मुंबई: सकाळी 5 ते संध्याकाळी 7 दरम्यान, घरा शेजारच्या मोकळ्या जागांवर वैयक्तिक शारिरीक व्यायाम करण्यास परवानगी; 2 जुलै 2020 च्या ताज्या मराठी बातम्या आणि ब्रेकिंग न्यूज LIVE

मुंबई मधील नागरिकांना सकाळी 5 ते संध्याकाळी 7 दरम्यान, शेजारच्या मोकळ्या जागांवर वैयक्तिक शारिरीक व्यायाम (सायकलिंग, जॉगिंग, धावणे, चालणे) करण्यास परवानगी देण्यात आली आहे.

विषय तज्ज्ञ समितीच्या शिफारशीनंतर Zydus Cadila च्या कोरोना व्हायरस लसीसाठी फेज 1/2 च्या क्लिनिकल चाचणीस परवानगी देण्यात आली आहे.  आरोग्य मंत्रालयाच्या अधिकाऱ्यांनी याबाबत माहिती दिली.

नाटक, सिनेमा आणि मालिकांमधून विनोदी भूमिका साकारणारे ज्येष्ठ अभिनेते लिलाधर कांबळी यांचे निधन झाल्याची माहिती समोर आली आहे. ट्वीट-

पुणे शहरात आज नव्याने 937 कोरोनाबाधित रुग्ण आढळले असून, यात नायडू-महापालिका रुग्णालये 672, खासगी 353 आणि ससूनमधील 12 रुग्णांचा समावेश आहे. आजच्या 937 रुग्णांसह पुणे शहरातील एकूण कोरोना व्हायरस रुग्ण संख्या आता 19,042 इतकी झाली आहे.

महाराष्ट्रातील पालघर जिल्ह्यातील धबधब्यात बुडून 5 मुलांचा मृत्यू झाला आहे. जव्हारपासून सात किलोमीटर अंतरावर केळीचापाडा (काळशेती ) येथील काळमांडवी धबधब्यावर हा अपघात झाला आहे.

राजस्थान येथून अफूची बोंडे घेऊन कनार्टककडे घेऊन जाणारा ट्रक, धुळे जिल्ह्यातील शिरपूर पोलिसांनी पकडला. या अफूच्या बोंडांचं वजन 104 किलो 700 ग्रॅम एवढे असून, त्याची किंमत तब्बल 10 लाख 47 हजार रुपये एवढी आहे. यामध्ये एकूण 30 लाख 47 हजाराचा मुद्देमाल जप्त करण्यात आला.

आसाममधील 33 पैकी 22 जिल्ह्यांना पुराचा फटका बसला आहे. आतापर्यंत 34 लोकांचा मृत्यू झाला आहे. आसाम राज्य आपत्ती व्यवस्थापन प्राधिकरणाने याबाबत माहिती दिली आहे.

महाराष्ट्रात आज 6,330 कोरोना बाधीत रुग्णांची वाढ झाली आहे व अशाप्रकारे एकूण संख्या आता 1,86,626 अशी आहे. आज नवीन 8,018 कोरोना बाधित रुग्ण बरे झाले आहेत. आतापर्यंत राज्यात एकूण 1,01,172 रुग्ण बरे होऊन दवाखान्यातून घरी पाठविण्यात आले आहेत. राज्यात सध्या एकूण 77,260 ऍक्टिव्ह रुग्ण आहेत.

गोव्यात आणखी 95 कोरोनाबाधित रुग्णांची भर पडल्याने आकडा 1482 वर पोहचला आहे.

मुंबईत कोरोनाचे आणखी 1554 रुग्ण आढळले तर 57 जणांचा बळी गेला आहे. त्यामुळे शहरातील COVID19 चा आकडा 80,262 वर पोहचला आहे.

नानावटी रुग्णालय COVID19 संदर्भात प्रचंड बिलाची रक्कम रुग्णांकडून उकळत असल्याच्या प्रकरणी मुंबई महापालिकेकडून FIR दाखल  करण्यात आला आहे. 

मुंबईतील धारावीत आणखी 19 कोरोनाबाधित रुग्णांची भर पडल्याने आकडा 2,301 वर पोहचला आहे.

उत्तराखंड येथे आणखी 37 कोरोनाबाधित रुग्णांची भर पडल्याने आकडा 2984 वर पोहचला आहे.

पुलवामा मध्ये झालेल्या दहशतवादी हल्ल्याप्रकरणी NIA यांच्याकडून आणखी एका आरोपीला अटक करण्यात आली आहे.

कर्नाटक येथे आणखी 1502 कोरोनाबाधित रुग्णांची भर पडली असून 19 जणांचा बळी गेल्याने आकडा 18,016 वर पोहचला आहे.

पंजाब येथे आणखी 120 कोरोनाबाधित रुग्णांची भर पडल्याने आकडा 5784 वर पोहचला आहे.

जून महिन्यात कोकणात सरासरीपेक्षा कमी पावसाची नोंद झाली. पण जुलै महिन्यात कोकणासह संपूर्ण महाराष्ट्रात चांगला पाऊस पडण्याची शक्यता वर्तवली जात आहे. येत्या 24 तासात मुंबई, ठाणे, पालघर या परिसरात मुसळधार पाऊस पडण्याची शक्यता आहे. ट्वीट- 

सरकारने एक महत्वाचा निर्णय घेत ताज महाल (Taj Mahal), लाल किल्ल्या (Red Fort) सह देशातील स्मारके सुरु करण्याचा निर्णय घेतला आहे. केंद्र सरकार ने दिलेल्या माहितीनुसार 6 जुलैपासून ही स्मारके उघडण्यात येतील.

बिहार येथे अंगावर वीज पडून 20 जणांचा मृत्यू झाल्याची माहिती आपत्ती व्यवस्थापन यांनी दिली आहे.

सुशांत सिंह राजपूत याच्या आत्महत्येप्रकरणी चित्रपट निर्माता संजय लीला भन्साळी आठवड्याभरात पोलीस स्थानकात जबाब नोंदवणार असल्याची माहिती देण्यात आली आहे.