435 नवे रुग्ण व 7 मृत्युंसह पुणे जिल्ह्यातील कोरोना विषाणू संक्रमितांची संख्या 10,394 झाली; 10 जून 2020 च्या ताज्या मराठी बातम्या आणि ब्रेकिंग न्यूज LIVE

435 नवे रुग्ण व 7 मृत्युंसह पुणे जिल्ह्यातील कोरोना विषाणू संक्रमितांची संख्या 10,394 झाली आहे. आतापर्यंत एकूण 449 लोकांचा मृत्यू झाला आहे.

191 नवे रुग्ण व 8 मृत्युंसह तेलंगणात कोरोना विषाणू रुग्णांची संख्या 4000 च्या वर. एकूण मृत्यूंची संख्या 156 झाली आहे.

महाराष्ट्रातील ठाणे जिल्ह्यात एकूण कोरोना बाधित रुग्णांची संख्या 12,941 इतकी झाली आहे. आज 21 मृत्यूसह 433 नवे रुग्ण आढळले आहेत.

मुंबईत कोरोनाबाधित रुग्णांच्या संख्येत दिवसेंदिवस वाढ होऊ लागली आहे. मुबईत आज 1 हजार 567 रुग्णांची नोंद झाली आहे. तर, 97 जणांचा मृत्यू झाला आहे. यामुळे मृतांची संख्या 1 हजार 855 वर पोहचली आहे. पीटीआयचे ट्वीट- 

पिंपरी-चिंचवडच्या सांगवीमध्ये मुलाचा मारहाणीत मृत्यू झाला होता, या प्रकरणातील सर्व आरोपींना पोलिसांनी केली अटक केली असून, पुढील कारवाई सुरू असल्याची माहिती गृहमंत्र्यांनी दिली. 

आंतरराष्ट्रीय क्रिकेट परिषदेने (ICC) पुढील महिन्यापर्यंत टी -20 विश्वचषक स्पर्धेच्या निर्णयाला स्थगिती दिली. बुधवारी झालेल्या आयसीसीच्या बैठकीत कोरोना व्हायरस परिस्थितीचे सातत्याने आकलन केले जाईल, असा निर्णय घेण्यात आला.

फक्त चमोली जिल्ह्यातील मना आणि बामनी गावातील भक्तांनाच, 30 जूनपर्यंत सकाळी 7 ते सायंकाळी 7 या कालावधीत बद्रीनाथ मंदिरात प्रवेश घेण्याची मुभा दिली जाईल. उर्वरीत उत्तराखंड व इतर राज्यातील भाविकांना 30 जूनपर्यंत मंदिरात येण्याची परवानगी नसल्याची माहिती, डीएम चमोली स्वाती भदौरिया यांनी दिली.

1,501 नवे रुग्ण आढळल्याने दिल्लीतील कोरोना बाधितांचा आकडा 32 हजारांवर गेला आहे. तर 984 रुग्णांचा मृत्यू झाल आहे.

बिहार: 115 नव्या कोरोना बाधितांसह राज्यात एकूण 5698 कोविड-19 ग्रस्त रुग्ण

मागील 24 तासांत महाराष्ट्रात 3254 नवे रुग्ण आढळल्याने राज्यातील कोरोना बाधितांची संख्या 94,041 वर पोहचली आहे. 1879 रुग्णांची प्रकृती सुधारल्यामुळे त्यांना रुग्णालयातून डिस्चार्ज देण्यात आला आहे. 94,041 पैकी 44,517 रुग्ण कोरोनामुक्त झाले असून 3438 रुग्णांचा मृत्यू झाला असल्याची माहिती आरोग्य विभागाने दिली आहे.

COVID19 Pandemic बद्दल पंतप्रधान नरेंद्र मोदी यांनी कंबोडियाचे पंतप्रधान Hun Sen यांच्यासोबत चर्चा केली.

कोविड-19 च्या काळात होणाऱ्या गैरसोयींबद्दल NHRC कडून दिल्ली सरकार आणि केंद्रीय आरोग्य मंत्रालयाला नोटीस पाठवण्यात आली आहे. त्यात बेड्ची उपलब्धता नसणे, कोविड-19 च्या चाचण्यांची कमतरता इत्यादी मुद्दे मांडण्यात आले आहेत.

मुंबईतील धारावी मध्ये कोरोना बाधित 11 नवे रुग्ण आढळल्याने धारावतील कोरोनाग्रस्तांचा आकडा 1964 वर पोहचला आहे. दरम्यान एकाही मृत्यूची नोंद झाली नसल्याची माहिती BMC च्या अधिकाऱ्यांनी दिली आहे.

पुणे: भारतीय आणि विदेशी चलनाच्या बनावट नोटांप्रकरणी 6 लोकांना अटक करण्यात आली आहे. यात सैन्य दलातील एकाचा समावेश आहे.

तामिळनाडू: 1,927 नव्या रुग्णांसह राज्यातील कोरोना बाधितांचा आकडा 36,841 पोहचला आहे. त्यापैकी 17179 रुग्णांवर सध्या उपचार सुरु आहेत. तर 19333 रुग्णांना बरे झाल्यामुळे रुग्णालयातून डिस्चार्ज मिळाला आहे. दरम्यान 326 रुग्णांचा कोविड-19 च्या संसर्गामुळे मृत्यू झाला आहे, अशी माहिती राज्याच्या आरोग्य विभागाने दिली आहे.

दिल्ली मधील काही भागांत पावसाच्या सरी, पहा फोटोज

कर्नाटकमध्ये कोरोना व्हायरसचे 120 नवे रुग्ण आढळून आले आहेत. त्यामुळे राज्यात एकूण 6041 कोरोना बाधित रुग्ण झाले आहेत. त्यापैकी 3108 रुग्णांवर उपचार सुरु असून 2862 रुग्णांवर सध्या उपचार सुरु आहेत. तर 71 रुग्णांचा मृत्यू झाला आहे, अशी माहिती राज्याच्या आरोग्य विभागाने दिली आहे.

लॉकडाऊनमुळे आर्थिक संकट ओढावलेल्या  नाभिक आणि  धोबी समाजासाठी आर्थिक पॅकेज जाहीर करण्याची शिफारस विधानसभा अध्यक्ष नाना पटोले यांची मुख्यमंत्री उद्धव ठाकरे यांच्याकडे केली आहे.

अत्यावश्यक सेवेतील कर्मचार्‍यांच्या वाहतुकीसाठी मुंबईतील उपनगरी लोकल सेवा पुन्हा सुरू करण्याची मागणी महाराष्ट्रचे मुख्यमंत्री उद्धव ठाकरे यांनी केली आहे.

येत्या 24 तासात रत्नागिरी आणि सिंधुदुर्ग जिल्ह्यातील अनेक भागांमध्ये विजांच्या कडकडाटासह जोरदार पाऊस होण्याची शक्यता असल्याचा इशारा भारतीय हवामान खात्याने दिला आहे.