नागपूर मध्यवर्ती कारागृहात 44 जणांना कोविड-19 ची लागण; 1 जुलै 2020 च्या ताज्या मराठी बातम्या आणि ब्रेकिंग न्यूज LIVE

नागपूर मध्यवर्ती कारागृहात 44 जणांना कोविड-19 ची लागण झाली आहे. यातील बहुतेकजण हे पोलिस कर्मचारी आहेत. अशाप्रकारे तुरूंगातील एकूण संक्रमितांची संख्या 53 झाली आहे.

पुणे जिल्ह्यात गेल्या 24 तासांत 1251 कोरोना पॉझिटिव्ह रुग्ण आणि 25 मृत्यूची नोंद झाली आहे; जिल्ह्यातील एकूण सकारात्मक रुग्णांची संख्या 23,680 झाली आहे. पुणे आरोग्य विभागाने याबाबत माहिती दिली.

मुंबई, ठाणे, नवी मुंबई भागात आज रात्री जोरदार पाऊस पडेल, अशी शक्यता वर्तवण्यात आली आहे. ट्विट- 

महाराष्ट्रात सर्वाधिक कोरोनाबाधित रुग्ण मुंबई आढळून आले आहेत. मुंबईत आज 1 हजार 511 नव्या रुग्णांची नोंद झाली आहे. तर, 75 जणांचा मृत्यू झाला आहे. पीटीआयचे ट्विट- 

सीआरपीएफच्या आणखी 134 जवानांना कोरोनाची लागण झाली आहे, अशी माहिती समोर आली आहे. आतापर्यंत सीआरपीएफच्या एकूण 1 हजार 385 जवान कोरोनाच्या जाळ्यात अडकले आहेत. यापैकी एकूण 9 जवानांचा मृत्यू झाला आहे. तर, 694 जणांनी कोरोनावर मात केली आहे. एएनआयचे ट्विट- 

राज्यातील कोरोनाबाधीत रुग्णांना तातडीने रुग्णालयात दाखल करण्यासाठी रुग्णवाहिका तसेच खासगी वाहने जिल्हा प्रशासनाने अधिग्रहीत करण्याचा निर्णय घेण्यात आला आहे. याबाबत आज शासन निर्णय जाहीर केला आहे. एनएनआयचे ट्विट- 

गोव्यात आणखी 72 कोरोनाबाधित रुग्णांची भर  पडल्याने आकडा 1387 वर पोहचला आहे.

महाराष्ट्रात आज COVID19 आणखी 5537 रुग्ण आढळले तर 198 जणांचा बळी गेला आहे. त्यामुळे राज्यातील कोरोनाबाधितांचा आकडा 1,80,298 वर पोहचला आहे.

दिल्लीत कोरोनाचे आणखी 2442 रुग्ण आढळले तर 61 जणांचा बळी गेल्याने आकडा 89802 वर पोहचला आहे.

मुंबईतील धारावीत कोरोनाचे आणखी 14 पॉझिटिव्ह रुग्ण आढळून आल्याने आकडा 2282 वर पोहचला आहे.

कर्नाटक येथे आणखी 1272 कोरोनाबाधित रुग्णांची भर पडल्याने आकडा 16514 वर पोहचला आहे.

गोव्यात पर्यटनासह 250 हॉटेल्स सुरु करण्यासाठी उद्यापासून परवानगी देण्यात आली आहे.

गेल्या 24 तासात इंडो-तिबेटियन पोलिसांमधील आणखी 23 जणांची कोरोनाची  चाचणी पॉझिटिव्ह आली आहे.

सोलापूर मधील कोरोनाबाधितांचा आकडा 401 वर पोहचला असून 18 जणांचा बळी गेला आहे.

केरळात आणखी 151 कोरोनाबाधित रुग्णांची भर पडल्याने आकडा 2130 वर पोहचला आहे.

शशांक मनोहर यांनी आज आंतरराष्ट्रीय क्रिकेट परिषदेचे अध्यक्षपदाचा राजीनामा दिला आहे. दरम्यान, पुढील आठवड्यात आयसीसी बोर्डाकडून अध्यक्षांच्या निवडणुकीची प्रक्रिया मंजूर होण्याची अपेक्षा आहे. एएनआयचे ट्वीट- 

भारताचे संरक्षणमंत्री राजनाथ सिंह शुक्रवारी लडाखला भेट देण्याची शक्यता आहे. चिनी सैन्यासह चीनमधील सीमाभागातील कडक कारवाई लक्षात घेता भारताच्या सैन्याच्या तयारीचा आढावा घेण्यात येईल, अशी महिती पीटीआयने सुत्रांच्या हवाल्याने दिली आहे. पीटीआयचे ट्विट-

उत्तर प्रदेशच्या राज्यपाल म्हणून आनंदीबेन पटेल यांनी घेतली शपथ घेतली आहे. लालजी टंडन यांची प्रकृती ढासळली असून लखनऊ येथील रुग्णालयात त्यांच्यावर उपचार सुरु आहे. एएनआयचे ट्वीट- 

उत्तराखंड उच्च न्यायालयाने योगगुरु रामदेव, दिव्य फार्मसी, एनआयएमएस विद्यापीठ, केंद्र आणि राज्य सरकार यांना आयुर्वेदिक औषध कोरोनिवर  बंदी घालण्याच्या याचिकेवर नोटीस बजावली आहे.

हरियाणा: फरीदाबाद येथील शॉपिंग मॉल्स सुरु करण्यात आले असून एका स्टोअर मॅनेजरने सांगितले की, कोविड-19 चा संसर्ग टाळण्यासाठी विशेष खबरदारी घेण्यात येत आहे. दुकानांमध्ये थर्मल स्क्रिनिंगसह सॅनिटायझरचा वापरही केला जात आहे.