झारखंड येथे आज आणखी 151 कोरोनाबाधित रुग्णांची नोंद; 2 जानेवारीच्या ताज्या मराठी बातम्या आणि ब्रेकिंग न्यूज LIVE

झारखंड येथे आज आणखी 151 कोरोनाबाधित रुग्णांची नोंद झाली आहे. तर, 4 जणांचा मृत्यू झाल्याची माहिती समोर आली आहे. ट्विट-

कानपूर येथे एका पत्रकाराचा मृतदेह आढळून आला आहे. आशु यादव असे मृत व्यक्तीचे नाव आहे. 1 जानेवारीला तो बेपत्ता असल्याची तक्रार त्याच्या घरच्यांनी दिली होती. ट्विट-

झारखंड मध्ये आज दिवसभरात 151 नवे कोरोनाचे रुग्ण आढळले असून 4 रुग्णांचा मृत्यू झाला आहे. यामुळे राज्यात कोरोना बाधितांची एकूण संख्या 1,15,392 वर पोहोचली असून मृतांचा एकूण आकडा 1034 वर पोहोचला आहे.

तिरुवनंतपुरमच्या  कोवळममधील अझीमाला शिव मंदिर 31 डिसेंबर 2020 पासून भक्तांसाठी खुले करण्यात आले आहे. ट्विट-

हिमाचल प्रदेशमध्ये आज आणखी 149 कोरोनाबाधित रुग्णांची नोंद झाली आहे. तर, 2 जणांचा मृत्यू झाला आहे. ट्विट-

महाराष्ट्र: गृहमंत्री अनिल देशमुख आणि मंत्री आदित्य ठाकरे यांनी आज मुंबई सीपी परमबीर सिंह यांच्या उपस्थितीत पोलिसांना वरळी येथे गस्त घालण्यासाठी उपयोग होणाऱ्या सेगवे इलेक्ट्रिक स्कूटरला हिरवा झेंडा दाखवला. अभिनेता अक्षय कुमारही या कार्यक्रमाला हजर होता.

गाझीपूरमधील उत्तर प्रदेश-दिल्ली सीमेवर केंद्राच्या नवीन कृषी कायद्याचा निषेध करत असलेल्या 75 वर्षीय शेतकऱ्याने आत्महत्या केल्याची घटना घडली आहे. पोलिसांनी ही माहिती दिली.

मुंबईत आज कोरोना विषाणूच्या 592 नवीन रुग्णांची व 7 मृत्यूंची नोंद झाली आहे. आज मुंबईमध्ये 695 रुग्ण बरे झाले आहेत. शहरातील एकूण रुग्णांची संख्या 2,94,659 वर पोहोचली आहे. आतापर्यंत 2,74,767 रुग्ण बरे झाले आहेत व 11,132 मृत्यू झाले आहेत. सध्या मुंबईमध्ये 7,892 सक्रीय रुग्ण आहेत.

हिमवृष्टीमुळे अटल बोगद्याचे दक्षिण पोर्टल आणि मनालीमधील सोलंग नल्ला दरम्यान 500 पर्यटक अडकले आहेत. वाहनांची रहदारी आणि अडकलेल्या लोकांना वाचविण्याचे प्रयत्न सुरू आहेत. रमण गरसंघी, एसडीएम मनाली, हिमाचल प्रदेश यांनी ही माहिती दिली.

महाराष्ट्र राज्य आरोग्य विभागाने दिलेल्या माहितीनुसार, आज राज्यात कोरोना विषाणूच्या नवीन 3,218 रुग्णांची व 51 मृत्यूंची नोंद झाली आहे. आज राज्यात 2,110 रुग्ण बरे होऊन घरी गेले आहेत. यासह एकूण प्रकरणांची संख्या 19,38,854 झाली आहे. राज्यात आतापर्यंत 18,34,935 रुग्ण बरे झाले आहेत एकूण मृत्यू 49,631 इतके आहेत. सध्या महाराष्ट्रात एकूण 53,137 सक्रीय प्रप्रकरणे आहेत.

तज्ञ पॅनेलने भारत बायोटेकची स्वदेशी विकसित कोरोना व्हायरस लस कोव्हॅक्सिनच्या प्रतिबंधित आणीबाणी वापरास परवानगी देण्याची शिफारस केली आहे.

आयजीआय विमानतळावर अफगाण नागरिकांकडून 635.5 ग्रॅम मादक द्रव्ये असलेल्या 89 प्लास्टिकच्या गोळ्या जप्त केली. गोळ्या पोटाच्या खालच्या भागात लपवून ठेवल्या होत्या आणि वैद्यकीय प्रक्रियेद्वारे त्या बाहेर काढल्या गेल्या. या अफगाण नागरिकाला अटक करण्यात आली आहे. कस्टम डिपार्टमेंट, आयजीआय विमानतळ, दिल्ली यांनी ही माहिती दिली.

काल 1.2 कोटी रुपयांच्या बंदी घातलेल्या तंबाखू उत्पादनांसह दोन जणांना अटक केली. दोघांनाही शिवडी येथील कोर्टासमोर हजर केले आणि त्यांना 4 जानेवारी 2021 पर्यंत गुन्हे शाखेची कोठडी सुनावली आहे. मुंबई गुन्हे शाखा महाराष्ट्र यांनी ही माहिती दिली.

मेलबर्नमधील इनडोअर रेस्टॉरंटमध्ये जेवण केल्याचा व्हिडिओ समोर आल्यानंतर भारत कसोटीचा उपकर्णधार रोहित शर्मासह 5 खेळाडू आयसोलेशनमध्ये आहेत. त्यांनी केलेले कृत्य हे बायो-सिक्यूरिटी प्रोटोकॉलचा भंग आहे की नाही याचा तपास केला जात आहे.

सौरव गांगुलीची अँजिओप्लास्टी झाली आहे. ते आता स्थिर आहे. त्याच्यावर चोवीस तास नजर ठेवले जाईल. त्यांच्या हृदयात दोन अडथळे आहेत. त्यामुळे त्यांच्यावर उपचार केले जातील, असं कोलकाता येथील वुडलँड्स रुग्णालयाचे डॉ. आफताब खान यांनी सांगितलं आहे.

केंद्र सरकारने तयार केलेले तिन्ही कृषी कायदे हे शेतकरी हिताचे असल्याचा दावा मध्यप्रदेशचे मुख्यमंत्री शिवराज सिंग चौहान यांनी आज नाशिक जिल्ह्यातील त्र्यंबकेश्वर येथे केला.

हिमाचल प्रदेश: कुल्लूमध्ये 528 ग्रॅम चरस ताब्यात घेत एकाला अटक करण्यात आली आहे.

राजस्थानः अलवर येथील एका कारखान्यात आग लागल्याची घटना घडली आहे. अग्निशमन दलाच्या जवानांकडून आगीवर नियंत्रण मिळवण्याचा प्रयत्न सुरू आहे.

नंदुरबार जिल्ह्यातल्या शहादा तालुक्यात आज दुपारी दिडच्या सुमारास दोनदा भुकंपाचे सौम्य धक्के जानवले आहेत.

ब्रिटनहून  गुजरातमध्ये परत आलेल्या चार प्रवाशांना नवीन कोरोना विषाणूचे संक्रमण झालं असल्याचं राज्य प्रधान सचिव जयंती रवी यांनी सांगितलं आहे.