Epidemic Diseases (Amendment) Bil 2020: महामारी सुधारणा विधेयक संसदेत मंजूर; 21 सप्टेंबर 2020 च्या ताज्या मराठी बातम्या आणि ब्रेकिंग न्यूज LIVE

संसदेच्या पावसाळी अधिवेशनात आज महामारी सुधारणा विधेयक आज आवाजी मतदानाने मंजूर करण्यात आले.

आयपीएल 2020 मध्ये रॉयल चॅलेंजर्स बंगळुरु संघाने विजयी सुरुवात केली. पहिलाच्या सामन्यात सनरायजर्स हैदराबादचा पराभव केला. बंगळुरु संघाने हा विजय 10 धावांनी मिळवला.

छत्तीसगड राज्यात विजापूर येथील एका नदीवरुन जाताना एक बस पूलावरुन पाण्यात कोसळली. नक्षलवाद्यांविरोधात कारवाई करुन परतनारे सरकारी कर्मचारी या बसमधून प्रवास करत होते.

मुंबईतील इस्टर्न एक्सप्रेस हायवेवरुन आज एका 8 फूट लांबीच्या अजगाराची सुटका करण्यात आली. अजगराची सुटका करताना काही काळ वाहतूक कोंडीही झाली. मात्र, अजगराला जीवदान मिळाले. एका कारमधून या अजगराची सुटका करण्यात आली.

मनसे (MNS) अध्यक्ष राज ठाकरे (Raj Thackeray यांना मुंबई-मांडवा रो-रो बोट (Raj Thackeray In Mumbai-Mandwa RoRo) प्रवासात बेकायदेशीररित्या धुम्रपाण (Raj Thackeray Smoking) केल्याबद्दल दंड आकारण्यात आल्याचे वृत्त काही प्रसारमाध्यमांनी दिले होते. मात्र, हे वृत्त केवळ दिशाभूलच करणारे नव्हे तर पूर्णपणे चुकीचे असल्याचे महाराष्ट्र नवनिर्माण सेनेने म्हटले आहे.

शेती बिलास विरोध करणाऱ्या 8 खासदारांचे निलंबन म्हणजे हा लोकशाहीवरील हल्ला आहे, अशा शब्दात केरळचे मुख्यमंत्री पिनराई विजयन यांनी केंद्र सरकारवर टीका केली आहे.

झारखंडमध्ये आज 1,321 नवे कोरोना बाधित रुग्ण आढळून आले असून 8 जणांचा मृत्यू झाला आहे.

उत्तराखंडच्या उत्तरकाशी येथे रात्री 9 वाजताच्या सुमारास 3.5 रिश्टर स्केल तीव्रतेच्या भूकंपाचा धक्का जाणवला.

पंजाबमध्ये आज 47 जणांचा कोरोनामुळे मृत्यू झाला आहे. तसेच 2,247 नव्या कोरोना संक्रमित रुग्णांची भर पडली आहे. सध्या राज्यात 21,661 रुग्णांवर उपचार सुरू आहेत.

भाजप अध्यक्ष जे. पी. नड्डा यांनी म्हटले आहे की, विविध पिकांच्या किमान आधारभूत किंमती वाढविण्याच्या केंद्र सरकारच्या निर्णयामुळे शेतकर्‍यांच्या सुधारणांच्या विधेयकाबाबत 'दिशाभूल' करणाऱ्यांचा पर्दाफाश झाला आहे. त्यांनी शेतकऱ्यांची 'माफी मागितली पाहिजे', असेही नड्डा म्हणाले.

संयुक्त राष्ट्र सुरक्षा मंडळाच्या पाच पैकी चार सदस्यांनी जागतिक संघटनेच्या स्थायी सदस्यत्वासाठी भारताच्या उमेदवारीला द्विपक्षीय पाठिंबा दर्शविला आहे: केंद्र सरकार

आयपीएल 2020 च्या तिसऱ्या सामन्यात रॉयल चॅलेंजर्स हैदराबादसमोर रॉयल्स चॅलेंजर्स बंगळुरुने 164 धावांचे आव्हान ठेवले आहे. 20 षटकांच्या सामन्यात आरसीबीने 5 गडी बाद 163 धावा काढल्या. देवदत्त पडीक्कल याने सर्वाधीक 56 धावा काढल्या.

राज्यसभेत काल मतदान न घेताच विधेयकं मंजूर करण्यात आली. पीठासीन अधिकाऱ्याची ही चुक आहे. परंतू, त्याची शिक्षा राज्यसभा सद्यांना दिली जात आहे, असे राज्यसभेतील विरोधी पक्षनेते गुलाम नबी आजाद यांनी दिली आहे. कृषी विधेयकावरील चर्चेवेळी विरोधकांनी राज्यसभेत काल गदारोळ केला. या वेळी उपसभापतींच्या आसनासमोरील ध्वनीक्षेपक खेचण्यात आला होता.

मुंबईत कोरोनाचे आणखी 1837 रुग्ण आढळले असून 36 जणांचा गेल्या 24 तासात बळी गेला आहे.

महाराष्ट्रात कोरोनाचे आणखी 17,738 रुग्ण आढळले तर 344 जणांचा बळी गेला आहे. त्यामुळे राज्यातील COVID19 चा आकडा 12,24,380 वर पोहचला आहे.

लोकसभेत Insolvency and Bankruptcy Code (Second Amendment) Bill 2020 मंजूर झाले आहे.

पंजाब येथे कोरोनाचे आणखी 2247 रुग्ण आढळले तर 47 जणांचा बळी गेला आहे.

ऑक्सफर्ड युनिव्हर्सिटीने विकसित केलेली आणि सीरम इंस्टिट्युट ऑफ इंडिया यांनी तयार केलेली COVID19 वरील तिसऱ्या टप्प्यातील लसीची मानवशास्त्रीय चाचणी पुण्यात सुरु झाली आहे.

सुशांत सिंह राजपूत याच्या मृत्यूप्रकरणी NCB कडून जया शहा आणि श्रुती मोदी यांना समन्स पाठवण्यात आले आहेत.

शौविक चक्रवर्ती याच्या एका दिवसाच्या Custody साठी एनसीबीकडून विशेष NDPS कोर्टात अर्ज दाखल करण्यात आल्याची माहिती सूत्रांनी दिली आहे.