नंदुरबार, नाशिक येथे उद्या सकाळी 12 अंश सेल्सियसवर तापमान जाण्याची शक्यता; 21 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

नंदुरबार, नाशिक येथे उद्या सकाळी 12 अंश सेल्सियसवर तापमान जाण्याची शक्यता आहे. यासंदर्भात हवामान विभागाने माहिती दिली आहे. ट्वीट-

तमिळनाडूच्या माजी सीएम जे जयललिता यांच्या सहकारी शशिकला यांना कोरोना विषाणूची लागण झाली आहे. व्हिक्टोरिया हॉस्पिटल, बेंगलुरू यांनी ही माहिती दिली.

जगतसिंहपूर जिल्ह्यातील 45 वर्षीय आशा वर्करचे 19 जानेवारी रोजी लसीकरण झाल्यानंतर 20 जानेवारी 2021 रोजी डोकेदुखी वाढली. त्यांना डीएचएच जगतसिंहपूर येथे दाखल करण्यात आले. आता त्यांची प्रकृती ठीक आहे. आरोग्य विभाग, ओडिशा यांनी ही माहिती दिली.

आरजेडी अध्यक्ष लालू प्रसाद यांची प्रकृती स्थिर असल्याची माहिती रिम्सचे संचालक डॉ. कामेश्वर प्रसाद यांनी दिली आहे. ट्विट-

भारतीय गोलंदाज टी नटराजनला आरोग्य कर्मचाऱ्यांनी त्याच्या मूळ गावी सालेम जिल्ह्यात परतल्यानंतर क्वारंटाईन राहण्याचा सल्ला दिला आहे. ट्विट-

महाराष्ट्रात आज दिवसभरात 2886 नवे रुग्ण आढळले असून एकूण कोरोना बाधितांची संख्या 20,00,878 वर पोहोचली आहे.

पुणे सीरम इन्स्टिट्यूटच्या आगीत मरण पावलेल्या 5 जणांपैकी 2 यूपी, 2 पुणे आणि 1 बिहारचा असल्याची माहिती उपमुख्यमंत्री अजित पवार यांनी दिली आहे.

मुंबईत मागील 24 तासांत 527 नवे कोरोनाचे रुग्ण झाले असून एकूण कोरोना बाधितांची एकूण संख्या 3,04,649 वर पोहोचली आहे.

पुणे SII ला लागलेल्या आगीत मृत्यूमुखी पडलेल्यांच्या कुटूंबियांना 25 लाखांची मदत दिली जाणार अशी माहिती अदर पुनावाला यांनी दिली आहे.

पुण्यातील सीरम इन्स्टिट्यूटच्या आगीत मरण पावलेल्या मृतांना राष्ट्पती रामनाथ कोविंद यांनी श्रद्धांजली अर्पण केली. तसेच त्यांच्या कुटूंबियांच्या दु:खात आपण सहभागी असल्याचे त्यांनी सांगितले.

पुणे सीरम इन्स्टिट्यूटमध्ये वेल्डिंगच्या काम सुरु होते. त्यावेळी तेथे इन्सुलेश सामग्री, जी ज्वलनशील आहे ते त्या ठिकाणी होती. त्यामुळे ही आग लागली अशी माहिती आरोग्य मंत्री राजेश टोपे यांनी दिली.

पुणे सीरम इन्स्टिट्यूटटच्या आग लागलेल्या इमारतीच्या एका अपार्टमेंटला पुन्हा आग लागली असून अग्निशमन दलाचे आग विझविण्याचे प्रयत्न सुरु आहेत.

मुख्यमंत्री उद्धव ठाकरे हे पुणे सीरम इन्स्टिट्यूटची पाहणी करणार असून उद्या दुपारी तेथील परिस्थितीचा आढावा घेणार आहेत.

तांडव चित्रपटाचे निर्माते हिमांशू मेहरा यांच्या मुंबईतील कार्यालयात आज उत्तर प्रदेश पोलिसांची टीम पोहोचली. मात्र हे कार्यालय रिकामे होते. तो इथे राहत नसल्याची माहिती पोलिसांना मिळाली. ते त्याचा शोध घेत आहेत.

युकेमध्ये नव्या कोरोनाचे स्ट्रेनचे आतापर्यंत एकूण 145 रुग्ण आढळले आहेत.

मणिपूरमध्ये आज दिवसभरात 43 रुग्ण बरे झाले असून आतापर्यंत एकूण 28,351 रुग्णांनी कोरोनावर मात केली आहे.

सीरम इन्स्टिट्यूटला लागलेल्या आगीत 5 जणांचा मृत्यू झाल्याची बातमी ऐकून अदर पुनावाला यांनी शोक व्यक्त केला आहे.

पुणे इन्स्टिट्यूटला लागलेल्या आगीत 4 जणांना बाहेर काढण्यात यश आले असून 5 जणांचे मृतदेह सापडले आहेत अशी माहिती पुण्याचे महापौर मुरलीधर मोहोळ यांनी दिली आहे.

पुण्यातील सीरम इन्स्टिट्यूटला लागलेली आग ही नियंत्रणात आली असून या आगीतून 6 जणांना वाचविण्यात अग्निशमन दलाला यश आले आहे अशी माहिती मुख्यमंत्री उद्धव ठाकरे यांनी दिली.

पुणे सीरम इन्स्टिट्यूटला लागलेली आग नियंत्रणात आली असून यात आतापर्यंत कोणतीही जीवितहानी झाली नाही अशी माहिती मुख्यमंत्री उद्धव ठाकरे यांनी दिली आहे.