 33 जणांचा मृत्यू झाल्याची माहिती आरोग्य विभागाने दिली आहे. यामुळे राज्यात कोरोना बाधितांची एकूण संख्या 7,03,250 वर पोहोचली आहे.

चंदीगड़ मध्ये आज नवे 72 कोरोनाचे रुग्ण आढळले असून कोरोना संक्रमितांची एकूण संख्या 13,920 वर पोहोचली आहे.

कर्नाटकमध्ये आज दिवसभरात 5356 नवे रुग्ण आढळले असून 51 रुग्ण दगावले आहेत. यामुळे राज्यात कोरोना बाधितांची एकूण संख्या 7,93,907 वर पोहोचली असून मृतांचा आकडा 10,821 वर पोहोचला आहे.

संरक्षणमंत्री राजनाथ सिंह येत्या 24-25 ऑक्टोंबर रोजी दोन दिवसांसाठी दार्जिलिंग आणि सिक्कीम दौऱ्यावर जाणार आहे.

तमिळनाडू येथे फटाक्यांच्या फॅक्टीला आग लागून 5 जणांचा मृत्यू तर 3 जण जखमी  झाले आहेत.

मुंबईतील नागपाडा परिसरातील सिटी सेंटर मॉलला लागलेली आग ही Level 5 असल्याचे जाहीर करण्यात आले आहे. तर आगीवर नियंत्रण मिळवत असताना अग्निशमन दलाचे 5 कर्मचारी जखमी झाले आहेत.

कर्नाटक येथे नुकसानग्रस्त जिल्ह्यांसाठी केंद्र सरकारकडून 10 हजार कोटींची मदत जाहीर करण्यात आली आहे.

कांदा किरकोळ विक्रेत्यांवर 2 टनांची तर होलसेल विक्रेत्यांसाठी 25 टनांची साठा मर्यादा सरकारने घातली आहे.