पश्चिम बंगालमध्ये आज 15,707 जणांनी आज कोरोना प्रतिबंधक लस घेतली; 16 जानेवारीच्या ताज्या मराठी बातम्या आणि ब्रेकिंग न्यूज LIVE

पश्चिम बंगालमध्ये आज एकूण 15,707 आरोग्य सेवा कर्मचाऱ्यांनी कोरोना प्रतिबंधक लस घेतली आहे. ट्विट-

झारखंडमधील लातेहार आणि गुमला जिल्ह्यांच्या सीमेवरील जंगलात माओवाद्यांनी केलेल्या स्फोटात एका महिलेचा मृत्यू व 3 जण जखमी झाले आहेत. अधिकाऱ्यांनी ही माहिती दिली.

CoWIN App वर आलेल्या तांत्रिक अडचणींमुळे संपूर्ण महाराष्ट्रात कोरोना विषाणू लसीकरण 18 जानेवारीपर्यंत तात्पुरते स्थगित केले गेले आहे. राज्य आरोग्य विभागाने याबाबत माहिती दिली.

महाराष्ट्रात आज एकूण 983 पक्ष्यांचा मृत्यू झाला आहे. नमुने तपासणीसाठी पाठविले जात आहेत. 8 जानेवारीपासून आतापर्यंत विविध पक्ष्यांच्या एकूण 5151 मृत्यूंची नोंद झाली आहे. महाराष्ट्र शासनाने याबाबत माहिती दिली.

एनडीएमसीच्या चरक पालिका हॉस्पिटल, दिल्ली येथे कोविड लस प्राप्त झालेल्या 2 आरोग्य सेवा कर्मचार्‍यांना लसीकरणानंतर छातीत टाईटनेस जाणवू लागला. एईएफआय टीमने त्यांना निरीक्षणाखाली ठेवले आणि त्यांना बरे वाटल्यानंतर 30 मिनिटांनी सोडण्यात आले, एनडीएमसी अधिकाऱ्यांनी ही माहिती दिली.

मुंबईत आज आणखी 571 कोरोनाबाधित रुग्णांची भर पडली आहे. तर, 8 जणांचा मृत्यु झाल्याची माहिती समोर आली आहे. ज्यामुळे मुंबईतील एकूण कोरोनाबाधित रुग्णांचा आकडा 3 लाख 2 हजार 223 वर पोहचला आहे. ट्विट

जिल्हा शल्यचिकित्सक डॉ.श्यामसुंदर निकम यांनीही आज कोरोना प्रतिबंधक लस घेतली.कोरोना प्रतिबंधक लस ही पूर्णपणे सुरक्षित आहे.पहिल्या दिवशी लसीकरण मोहिमेला चांगला प्रतिसाद मिळाला. वैद्यक क्षेत्रातील डॉक्टरअधिकारी,कर्मचारी यांच्याकडून मोहिमेचे स्वागत होत आहे. ट्विट-

भारतात आज 1,65,714 लोकांना लसीकरण करण्यात आले आहे. आतापर्यंत लसीकरणानंतरच्या हॉस्पिटलमध्ये दाखल झालेली कोणतीही घटना आढळली नाही, अशी माहिती आरोग्य मंत्रालयाने दिली आहे. ट्विट-

राजस्थान येथे आज आणखी 238 कोरोनाबाधितांची नोंद झाली आहे. तर, 2 जणांचा मृत्यू झाला आहे. ट्विट-

जम्मू-काश्मीरच्या डोडा जिल्ह्यात आज सकाळी आरोग्य कर्मचार्‍यांना कोरोना लस देण्यात आली आहे. ट्विट-

बिगबॉसच्या टॅलेंट मॅनेजर पिस्ता धाकड यांचे रस्ता अपघातात निधन झाले आहे. ट्विट-

दिल्ली प्राणीसंग्रहालयात बर्ड फ्लूमुळे घुबडांचा मृत्यू झाला आहे. या घुबडांचा नमुना बर्ड फ्लूसाठी पॉझिटिव्ह आला आहे.

गोवा: भारतातील 51 वा आंतरराष्ट्रीय चित्रपट महोत्सव आज पणजीत सुरू झाला. या कार्यक्रमास माहिती व प्रसारण मंत्री प्रकाश जावडेकर, मुख्यमंत्री प्रमोद सावंत उपस्थित होते.

सीमाशुल्क प्रतिबंधक विभागाने तीन प्रवाशांकडून 17.30 लाख रुपयांचे  परकीय चलन जप्त केले. यासंदर्भात कोचीचे सीमा शुल्क आयुक्तांनी माहिती दिली आहे.

भारतात नवीन कोरोना व्हायरस संक्रमित रुग्णांची संख्या 116 वर पोहोचली असल्याची माहिती केंद्रीय आरोग्य मंत्रालयाने दिली आहे.

कर्नाटक: केंद्रीय गृहमंत्री अमित शहा यांनी शिवमोग्यात भद्रावती रॅपिड अॅक्शन फोर्स सेंटरचा पायाभरणी केली.

गोवा: केंद्रीय मंत्री प्रकाश जावडेकर आणि मुख्यमंत्री प्रमोद सावंत यांनी आज गोवा मेडिकल हॉस्पिटलमधील कोरोना लसीकरण ठिकाणी उपस्थिती लावली.

पालघर मॉब लिंचिंग प्रकरणात अटक केलेल्या 89 जणांना ठाणे कोर्टाकडून जामिन मंजूर करण्यात आला आहे. प्रत्येकी 15,000 रुपयांच्या जामिनावर त्यांची सुटका करण्यात आली आहे.

गडचिरोली जिल्ह्यातील सामान्य रुग्णालयातील अधिपरिचारिका सारिका दुधे यांना कोरोनाची पहिली लस देण्यात आली.

रत्नागिरी जिल्ह्यात आमदार साळवी यांनी कोविड लसीकरण मोहिमेचा शुभारंभ केला.