मुंबई येथून परतलेल्या 73 वर्षीय वृद्ध महिलेचा आज मृत्यू झाला आहे. मुंबईहून केरळच्या त्रिशूर येथे पोहचल्यानंतर संबंधित महिलेला श्वास घेण्यास त्रास जाणवू लागला. त्यानंतर तिला जवळच्या रुग्णालयात दाखल करण्यात आले. मात्र, उपचारादरम्यान तिचा मृत्यू झाला आहे. एएनआयचे ट्वीट-
सरकारने देशांतर्गत उड्डाणे पुन्हा सुरू करण्याच्या घोषणेनंतर, भारतीय विमान कंपन्या येत्या 25 मे ते 25 ऑगस्ट या कालावधीत दर आठवड्यात एकूण 8428 विमाने चालवतील.
मुंबईत दिवसेंदिवस कोरोनाबाधित रुग्णांच्या संख्येत भर पडली आहे. यातच आज 1 हजार 382 नव्या रुग्णांची नोंद झाली आहे. यामुळे मुबईतील कोरोनाबाधितांची संख्या 25 हजार 317 वर पोहचली आहे. एएनआयचे ट्वीट-
महाराष्ट्रात कोरोना विषाणूने थैमान घातला असताना राज्यात आज 1 हजार 408 रुग्ण कोरोनामुक्त झाले आहेत, अशी माहिती राज्याचे आरोग्यमंत्री राजेश टोपे यांनी दिली आहे. एएनआयचे ट्वीट-
उद्या कॉंग्रेस अध्यक्षा सोनिया गांधी यांनी बोलावलेल्या विरोधीपक्षांच्या व्हिडिओ कॉन्फरन्सिंग बैठकीत महाराष्ट्राचे मुख्यमंत्री उद्धव ठाकरे सामील होतील, अशी माहिती शिवसेना खासदार संजय राऊत यांनी एएनआय वृत्तसंस्थेला दिली आहे. एएनआयचे ट्वीट-
महाराष्ट्रात आज 2345 नवे कोरोनाग्रस्त रुग्ण आढळून आल्याने आकडा 41,642 वर पोहचला आहे. तसेच आज 64 जणांचा कोरोनामुळे राज्यात बळी गेला असून एकूण बळींचा आकडा 1454 वर गेल्याची माहिती आरोग्य विभागाकडून देण्यात आली आहे.
महाराष्ट्रात जिल्ह्याअंतर्गत प्रवास करण्यास बंदी आहे. तसेच ज्या प्रवाशांनी तिकिट बुकिंग केले असल्यास ते रद्द करावीत. प्रवाशांना तिकिटांचे रिफंड दिले जाईल असे रेल्वे प्रशासनाकडून स्पष्ट करण्यात आले आहे.
आतापर्यंत 633 स्पेशल ट्रेनमधून 9,18,000 स्थलांतरित कामगारांना आपल्या राज्यात पाठवण्यात आल्याची माहिती गुजरात मुख्यमंत्री कार्यालयाकडून देण्यात आली आहे.
14 दिवसांच्या क्वारंटाइनच्या नियमांचे उल्लंघन करणाऱ्या व्यक्तीच्या विरोधात गुन्हा दाखल करण्यासह अटक केली जाणार असल्याचे आसाम आरोग्य मंत्री यांनी स्पष्ट केले आहे.
भारताच्या पूर्व किनारपट्टीवर असलेल्या बंगालच्या उपसागरात अम्फान चक्रीवादळ धडकलं असून या वादळाने पश्चिम बंगाल मध्ये मोठ्या प्रमाणावर नुकसान केले. यामुळे ओढावलेली गंभीर परिस्थिती National Disaster Response Force (NDRF) ची टीम हाताळत आहे. नुकसान झालेल्या भागात परिस्थिती पूर्ववत करण्याचा प्रयत्न केला जात आहे. आज हे चक्रीवादळ ताशी 30 km च्या वेगाने उत्तर-ईशान्येकडे सरकले. त्यानंतर तेथे त्याचा वेग मंदावण्याची शक्यता भारतीय हवामान खात्याने वर्तवली आहे.
भारतात कोरोना व्हायरसमुळे उद्भवलेली गंभीर परिस्थिती कायम असली तरी लॉकडाऊन 4 ची नवी नियमावली दिलासादायक आहे. देशात कोरोना बाधितांनी 1 लाखाचा टप्पा पार केला असून कोरोनामुक्त होणाऱ्यांची संख्याही आशादायी आहे. महाराष्ट्रातही कोरोना बाधितांची संख्या दिवसागणित वाढत आहे. तसंच मुंबई शहरात कोरोनाचा वाढता संसर्ग पाहायला मिळत आहे. त्यामुळे नागरिकांनी अधिक खबरदारी घेणे आवश्यक आहे.
आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.
देशात स्थलांतरीत मजूरांचा प्रश्न अद्याप मार्गी लागलेला नाही. देशातील विविध ठिकाणी अडकलेल्या मजूरांना घरी पोहचवण्याचे काम सध्या सुरुच आहे. दरम्यान अमेरिकेत कोरोनाचा धुमाकूळ सुरुच आहे. गेल्या 24 तासांत कोरोना संसर्गामुळे तब्बल 1,561 नागरिकांचा मृत्यू झाला आहे.