आसाममध्ये आज आठ कोरोना रुग्णाचा मृत्यू ;13 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

आसाममध्ये आज आठ कोरोना रुग्णाचा मृत्यू झाला आहे.

गेले काही दिवस पुणे परिसरात मुसळधार पाऊस सुरु आहे. पावसामुळे पुण्यातील खडकवासला धरण भरले आहे. खडकवासला धरणातून आज 7000 क्युसेकपेक्षा जास्त पाणी सोडण्यात आले.

गेल्या काही आठवड्यांमध्ये राज्यात आफ्रिकन स्वाइन तापामुळे 24 प्राण्यांचा मृत्यू झाल्यानंतर, मेघालय सरकारने डुकरांच्या आंतरराज्य वाहतुकीवर बंदी घातली आहे: उपमुख्यमंत्री प्रेस्टोन टायन्सॉंग यांनी याबाबत माहिती दिली.

हरियाणामध्ये आज 793 नवे कोरोना रुग्ण आढळून आले आहेत.

पुणे शहरात आज नव्याने 1 हजार 91 कोरोनाबाधित रुग्णांची नोंद झाली आहे.

हिमाचल प्रदेशचे मुख्यमंत्री जय राम ठाकूर यांच्या पाच सुरक्षा कर्मचाऱ्यांची कोरोना चाचणी पॉझिटिव्ह आली आहे.

औरंगाबाद जिल्ह्यात आज 256 जणांना सुटी देण्यात आली. आजपर्यंत 13254 कोरोनाबाधित रुग्ण बरे होऊन घरी परतले आहेत. आज एकूण 335 कोरोनाबाधित रुग्णांची नव्याने भर पडल्याने जिल्ह्यातील एकूण कोरोनाबाधित रुग्णांची संख्या 17967 झाली आहे.

मुंबईत आज कोरोनाचे आणखी 1200 रुग्ण आढळून आले असून 48 जणांचा बळी गेला आहे. त्यामुळे शहरातील COVID19 चा आकडा 1,27,571 वर पोहचला आहे.

महाराष्ट्रात आज कोरोनाचे आणखी 11,813 रुग्ण आढळले असून 413 जणांचा बळी गेला आहे.

कोरोनाचा वाढता प्रादुर्भाव पाहता हॉटस्पॉट ठरलेल्या ठिकाणी महापालिकेकडून आजपासून सेरो सर्वेक्षणाला सुरुवात केली आहे.

मणिपूर येथे कोरोनाचे आणखी 416 रुग्ण आढळून आल्याने आकडा 11,302 वर पोहचला आहे.

तमिळनाडू: मदुराई मधील मिनाक्षी अम्मन मंदिर व्यवस्थापकाकडून कोरोनाच्या पार्श्वभुमीवर Avani Moola उत्सव रद्द करण्याची घोषणा केली आहे.

मणिपूर येथे कोरोनाचे आणखी 130 रुग्ण आढळून आल्याने आकडा 4,112 वर पोहचला आहे.

चेंबूर येथे इमारतीचा भाग कोसळून एका व्यक्तीचा मृत्यू  तर चार जण जखमी झाले आहेत.

पंजाब येथे कोरोनाचे आणखी 1035 रुग्ण आढळून आल्याने आकडा 27,936 वर पोहचला आहे.

जालन्यात आज तीन ठिकाणी करण्यात आलेल्या फेरिवाल्यांच्या रॅपीड अँटीजेन चाचण्यांमध्ये 16 विक्रेत्यांना कोरोनाची लागण झाली आहे.

मुंबईतील धारावीत कोरोनाचे आणखी 6 रुग्ण आढळल्याने आकडा 2649 वर पोहचला आहे.

सुशांत सिंह राजपूत प्रकरणी कोर्टाने आणि ईडीकडून करण्यात येणारे चौकशी सुरु ठेवावी असे CBI ने म्हटले आहे.

सुशांत सिंह राजपूत यांच्या मृत्यू प्रकरण CBI कडे देणे बेकायदेशीर असल्याचे शिवसेना खासदार संजय राऊत यांनी म्हटले आहे.

कोझिकोड मधील विमान अपघात प्रकरणी  पथक अद्याप घटनास्थळी असून पुरावे जमा करतायत; Aircraft Accident Investigation Bureau  यांनी माहिती दिली आहे.