नागपूर येथील कोरोनाबाधित रुग्णांच्या संख्येत वाढ; पाहा आजची ताजी आकडेवारी; 17 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

नागपूर येथे आज 272 कोरोनाबाधित रुग्णांची नोंद झाली आहे. तर, 3 जणांचा मृत्यू झाल्याची माहिती समोर आली आहे. ट्वीट-

वैज्ञानिक आणि आरोग्यसेवा कर्मचाऱ्यांना लसीकरणाच्या प्रशासनाविषयी माहिती देण्यास सक्षम करण्यासाठी, कोविड-19 लसीच्या चाचण्यांशी संबंधित सर्व डेटा सार्वजनिक केला जावा. प्रोग्रेसिव्ह मेडिकोज अँड सायंटिस्ट्स फोरमने हे सांगितले आहे.

कर्नाटकव्याप्त प्रदेश महाराष्ट्रात आणणारच, अशा शब्दात मुख्यमंत्री उद्धव ठाकरे यांनी सीमा लढ्यातील हुतात्म्यांना अभिवादन केले आहे. ट्वीट-

दिवंगत उस्ताद गुलाम मुस्तफा खान यांना आपली भावपूर्ण श्रद्धांजली अर्पण करतो व आपल्या शोकसंवेदना त्यांचे कुटुंबीय, चाहते तसेच त्यांच्या शिष्यांना कळवितो. यांनी आपल्या बहुविध योगदानामुळे भारतीय शास्त्रीय संगीत विश्व समृद्ध केले व  उत्तमोत्तम शिष्यांच्या पिढ्या घडविल्या. त्यांच्या निधनामुळे एक महान शास्त्रीय संगीतकार व तितक्याच थोर व्यक्तिमत्वाला मुकलो आहो, अशा आशयाचे ट्वीट महाराष्ट्राचे राज्यपाल भगतसिंह कोश्यारी यांनी केले आहे. ट्विट-

भाजपाचे माजी परभणी जिल्हाध्यक्ष अभय चाटे यांच्या अकस्मात निधनाचे वृत्त अस्वस्थ करणारे आहे. पक्षाचा एक धडाडीचा आणि समर्पित कार्यकर्ता आम्ही गमावला आहे.  त्यांना भावपूर्ण श्रद्धांजली!, अशा आशयाचे ट्विट विरोधी पक्षनेते देवेंद्र फडणवीस यांनी केले आहे. ट्विट-

nbsp;

गुजरात येथे कोरोनाचे आणखी 528 रुग्ण आढळल्याने आकडा 2,55,872 वर पोहचला  आहे.

भाजप खासदार मनोज कोटक यांचे अॅमेझॉन प्राइम वरील सिरीज Tandav वर बंदी घालण्यासंदर्भात प्रकाश जावडेकर यांना पत्र लिहिले आहे.

सोशल मीडियाचा गैरवापर रोखण्याच्या संदर्भात आयटीवरील संसदीय स्थायी समितीने 21 जानेवारी रोजी फेसबुक आणि ट्विटर अधिकाऱ्यांना समन्स धाडले आहेत.

महाराष्ट्रात कोरोनाचे आणखी 3081 रुग्ण आढळले असून 50 जणांचा बळी गेला असून राज्यातील कोविड19 चा आकडा 19,90,759 वर पोहचला आहे.

देशात एकाच दिवसात सर्वाधिक 1,07,229 लसीकरण पार पडल्याची आरोग्य मंत्रालयाने माहिती दिली आहे.

मुंबई आणि मध्य प्रदेशातील खेडा रोड येथे बर्ड फ्लू चे संक्रमण झाल्याचे आढळून आल्याची माहिती दिली गेली आहे.

शिवसेना पक्ष पश्चिम बंगाल मधून विधानसभा निवडणूक लढवणार असल्याचे खासदार संजय राऊत यांनी जाहीर केले आहे.

केरळात कोरोनाचे आणखी 5005 रुग्ण आढळले असून 21 जणांचा बळी गेला आहे.

कृषि कायद्याच्या निषेधाचे समर्थन करणाऱ्यांवर एनआयएकडून गुन्हे दाखल करण्यात आले आहे, असा आरोप शेतकरी संघटनांनी आरोप केला आहे. ट्वीट-

झारखंड येथे मेडिकल विद्यार्थ्याचा पतरातू धरणात तरंगताना आढळल्याची पोलिसांनी माहिती दिली आहे.

पुण्यात बर्ड फ्लू मुळे 5557 कोंबड्यांची हत्या करुन पुरले आहे.

छत्तीसगढ येथे बर्ड फ्लू च्या थैमानामुळे 10,500 पक्षांची हत्या करत पुरले गेले आहे.

दिल्ली: प्रजासत्ताक दिनी होणाऱ्या कार्यक्रमाला 15 वर्षांखालील मुलांना आणि 65 वर्षांवरील प्रौढांना बंदी घालण्यात आली आहे.

1 कोटीची लाच मागितल्या प्रकरणी वरिष्ठ दोन अभियांत्रिकी सेवा अधिकाऱ्यांना CBI कडून अटक करण्यात आली आहे. या प्रकरणी 5 राज्यांत 20 ठिकाणी शोध सुरु आहे.

ऑनलाईन शॉपिंगच्या नावाखाली फसवणूक करणाऱ्या 32 वर्षीय व्यक्तीला मुंबई पोलिसांकडून अटक करण्यात आली आहे. त्याने आतापर्यंत तब्बल 22,000 लोकांची 70 लाखाहून अधिक रुपयांची फसवणूक केली आहे.