दक्षिण दिल्लीच्या अनेक भागात शुक्रवारी संध्याकाळी आणि शनिवारी सकाळी दिल्ली जल बोर्डाकडून पाणीपुरवठा नाही; 14 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

दक्षिण दिल्लीच्या अनेक भागात राहणाऱ्या लोकांना शुक्रवारी संध्याकाळी आणि त्यानंतर शनिवारी सकाळी दिल्ली जल बोर्डाकडून पाणीपुरवठा होणार नाही. अधिकृत निवेदनात ही माहिती दिली आहे. डीजेबीच्या निवेदनानुसार, जी के उत्तर येथे फ्लोमीटर बसविल्यामुळे पाणीपुरवठ्यावर परिणाम होईल.

राज्य शासनास आत्तापर्यंत Covishield चे 9.63 लाख डोस आणि Covaxin चे 20,000 डोस प्राप्त झाले आहेत. लसीकरणाच्या पहिल्या टप्प्यात सरकारी आणि खासगी आरोग्य कर्मचार्‍यांना प्राधान्याने लस दिली जाईल. महाराष्ट्र आरोग्य विभागाने ही माहिती दिली आहे.

आज एकूण 382 पक्ष्यांचा मृत्यू झाला आहे. नमुने तपासणीसाठी पाठविले जात आहेत. 8 जानेवारीपासून आतापर्यंत विविध पक्ष्यांच्या एकूण 3,378 मृत्यूची नोंद झाली आहे. आतापर्यंत राज्यात 9 जिल्ह्यांमध्ये बर्ड फ्लूचा धोका आहे. महाराष्ट्र शासनाने ही माहिती दिली.

कोविड-19 आणि त्यानंतरच्या लॉकडाऊनमुळे केरळला 1.56 लाख कोटी रुपयांचा महसूल तोटा सहन करावा लागला आहे. राज्याचे अर्थमंत्री T M Thomas Isaac यांनी ही माहिती दिली.

भिवंडीतील इंदिरा गांधी रुग्णालयात स्त्री रोग तज्ज्ञ तातडीने उपलब्ध करुन देण्याच्या आरोग्यमंत्री राजेश टोपे यांनी सूचना दिली आहे.

गुजरात येथे कोरोनाचे आणखी 570 रुग्ण आढळल्याने आकडा 2,54,314 वर पोहचला आहे.

येत्या 31 डिसेंबर पर्यंत   युके येथून दिल्लीत येणाऱ्या प्रवाशांना 14 दिवस क्वारंटाइन राहावे लागणार असल्याचे  सरकारने जाहीर केले आहे.

लद्दाख येथे कोरोनाच्या लसच्या डोसची पहिली बॅच दाखल झाली आहे.

हिमाचल प्रदेशात कोविड19 च्या लसीचे  93 हजार डोस पोहचले आहेत.

महाराष्ट्रात कोरोनाचे आणखी 3579 रुग्ण आढळले असून 70 जणांचा बळी गेला आहे.

केरळ मधील मल्लपुरम जिल्ह्यात कोरोनाची लस पोहचली आहे.

पंतप्रधान मोदी 16 जानेवारी रोजी कोविड लसीकरण मोहिमेचे पॅन इंडिया रोलआउट करणार आहेत.

चंद्रपूर येथे कोविशिल्डची लस पोहचली  आहे.

जालना जिल्ह्यात कोविशिल्डचे 14 हजार डोसेस प्राप्त झाल्याची जिल्हाधिकाऱ्यांनी माहिती दिली आहे.

मुंबईत पेट्रोलचे दर 91 रुपयांहून अधिक प्रति लीटर झाल्याने  येत्या 16 जानेवारीला काँग्रेसकडून नागपूरातील राज भवनावर घेरो आंदोलन करण्यात येणार आहे.

दिल्लीत चिकनची विक्री, साठवणूक किंवा पोल्ट्रीवरील बंदी हटवली आली आहे.

केंद्रीय गृहमंत्री अमित शहा यांची मकरसंक्राती निमित्त पतंग उडवण्याच्या  कार्यक्रमात सहभाग घेतल्याचे दिसून आले आहे.

दिल्लीत स्पा सुरु करण्यास परवानगी पण नियमांचे पालन करावे लागणार असा निर्णय  हायकोर्टाने दिला आहे.

पंतप्रधान नरेंद्र मोदी 16 जानेवारीला ‘Prarambh: Startup India International Summit’मध्ये startups ना संबोधित करणार  आहेत. हा कार्यक्रम व्हिडीओ कॉन्फरसिंगद्वारा होईल.

 धनंजय मुंडे यांना ब्लॅकमेल केलं जातंय,राजीनाम्यावर चर्चा नाही. पोलिस तपासाच्या निष्कर्षानंतर निर्णय घेतला जाईल अशी माहिती एनसीपी प्रदेशाध्यक्ष जयंत पाटील यांनी दिली आहे.