नागपाडा येथील मॉलला लागलेली आग ही Level-3 असल्याचे जाहीर करण्यात आले असून 8 अग्निशमन दलाच्या गाड्या घटनास्थळी दाखल; 22 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

नागपाडा येथील मॉलला लागलेली आग ही Level-3 असल्याचे जाहीर करण्यात आले असून 8 अग्निशमन दलाच्या गाड्या घटनास्थळी दाखल झाल्या आहेत.

राजस्थान मधील जयपूर येथे IPL साठी सट्टेबाजीचा पर्दाफाश करण्यात आला असून पोलिसांकडून चार जणांना अटक केली आहे.

पुणे शहरामध्ये आज दिवसभरात कोरोना विषाणूच्या 818 रुग्णांना डिस्चार्ज देण्यात आला असून, पुणे शहरातील एकूण डिस्चार्ज संख्या 1 लाख 46 हजार 912 झाली आहे.

महाराष्ट्र: मुंबईतील नागपाडा परिसरातील मॉलमध्ये भीषण आग लागली आहे. सध्या तरी यामध्ये कोणतीही जीवितहानी झाली नसल्याची माहिती मिळत आहे.

वकील अली काशिफ खान देशमुख यांनी कंगना रनौत विरोधात अंधेरी दंडाधिकारी न्यायालयात आणखी एक फौजदारी तक्रार दाखल केली आहे. यामध्ये राजद्रोह, हिंदु-मुस्लिमांमध्ये तणाव निर्माण करणे आणि सरकारचा उल्लेख 'पप्पू सेना' असा करून चेष्टा केल्याचा आरोप आहे.

गाझियाबाद, नोएडा, फरीदाबादच्या मोठ्या भागात हवेची गुणवत्ता 'अत्यंत खराब' प्रकारात कायम आहे; केंद्रीय प्रदूषण नियंत्रण मंडळाने मेंटेन केलेल्या एअर क्वालिटी इंडेक्स (एक्यूआय) नुसार गुडगावचे प्रमाण तुलनेने चांगले आहे.

मुंबईमध्ये आज कोरोना विषाणूच्या 1,463 रुग्णांची नोंद झाली असून, एकूण संक्रमितांची संख्या 2,47,334 झाली आहे. तसेच आज 49 रुग्णांचा मृत्यू झाला असून, एकूण मृत्यूंची संख्या 9,918 वर गेली आहे. 

गुजरात येथे कोरोनाचे 1136 नवे रुग्ण आढळल्याने आकडा 1,64,121 वर पोहचला आहे.

दिल्लीत कोरोनाचे आणखी 3882 रुग्ण आढळले असून गेल्या 24 तासात 35 जणांचा बळी गेला आहे.

मध्य प्रदेशात कोरोनाचे आणखी 1045 रुग्ण आढळले असून 14 जणांचा बळी गेला आहे.

महाराष्ट्रात कोरोनाचे आणखी 7539 रुग्ण आढळले असून 198 जणांचा बळी गेला आहे.

बिहार विधानसभा निवडणूकीसाठी पंतप्रधान नरेंद्र मोदी उद्यापासून त्यांच्या रॅलीसाठी सुरुवात करणार आहेत.

पाकव्याप्त कश्मीर येथील मुज्जफराबाद आणि मिरपूर येथे 22 ऑक्टोंबर हा दिवस Black Day म्हणून  रॅली काढल्या गेल्या.

पंतप्रधान नरेंद्र मोदी येत्या 24 ऑक्टोंबरला गुजरात मधील 3 प्रोजेक्ट्सचे व्हिडिओ लिंकच्या माध्यमातून उद्घाटन करणार आहेत.

केरळ येथे कोरोनाचे आणखी 7482 रुग्ण आढळले तर 32 जणांचा बळी गेला आहे.

यवतमाळ येथे कोरोनाचे आणखी 64 रुग्ण गेल्या 24 तासात आढळले आहेत.

येत्या 2 वर्षात उरण येथील Power Plant ची क्षमता 1000 मेगावॅट्स करण्यात येणार असे नितीन राऊत यांनी म्हटले आहे.

तमिळनाडू येथे मुसळधार पावसामुळे विविध भागात वॉटर लॉगिंग झाले आहे.

पश्चिम बंगाल येथे येत्या 22-23 ऑक्टोंबरला मुसळधार ते अतिमुसळधार पावसाच्या सरी कोसळणार असल्याचा IMD चा इशारा दिला आहे.

COVID19 vaccine उपलब्ध होताच तामिळनाडू मध्ये मोफत पुरवली जाणार अशी मुख्यमंत्री Edappadi K. Palaniswami यांनी घोषणा केली आहे. आज सकाळी बिहार निवडणूकीच्या जाहीरनाम्यातही भाजपाने ती मोफत देण्याचं जाहीर केले आहे.