कोरोना विषाणूने संपूर्ण देशात धुमाकूळ घालून प्रत्येकाचे लक्ष केंद्रीत करून घेतले आहे. भारतात सर्वाधिक रुग्ण महाराष्ट्रात आढळून आले आहेत. यातच राज्यात नव्या रुग्णांची भर पडली आहे. आज एका दिवसात कोरोनाचे 221 रुग्ण आढळून आले आहेत. तर, 22 लोकांचा मृत्यू झाला आहे. ट्वीट-
भारतावर कोरोनाचे संकट वावरत असताना संपूर्ण देशात लॉकडाउन घोषीत करण्यात आला आहे. या कालावधीत अत्यावश्यक सेवा वगळता सर्वकाही बंद ठेवण्यात आले आहेत. यातच आसाम सरकारने राज्यातील दारूची दुकाने उघडण्यास परवानगी देऊन सर्वांचे लक्ष वेधून घेतले आहे. येत्या 13 एप्रिलपासून नागरिकांना सकाळी 10 ते दुपारी 5 वाजेपर्यंत दारू खरेदी करता येणार आहे. ट्वीट-
कोरोना विषाणूने संपूर्ण महाराष्ट्राला हादरून सोडले आहे. महाराष्ट्रात सर्वाधिक कोरोनाबाधीत रुग्ण मुंबई आणि पुणे शहरात आढळून आले आहेत. यातच पुणे येथे व्हायसीएम रुग्णालयात उपचारासाठी दाखल झालेल्या एका 42 वर्षीय कोरोनाबाधीत रुग्णाचा आज मृत्यू झाला आहे. यामुळे पुण्यात कोरोनाची बाधा होऊन आतापर्यंत 32 लोकांचा मृत्यू झाला आहे. यामुळे सर्वत्र खळबळ निर्माण झाले आहे.
ट्वीट-
महाराष्ट्रात आज 221 कोरोना बाधीत रुग्णांची वाढ झाली आहे. त्यामुळे राज्यातील एकूण कोरोनाग्रस्तांची संख्या 1982 वर पोहोचली आहे.
दिल्लीत कोरोनाबाधितांचा आकडा 1154 वर पोहचला तर 24 जणांचा मृत्यू झाल्याची माहिती देण्यात आली आहे.
मुंबईत आज नवे 217 कोरोनाचे रुग्ण आढळून आल्याने आकडा 1399 वर पोहचल्याची माहिती महापालिकेने दिली आहे.
कोरोनाच्या पार्श्वभुमीवर मुंबई पोलिसांच्या व्हॅनचे सॅनिटायझर चेंबर्समध्ये रुपांतर करण्यात आले आहे.
पुणे येथे आज कोरोनाचे 16 नवे रुग्ण आढळून आल्याने आकडा 237 वर पोहचल्याची माहिती महापौर मुरलीधर मोहोळ यांनी दिली आहे.
पंजाब येथे कोरोना व्हायरसचे एकूण 170 रुग्ण तर 23 जणांची प्रकृती सुधारली असल्याची माहिती सरकारकडून देण्यात आली आहे. तर पंजाब येथे सुद्धा लॉकडाउन वाढवण्यात आला आहे.
Coronavirus: कोरोनाशी लढा देत असलेले ब्रिटनचे पंतप्रधान बोरिस जॉन्सन यांना रुग्णालयातून डिस्चार्ज देण्यात आल्याची माहिती AFP न्यूज यांनी दिली आहे.
नववी आणि अकरावीची परिक्षा होणार नसल्याची माहिती शिक्षणमंत्री वर्षा गायकवाड यांनी दिली आहे. तसेच दहावी बोर्डाचा शेवटचा म्हणजेच भूगोलाचा पेपर सुद्धा रद्द करण्यात आला आहे.
दिल्ली-एनसीआर येथे भुकंपाचे धक्के जाणवले आहेत.
भारतात आज कोरोनाचे नवे 918 रुग्ण आढळून आले आहेत. तर 31 जणांचा गेल्या 24 तासात मृत्यू झाला आहे. त्यामुळे देशातील एकूण कोरोनाबाधितांचा आकडा 8447 वर पोहचला आहे. त्यापैकी 7409 हे अॅक्टिव रुग्ण, 765 रुग्णांची प्रकृती सुधारुन त्यांना डिस्चार्ज देण्यात आला आहे. तर एकूण मृतांचा आकडा 273 वर पोहचल्याची माहिती केंद्रीय आरोग्यमंत्रालयाने दिली आहे.
ठाणे येथील विष्णुनगर मध्ये पोलीस अधिकारी आणि कर्मचाऱ्यांकडून रुट मार्च करुन कोरोनाचा प्रादुर्भाव रोखण्यासाठी लोकांना घरात राहण्याचे आवाहन करण्यात आले आहे.
पुण्यातील रुबी हॉल हॉस्पिटल मधील एका 45 वर्षीय नर्सेला कोरोनाची हलकी लक्षणे जाणवत होती. तपासणीनंतर ती कोरोना पॉझिटीव्ह असल्याचे समोर आले. त्यानंतर संबंधित नर्सच्या संपर्कात आलेल्या 30 नर्सेंना क्वारंटाइन करण्यात आल्याची माहिती हॉस्पिटलचे डिरेक्टर संजय पाठारे यांनी दिली आहे.
1 लाख 5 हजार बेड्स सह 601 हॉस्पिटल्स कोरोना रुग्णांसाठी सज्ज असल्याची माहिती आरोग्य मंत्रालयाचे सहसचिव लव अग्रवाल यांनी दिली. 9 एप्रिलच्या डेटानुसार, आपल्याला 1100 बेड्सची आवश्यकता होती आणि आपल्याकडे 85000 बेड्स होते. आता आपल्याला 1671 बेड्सची आवश्यकता असून आपल्याकडे 1 लाख 5 हजार बेड्स उपलब्ध आहेत, अशी माहिती लव अग्रवाल यांनी दिली आहे.
कोरोना व्हायरसच्या वाढत्या संसर्गामुळे लॉकडाऊनचा कालावधी वाढवला असून कष्टकरी, स्थलांतरित मजुरांनी गावाकडे परतण्याचा प्रयत्न करू नये. शासनाच्या वतीने त्यांच्या अन्नपाण्याची आणि राहण्याची सोय होईल, अशी हमी गृहमंत्री अनिल देशमुख यांनी दिली आहे.
मध्य प्रदेश राज्यातील लॉकडाऊनही वाढणार असल्याची माहिती मुख्यमंत्री शिवराज सिंह चौहान यांनी दिली आहे. लॉकडाऊनमुळे अर्थव्यवस्थेवर परिणाम होणार असला तरी नागरिकांचा जीव अधिक महत्त्वाचा आहे, अशी भूमिका त्यांनी मांडली
नागपूर येथे 14 नागरिकांना कोरोना व्हायरसची लागण झाल्याची माहिती पालिका आयुक्त तुकाराम मुंढे यांनी दिली आहे.
मुंबईः धारावी परिसरात निर्जंतुकीकरण करण्यासाठी अग्निशमन दलाकडून Protector 600 मशीनचा वापर करण्यात येत आहे. धारावी परिसरात कोरोना व्हायरस रुग्णांची संख्या सातत्याने वाढत असून आतापर्यंत धारावीत 43 कोरोनाग्रस्त रुग्ण आढळून आले आहेत. तर 4 जणांचा मृत्यू झाला आहे.
आज ईस्टर संडे हा सण असून जगभरातील ख्रिश्चन बांधव हा सण अगदी उत्साहात साजरा करतात. मात्र यंदा संपूर्ण जग कोरोना व्हायरसच्या जागतिक संकटाचा सामना करत असल्याने सणाला साधे स्वरुप आले आहे. मुंबईत देखील चर्चेस लॉकडाऊनमुळे बंद आहेत. त्यामुळे ख्रिश्चन बांधवांना आज एकत्रितपणे हा सण साजरा करता येणार नाही. कोरोना व्हायरसची रुग्णसंख्या भारत देशात झपाट्याने वाढत आहे. याच पार्श्वभूमीवर ओडिसा, पंजाब, राजस्थान या राज्यांमध्येही लॉकडाऊन 30 एप्रिल पर्यंत वाढवण्यात आला आहे. या यादीत आता महाराष्ट्राचाही समावेश झाला आहे. देशातील कोरोना बाधितांची संख्या 7529 झाली असून 242 नागरिकांचा यात मृत्यू झाला आहे. तर 653 रुग्णांची प्रकृती सुधारली असून त्यांना डिस्चार्ज देण्यात आला आहे. महाराष्ट्र, तामिळनाडू, दिल्ली, राजस्थान या राज्यांमध्ये कोरोना रुग्णांची संख्या अधिक आहे.
महाराष्ट्र राज्यातील कोरोना रुग्णांचा आकडा आता 1761 वर जाऊन पोहचला आहे. त्यात दर दिवशी नव्या रुग्णांची भर पडते. त्यामुळे कोरोनाची संसर्गाची साखळी तोडण्यासाठी राज्यातील लॉकडाऊनचा कालावधी 30 एप्रिल पर्यंत वाढवण्यात आला आहे. काल पंतप्रधान नरेंद्र मोदी यांच्या सोबत व्हिडिओ कॉन्फरन्सिंगद्वारे झालेल्या बैठकीत हा निर्णय घेण्यात आला आहे. तसंच राज्यातील पुढच्या टप्प्यातील लॉकडाऊनची व्यवस्था कशी असणार याबाबत मुख्यमंत्री उद्धव ठाकरे काही दिवसात माहिती देणार आहे. तसंच राज्यातील काही ठिकाणी लॉकडाऊनचे नियम अंशतः शिथिल करण्यात येतील तर काही ठिकाणी नियमांची स्वरुप कडक असेल, अशी कल्पना मुख्यमंत्र्यांनी काल जनतेला संबोधित करताना दिली आहे. लॉकडाऊनचे पडसाद विविध स्तरावर उमटत आहेत. लॉकडाऊनमुळे आधीच जेरीस आलेले रोजंदारी कामगार, मजूर अधिकच हवालदिल झाले आहेत. त्याचबरोबर लहानमोठे व्यवसाय, उद्योगधंदे असणारे व्यावसायिक यांच्या समोरील समस्याही वाढल्या आहेत.
इटली, स्पेन पाठोपाठ अमेरिकेत कोरोनाचा कहर पाहायला मिळत आहे. प्रत्येक दिवशी 2000 हून अधिक कोरोना बाधित रुग्णांचा मृत्यू होत आहे. गेल्या 24 तासांत अमेरिकेत 1,920 कोरोना बाधित नागरिकांचा मृत्यू झाला आहे. त्या तुलनेत वेळीच लॉकडाऊनचा निर्णय घेतल्याने भारत देशातील परिस्थिती हाताबाहेर गेली नसल्याचे चित्र पाहायला मिळत आहे. मात्र येत्या काळात कोरोनाचा फैलाव कितपत वाढतो? का लांबवलेल्या लॉकडाऊनमुळे परिस्थिती नियंत्रणात येते? हे काही दिवसांतच स्पष्ट होईल.