भारतात 7703 कोरोना बाधित रुग्णांची नोंद करण्यात आली असल्याचे ICMR ने सांगितले आहे.
Live
भारतात 7703 कोरोना बाधित रुग्ण; ICMR; 11 एप्रिल 2020 च्या ताज्या मराठी बातम्या आणि ब्रेकिंग न्यूज LIVE
12 Apr, 05:19 (IST)
पुण्याचे महापौर मुरलीधर मोहोळ यांनी पुण्यातील प्रभागनिहाय कोरोनाबाधित रुग्णांची माहिती दिली आहे.
12 Apr, 04:55 (IST)
मुंबईतील पंचतारांकित ताज महल हॉटेलमधील 6 कर्मचाऱ्यांना कोरोनाची लागण झाली आहे. या सर्वांवर रुग्णालयात उपचार सुरू आहेत.
12 Apr, 04:35 (IST)
राज्यभरात 'लॉकडाऊन' ३० एप्रिलपर्यंत वाढवण्याबाबतचा निर्णय लोकहिताचा आहे. नागरिकांनी या निर्णयाला पाठिंबा द्यावा आणि सहकार्य करावं. राज्यातल्या प्रत्येकानंच कोरोनावर मात करण्यासाठी कटिबद्ध होऊया! आपला व आपल्या कुटुंबाचा जीव वाचवण्यासाठी सरकारनं लॉकडाऊन वाढवला आहे, असं मत उपमुख्यमंत्री अजित पवार यांनी व्यक्त केलं आहे.
12 Apr, 04:21 (IST)
दिवसभरात पुण्यात 15 नवे कोरोनाबाधित रुग्ण आढळले आहेत. त्यामुळे शहरातील एकूण रुग्णांची संख्या 223 वर पोहोचली आहे.
12 Apr, 04:13 (IST)
Corona: मध्य प्रदेशात कोरोनामुळे आतापर्यंत 40 जणांचा मृत्यू; राज्यातील कोरोनाबाधीतांची संख्या 529 वर
कोरोना विषाणूने संपूर्ण देशात हाहाकार माजवला आहे. कोरोना बाधीतांच्या संख्येत दिवसेंदिवस वाढ होऊ लागली आहे. मध्य प्रदेशात कोरोनाची लागण होऊन आतापर्यंत 40 लोकांचा मृत्यू झाला असल्याची माहिती समोर आली आहे. तर एकूण 529 जण कोरोनाच्या जाळ्यात अडकले आहेत. ट्वीट-
12 Apr, 03:17 (IST)
तेलंगणामध्ये 30 एप्रिलपर्यंत लॉकडाऊन घोषित करण्यात आलं आहे. यासंदर्भात तेलंगणाचे मुख्यमंत्री के. चंद्रशेखर राव यांनी माहिती दिली आहे.
12 Apr, 02:49 (IST)
महाराष्ट्रातील कोरोना रुग्णांचा आकडा 1761 वर पोहोचला आहे. आज 187 नव्या कोरोना बाधितांची नोंद झाली आहे.
12 Apr, 02:10 (IST)
कोरोना व्हायरसचे मुंबईत 61 टक्के रुग्ण तर ठाणे, पालघर, नवी मुंबई भागात 10 टक्के आणि पुण्यात 20 टक्के रुग्ण आढळून आले आहेत. त्याचसोबत राज्यातील कोरोना रुग्णांचा मृत्यूदर 5.5 टक्के असल्याची माहिती आरोग्यमंत्री राजेश टोपे यांनी दिली आहे.
12 Apr, 01:47 (IST)
राज्यातील पॅरोमेडिकल कर्मचाऱ्यांना वेबपोर्टलद्वारे ऑनलाईन प्रशिक्षण देण्याचा निर्णय घेण्यात आल्याची माहिती आरोग्यमंत्री राजेश टोपे यांनी दिली आहे.
12 Apr, 01:37 (IST)
कोरोनाच्या पार्श्वभुमीवर गोव्यात सुद्धा लॉगडाउन वाढवला जाणार पण आर्थिक व्यवहार सुरु राहणार आहे. तसेच येत्या सोमवार पासून खासगी आणि सरकारी रुग्णालयातील ओपीडी सुरु करण्यात येणार आहेत. मात्र आजपासून मासेमारी संबंधित कामे सुरु करण्यात आल्याची माहिती गोव्याचे मुख्यमंत्री प्रमोद सावंत यांनी दिली आहे.
12 Apr, 01:13 (IST)
कोरोना व्हायरसच्या पार्श्वभुमीवर राजस्थान येथील सरकार 9 वी आणि 11 वी च्या विद्यार्थ्यांना पास करणार असल्याचा निर्णय घेण्यात आला आहे.
12 Apr, 24:55 (IST)
पुणे येथे आणखी तीन जणांना कोरोना व्हायरसमुळे मृत्यू झाल्याने एकूण 29 जणांचा बळी गेल्याची माहिती आरोग्य विभागाकडून देण्यात आली आहे.
12 Apr, 24:38 (IST)
मुंबईत कोरोनाचे आणखी 189 रुग्ण आढळून आले आहेत. तर 11 जणांचा आजपर्यंत मृत्यू झाला आहे. त्यामुळे शहरातील एकूण कोरोनाबाधितांचा आकडा 1182 वर आणि एकूण मृतांची संख्या 75 वर पोहचल्याची माहिती मुंबई महापालिकेने दिली आहे.
12 Apr, 24:04 (IST)
दिल्लीतील कश्मिरी गेट येथे भीषण आग लागली असून 5 अग्निशमन दलाच्या गाड्या घटनास्थळी दाखल झाल्या आहेत.
11 Apr, 23:41 (IST)
राजस्थान मध्ये आणखी 117 कोरोनाचे रुग्ण आढळून आल्याने आकडा 678 वर पोहचला आहे.
11 Apr, 23:08 (IST)
महाराष्ट्रानंतर पश्चिम बंगाल येथे सुद्धा 30 एप्रिल पर्यंत लॉकडाउन कायम राहणार असल्याची माहिती ममता बॅनर्जी यांनी दिली आहे.
11 Apr, 22:44 (IST)
महाराष्ट्रात 14 एप्रिल नंतर लॉकडाउन कायम राहणार असल्याचे मुख्यमंत्री उद्धव ठाकरे यांनी स्पष्ट केले आहे. तर 30 एप्रिल पर्यंत लॉकडाउन राहणार असल्याचा निर्णय घेण्यात आला आहे. मुंबई, पुणे या ठिकाणी कोरोनाच्या पार्श्वभुमीवर लक्ष ठेवण्याची अधिक गरज आहे. शेतीच्या कामांना लॉकडाउनच्या काळात परवानगी देण्यात आली आहे.
11 Apr, 22:40 (IST)
राज्याच हाय रिस्क असलेले रुग्ण दगावले असल्याचे मुख्यमंत्री उद्धव ठाकरे यांनी स्पष्ट केले आहे. येत्या सोमवारी पहिला कोरोनाबाधित रुग्ण आढळून आल्याचा पाचवा आठवा पूर्ण होणार आहे. मुंबईत सापडलेल्या कोरोनाबाधितांची लक्षणे सौम्य दिसून आली आहेत. मात्र आता घरोघरी जाऊन कोरोनासंबंधित चाचणी केली जात आहे.तर महाराष्ट्रात14 एप्रिल नंतर लॉकडाउन कायम ठेवणार असल्याचा निर्णय घेण्यात आला आहे.
11 Apr, 22:36 (IST)
महाराष्ट्रात कोरोनाबाधितांचा आकड्यात वाढ झाली आहे. जवळजवळ 33 हजार जणांच्या चाचण्या करण्यात आल्या आहेत. तर मुंबईतील 19 हजारांपैकी 1 हजार जणांची कोविड-19 ची चाचणी पॉझिटिव्ह आली आहे.
कोरोना व्हायरस (Coranavirus) संकट नियंत्रणात आणण्यासाठी देशभरात निकराचे प्रयत्न केले जात आहेत. त्यामुळे जगाच्या तुलनेत कोरोना व्हायरस संकटावर नियंत्रण मिळविण्यासाठी भारताला काही अंशी यश आल्याचे चित्र आहे. मात्र, हे चित्र किती वास्तवातले किती फसवे हे अद्याप स्पष्ट होऊ शकले नाही. कारण, देशभरातील कोरोना व्हायरस बाधित रुग्णांची संख्या हळूहळू वाढते आहे. महाराष्ट्रात ही संख्या सर्वाधिक आहे. महाराष्ट्रातही मुंबई आणि पुणे शहरात कोरोना व्हायरस बाधित रुग्णांची संख्या सर्वाधिक आहे. महाराष्ट्रात कोरोना व्हायरस संसर्ग झालेले रुग्ण आढळत आहेत याला महाराष्ट्र सरकार नागरिकांची कोरोना टेस्ट अधिक प्रमाणात करत असल्याचेही कारण दिले जात आहे. पण, हे कारण खरे असले तर मग देशभरातील इतर राज्यांमध्ये कोरोना व्हायरस बाधित रुग्णांची संख्या कमी आहे. त्यावर प्रश्नचिन्ह निर्माण होते. त्यामुळे आज संबंध दिवसभरात देशभरातील कोरोना व्हायरस संकट आणि स्थिती याबाबततची ताजी माहिती आणि तपशील याकडे विशेष लक्ष असणार आहे.
कोरोना व्हायरस संकट मोठे अव्हान बणून राहिल्यामुळे सहाजिकच देश आणि राज्यातील विविध गोष्टींकडे फारसे लक्ष दिले जात नाही असे दिसते. यात कोरोना व्हायरस संसर्ग नसलेल्या पण, इतर आजार असलेल्या सर्वसामान्य नागरिकांवर होणारे उपचार. त्यांना येणाऱ्या अडचणी हा मुद्दा फारसा चर्चेत आला नाही. मात्र, वास्तवात सर्वसामान्य आजार असलेल्या आणि उपचार मिळत नसलेल्या नागरिकांचेही प्रमाण मोठे आहे.
राज्यातील राजकीय पक्षांचे नेमके काय चालले आहे. काही नेते कोरोना व्हायरस संकटाच्या पार्श्वभूमीवर राज्य सरकार आणि केंद्र सरकार यांवर भाष्य करत आहे. याचे प्रमाण कमी असले तरी असे घडते आहे. दुसऱ्या बाजूला लॉकडाऊन काळात काही प्रशासकीय अधिकारी आपल्या अधिकारांचा वापर करत काही नागरिकांना सूट देत आहेत. त्यामुळे अशा काही आर्थिकदृष्ट्या अधिक सक्षम असलेल्या नागरिकांचा प्रवास खंडाळा ते लोनावळा असाही होतो आहे. अशा काही घटनांकडेही लक्ष असणार आहे.
दरम्यान, भारतासोबतच भारताचे शेजारी देश आणि जगभरात महासत्ता म्हणून ओळखली जाणारी अमेरिका. या देशाच्या खालोखाल जगभरात श्रीमंत आणि विकसित देश अशी ओळख असणारे इतर काही देश ज्यात इंग्लंड, जर्मनी, फ्रांन्स या देशांचा समावेश होतो. यांसह जगभरातील इतर देशांमध्ये कोरोना व्हायरस संकटाबाबत काय स्थिती आहे याकडेही लेटेस्टली मराठी लक्ष ठेऊन आहे. त्यामुळे या विविध विषयांतील ताज्या बातम्या, घटना आणि घडामोडी जाणून घेण्यासाठी लेटेस्टली मराठी लाईव्ह ब्लॉगशी जोडलेले राहा.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
breaking news
Coranavirus in Maharashtra
Corona Alert
Coronavirus
Coronavirus in India
Coronavirus outbreak
Home Minister Anil Deshmukh
Latest Marathi News
Live Breaking News Headlines
maharashtra news
Marathi News
PM Narendra Modi
कोरोना व्हायरस
कोरोना व्हायरस अपडेट्स
कोरोना व्हायरस अलर्ट
कोरोना व्हायरस भारत
कोरोना व्हायरस महाराष्ट्र
ताज्या बातम्या
पंतप्रधान नरेंद्र मोदी
ब्रेकिंग न्यूज
मराठी ताज्या बातम्या
महाराष्ट्र लाईव्ह ब्रेकिंग न्यूज
राज्याचे गृहमंत्री अनिल देशमुख