दिल्लीत आज 3,137 नवे कोरोना रुग्ण ; 19 जून 2020 च्या ताज्या मराठी बातम्या आणि ब्रेकिंग न्यूज LIVE

दिल्लीत आज 3,137 नवे कोरोना रुग्ण आढळून आले आहेत. त्यामुळे दिल्लीतील एकूण कोरोना रुग्णांची संख्या 53 हजार झाली आहे.

काँग्रेसचे शक्तीसिंह गोहिल यांच्यासह भाजपचे तिन्ही उमेदवार गुजरातमधून राज्यसभेची निवडणूक विजयी झाले आहेत.

अब्रॉड वरून पुण्यात आलेल्या 31 वर्षीय इसमाने institutional quarantine राहण्यास नकार दिल्याने पुणे जिल्हा प्रशासनाने त्याच्याविरोधात FIR दाखल केली आहे.

राज्यात सर्वाधिक कोरोना रुग्णांची संख्या मुंबईमध्ये आढळून येत आहे. आज मुंबईत 114 जणांचा मृत्यू झाला असून 1269 जणांची कोरोना चाचणी पॉझिटिव्ह आली आहे. त्यामुळे मुंबईतील कोरोना रुग्णांची संख्या 64,068 वर पोहोचली आहे. यासंदर्भात मुंबई महानगरपालिकेने माहिती दिली आहे.

राज्यात आज 3827 कोरोना बाधीत रुग्णांची वाढ झाली व एकूण संख्या आता 124331 अशी झाली आहे. आज नवीन 1935 कोरोना बाधित रुग्ण बरे झाले आहेत. एकूण 62773 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 55651 ऍक्टिव्ह रुग्ण आहेत.

उत्तराखंडमध्ये आज 50 नव्या रुग्णांची कोरोना चाचणी पॉझिटिव्ह आली आहे.

राजस्थानमध्ये आज 299 कोरोना रुग्ण आढळून आले आहेत. तर 3 जणांचा मृत्यू झाला आहे.

भारताला शांतता आणि मैत्री हवी आहे, परंतु सार्वभौमत्वाचे समर्थन करणे सर्वात महत्वाचे आहे, असं पंतप्रधान नरेंद्र मोदी आज सर्वपक्षीय बैठकीत म्हटलं आहे.

आपल्या सैनिकांवर देशाचा अफाट विश्वास आहे. मला आमच्या सैनिकांना खात्री द्यायची आहे की संपूर्ण देश त्यांच्या पाठीशी आहे, असं सर्वपक्षीय बैठकीत पंतप्रधान नरेंद्र मोदी यांनी म्हटलं आहे.

भारताने चीनच्या टेलिकॉम कंपन्या, रेल्वे, अॅव्हिएशन सेक्टर यांना प्रवेश दिला जाऊ नये असे  ममता बॅनर्जी यांनी म्हटले आहे.

Rapid Antigen Testing Kit च्या सहाय्याने दिल्लीत COVID19 संबंधित एकूण 12,680 जणांची चाचणी करण्यात आली त्यापैकी 951 जणांची चाचणी पॉझिटिव्ह आली आहे.

तेलंगणा मुख्यमंत्री केसी राव यांनी गलवानच्या खोऱ्यात शहीद झालेल्या संतोष बाबू यांच्या परिवाराला 5 करोड रुपयांची मदत, घर आणि 1 व्यक्तीला नोकरी देणार असल्याचे आश्वासन दिले आहे.

गुजरात येथे आणखी 540 कोरोनाबाधित रुग्णांची भर पडल्याने आकडा 26,198 वर पोहचला  आहे.

भारताला शांतता हवी असून आपण दुबळे नाहीत असे मुख्यमंत्री उद्धव ठाकरे यांनी पंतप्रधान नरेंद्र मोदी यांच्या सोबत भारत- चीन सीमारेषेबाबतच्या पार पडलेल्या व्हिडिओ कॉन्फरंन्सिंगमध्ये म्हटले आहे.

धारावीत आज कोरोनाचे नवे 17 रुग्ण आढळून आले असून आकडा 2151 वर पोहचला आहे.

मणिपूर येथे गेल्या 24 तासात  आणखी 75 कोरोनाबाधित रुग्णांची भर पडल्याने आकडा 681 वर पोहचला आहे.

चीन कडून आलेल्या वस्तूंना भारतीय बाजारात पूर येत असल्याचे नितीश कुमार यांनी म्हटले आहे.

तामिळनाडूत 2115 नव्या रुग्णांसह राज्यात कोरोना बाधितांची एकूण संख्या 54,449 वर पोहोचली असल्याची माहिती आरोग्य विभागाने दिली आहे. त्याबरोबर आज दिवसभरात 41 रुग्ण दगावले असून राज्यात मृतांची एकूण संख्या 666 वर पोहोचली आहे.

भारत चीन मुद्द्यावर पंतप्रधान नरेंद्र मोदी यांच्यासोबत सर्वपक्षीय बैठक सुरु आहे. यात आमचा सरकारला पूर्ण पाठिंबा असल्याचे जनता दल पक्षाचे प्रतिनिधी पिनाकी मिश्रा म्हणाले.

राज्यसभेच्या निवडणूकीत  YSRCP यांचा आँध्र प्रदेशातील 4 पैकी 4 जागांवर विजय झाला आहे.