गृहनिर्माणमंत्री जितेंद्र आव्हाड यांच्या 14 खासगी कर्मचाऱ्यांना कोरोना विषाणूची लागण; 13 एप्रिल 2020 च्या ताज्या मराठी बातम्या आणि ब्रेकिंग न्यूज LIVE

महाराष्ट्र सरकारचे गृहनिर्माणमंत्री जितेंद्र आव्हाड यांच्या 14 खासगी कर्मचाऱ्यांना कोरोना विषाणूची लागण झाली आहे. या 14 कर्मचार्‍यांपैकी 5 पोलिस कॉन्स्टेबल, तर उर्वरित 9 लोकांमध्ये त्यांचे वैयक्तिक कर्मचारी, गृहसेवक आणि कार्यकर्ते आहेत. या सर्वांच्या कोरोना टेस्टचा निकाल काही वेळेपूर्वी आला. याआधीच जितेंद्र आव्हाड यांनी स्वतःला वेगळे ठेवले आहे. 

दिल्लीत आज 356 नवीन कोरोना व्हायरस पॉझिटिव्ह प्रकरणे नोंदवली गेली असून, त्यामध्ये 325 पॉझिटिव्ह केसेस-स्पेशल ऑपरेशन्स अंतर्गत आहेत. आज राजधानीतील एकूण संख्या वाढून 1510 झाली आहे. एकूण मृतांचा आकडा 28 झाला आहे.

आज डब्ल्यूएचओ (WHO) ने दिलेल्या माहितीनुसार कोरोना व्हायरस हा स्वाइन फ्लूपेक्षा 10 पट जास्त प्राणघातक आहे. 

न्यूयॉर्कमध्ये कोरोना व्हायरस मृतांचा आकडा 10,000 पार झाला आहे. एएफपी न्यूज एजन्सीने याबाबत माहिती दिली.

आज महाराष्ट्रात 352 नवीन कोरोना व्हायरस पॉझिटिव्ह रुग्ण आणि 11 मृत्यूची नोंद झाली आहे. राज्यात एकूण सकारात्मक घटनांची संख्या 2334 वर पोहचली आहे. महाराष्ट्र आरोग्य विभागाने याबाबत माहिती दिली.

कोरोना विषाणूचा वाढता प्रादुर्भाव रोखण्यासाठी सरकारकडून अनेक प्रयत्न केले जात आहेत. मात्र, मुंबई शहरातील कोरोनाबाधीत रुग्णांच्या संख्येत झपाट्याने वाढ होत आहे. मुंबईत एका दिवसात कोरोनामुळे 9 जणांचा मृत्यू झाला आहे. तर एकूण 150 कोरोनाचे नवे रुग्ण आढळून आले आहेत. यामुळे कोरोना बाधीतांची संख्या 1 हजार 549 पोहचली आहे. ट्वीट-  

भारतातही कोरोना विषाणूचे जाळे अधिक वेगाने पसरत चालले आहे. देशात कोरोनामुळे गेल्या 24 तासात 51 जणांच्या मृत्यूची नोंद झाली आहे. यामुळे आतापर्यंत देशापर्यंत 9 हजार 352 लोक कोरोनाबाधीत झाले आहेत. तर, एकूण 324 रुग्णांना आपला जीव गमवावा लागला आहे. ट्वीट- 

देशावर कोरोना विषाणूचे संकट वावरत असताना आपल्या जीवाची पर्वा करता नागरिकांना अत्यावश्यक सेवा पुरवणारे वैद्यकीय कर्मचाऱ्यांचे तोंडभरून कौतूक केले जात आहेत. यातच मुबई येथील रुग्णालयातील 25 वैद्यकीय कर्मचाऱ्यांना कोरोनाची लागण झाल्याची माहिती समोर आली आहे. तसेच त्यांच्या संपर्कात आलेल्या इतर लोकांची कोरोना चाचणी करण्यात आली असून त्यांचया अहवाल निगेटिव्ह आला आहे. ट्वीट- 

उत्तराखंडचे मुख्यमंत्री त्रिवेंद्रसिंह रावत यांनी दिलेल्या माहितीनुसार उत्तराखंडात मागील 100  तासामध्ये एकही नवा कोरोना पॉझिटिव्ह रूग्ण आढळलेला नाही. तर आत्तापर्यंत 7 जण कोरोनामुक्त झाले आहेत. 

तामिळनाडूचे मुख्यमंत्री Edappadi K. Palaniswami यांनी दिलेल्या माहितीनुसार कोरोना व्हायरसच्या पार्श्वभूमीवर राज्यातील लॉकडाऊन 30 एप्रिल पर्यंत वाढवण्याचा निर्णय घेण्यात आला आहे.  

भारतामध्ये लॉकडाऊनमुळे अडकलेल्यांच्या परदेशी नागरिकांच्या नियमित व्हिसा, ई व्हिसामध्ये 30 एप्रिलपर्यंत मुदत वाढ करून दिली जाणार असल्याची माहिती केंद्रिय गृहविभागाने दिली आहे.

आज सलग दुसर्‍या दिवशी दिल्लीमध्ये सौम्य भूकंपाचे झटके जाणवले  आहेत. दरम्यान 2.7 रिश्टल स्केलचे हे झटके असल्याचे सांगण्यात आलं आहे.

Coronavirus Lockdown च्या पार्श्वभूमीवर पंतप्रधान नरेंद्र मोदी उद्या 10 वाजता देशवासियांना संबोधित करणार असल्याची माहिती समोर येत आहे.

14 एप्रिलला भारतामध्ये पंतप्रधान नरेंद्र मोदी यांनी जाहीर केलेला लॉकडाऊन संपणार आहे. त्यापार्श्वभूमीवर पुढील गोष्टींबाबत भारतीय उत्सुक आहेत. मात्र आजही PM मोदी भारतीयांना उद्देशून भाषण करणार नसल्याची स्पष्टोक्ती देण्यात आली आहे.  

देशातील लॉकडाऊनच्या दुस-या टप्प्यात (15 ते 30 एप्रिल) ओडिशामध्ये अॅमेझॉन, फ्लिपकार्ट, बिग बास्केट आणि अन्य ई-कॉमर्स सेवा सुरु होणार अशी माहिती अतिरिक्त प्रधान सचिव आणि एसआरसी प्रदीप जेना यांनी दिली आहे.

पालाघर येथील तारापूर MIDC मध्ये केमिकल फॅक्टरीमध्ये सिलेंडरचा ब्लास्ट झाला आहे. या दुर्घटनेमध्ये 2 जण जखमी झाल्याचे वृत्त आहे.

महाराष्ट्रात कोरोनाबाधितांचा आकडा आता 2064 पर्यंत पोहचला आहे. दरम्यान यामध्ये मुंबई शहरात 59 नवे कोरोनाबाधित रूग्ण आढळले असून राज्यात एकूण कोरोनाबाधितांचा आकडा 82 पर्यंत पोहचला आहे.

महाराष्ट्र राज्याचे गृहनिर्माण मंत्री जितेंद्र आव्हाड कोव्हीड 19 बाधित पोलिसाच्या संपर्कात आल्याने होम क्वारंटीन झाले आहेत. 

आज सुरूवातीच्या व्यवहारांमध्ये अमेरिकन डॉलरच्या तुलनेत रूपया 8 पैशांनी घसरून 76.36  वर आला आहे.

मुंबई शेअर बाजाराची आजची सुरूवात ही निराशाजनक झाली आहे. बाजार उघडताच सेंसेक्स 30,853.56वर तर निफ्टी   9,057.75 वर आली.