धारावीत आज 33 नव्या कोरोना रुग्णांची नोंद तर एकाचा मृत्यू; 23 मे 2020 च्या ताज्या मराठी बातम्या आणि ब्रेकिंग न्यूज LIVE

धारावीत आज 33 नव्या कोरोना रुग्णांची नोंद झाली असून एकाचा मृत्यू झाला आहे.

पुण्यात आज 269 जणांची कोरोना चाचणी पॉझिटिव्ह आली असून 7 जणांचा कोरोनामुळे मृत्यू झाला आहे. त्यामुळे पुण्यातील कोरोना बाधित रुग्णांची संख्या 5436 वर पोहोचली आहे.

उत्तर प्रदेशचे मुख्यमंत्री योगी आदित्यनाथ यांना ठार मारण्याचा धमकी देणाऱ्या आरोपी कामरान अमीन खानला एटीएस कडून अटक करण्यात आली आहे.

तिहार जेल मधील इमर्जन्सी पॅरोलवर आतापर्यंत 1100 दोषींची सुटका करण्यात आली असून यातील दोषी 30 ते 60 वर्षांपेक्षा जास्त वयाचे आहेत.

उत्तराखंड मधील पौरी गढवाल जिल्ह्यातील श्रीनगर जंगलाला आज आग लागल्याची घटना घडली. त्यामुळे जवळपास 5 ते 6 हेक्टर जंगलाचे नुकसान झाले आहे. अद्याप आगीवर नियंत्रण मिळवण्यात यश आलेलं नाही.

महाराष्ट्र राज्य शासनाने 19 मे रोजी जाहीर केलेल्या लॉकडाऊन नियमात बदल केलेला नसल्याने राज्यातून हवाई प्रवासाला परवानगी देण्यात आलेली नाही.

राजस्थानमध्ये आज 248 नव्या कोरोना रुग्णांची नोंद झाली असून 7 जणांचा मृत्यू झाला आहे.

मुबंईमध्ये आज 1566 नव्या कोरोना रुग्णांची नोंद झाली असून 40 जणांचा मृत्यू झाला आहे.  त्यामुळे मुंबईतील कोरोनाग्रस्तांची संख्या 28,634 वर पोहोचली आहे.

गुजरात गेल्या 24 तासात 396 कोरोनाबाधित रुग्ण आढळून आल्याने आकडा 13,699 वर पोहचला आहे.

उत्तराखंड येथे आणखी 72 नवे कोरोनाग्रस्त रुग्ण आढळून आल्याने आकडा 244 वर पोहचला आहे.

जम्मू-कश्मीर येथे आणखी 80 जणांची कोरोनाची चाचणी पॉझिटिव्ह आली आहे.

अहमदाबाद येथे आणखी 277 जणांची कोरोनाची चाचणी पॉझिटिव्ह आल्याने आकडा 10,001 वर पोहचला आहे.

महाराष्ट्रात आज 2608 नवे कोरोनाबाधित रुग्ण आढळून आल्याने आकडा 47910 वर पोहचला आहे.

अम्फान चक्रीवादळामुळे जवळजवळ 500 घरांचे नुकसान झाले आहे.

अम्फान चक्रीवादळामुळे जवळजवळ 500 घरांचे नुकसान झाले आहे.

लॉकडाउनच्या दोन महिन्यानंतर GoAir विमान सेवा उड्डाणासाठी सज्ज झाली आहे.

तमिळनाडू येथे आणखी 5 जणांचा कोरोनानुळे बळी, राज्यातील COVID19 रुग्णांचा आकडा 15,512 वर पोहचला आहे.

दिल्लीतील Cygnus Orthocare Hospital मध्ये आग लागली असून 8 अग्निशमन दलाच्या गाड्या घटनास्थळी दाखल झाल्या आहेत.

पंजाब येथे आणखी 16 कोरोनाग्रस्त रुग्ण आढळून आल्याने आकडा 2045 वर पोहचला आहे.

जेजे मार्ग पोलीस स्थानकातील पोलीस कर्मचाऱ्याने कोरोनाशी यशस्वी लढा दिल्यानंतर पुन्हा कामावर रुजू झाल्यानंतर त्यांच्यावर पुष्पवृष्टी करत स्वागत केले आहे.