देशातील कोरोना व्हायरस बाधित रुग्णांची संख्या 1834 पर्यंत वाढली आहे. त्यातील 144 रुग्ण उपाचारानंतर बरे झाले आहेत. तर 41 जणांचा मृत्यू झाला आहे. आज दिवसभरात 437 नव्या रुग्णांची भर पडल्याने हा आकडा 1834 पर्यंत वाढला आहे.
Live
Coronavirus: देशातील कोरोना व्हायरस बाधित रुग्णांच्या संख्या 1834 पर्यंत वाढली;1 एप्रिल 2020 च्या ताज्या मराठी बातम्या आणि ब्रेकिंग न्यूज LIVE
चीन मधील वुहान शहरातून लागण झालेल्या कोरोना व्हायरसने जगातील सर्व देशांना पछाडले आहे. तर दिवसेंदिवस कोरोनाबाधितांचा आणि मृतांच्या आकड्यात वाढ होत चालली आहे. आतापर्यंत कोरोना व्हायरसचे जगभरात 754,948 रुग्ण आढळून आले आहेत.
02 Apr, 04:37 (IST)
धारावी येथे एका कोरोना व्हायरस बाधित व्यक्तिचा मृत्यू झाला. मुंबई पोलिसांनी या घटनेनंतर हा व्यक्ती राहात असलेला परिसर सील केला आहे. या वेळी मुंबई पोलीस आणि स्थानिक नागरिका यांच्यात शाब्दिक चकमक झाल्याचे वृत्त आहे.
02 Apr, 04:08 (IST)
जळगाव येथील एका व्यक्तिची कोरोना व्हायरस चाचणी पॉझिटीव्ह आल्याचे पुढे आले आहे. या पार्श्वभूमीवर जिल्ह्यातील नागरिकांनी अधिक दक्षता घ्यावी असे अवाहन जिल्हाधिकाऱ्यांनी केले आहे.
02 Apr, 03:45 (IST)
नागरिकांनी काळजी घ्यावी. काळजी करु नये. गर्दी टाळावी. घाबरून जाऊ नये. सरकारला सहकार्य करवे, असे अवाहन वरळी येथील आमदार आणि राज्याचे पर्यटनमंत्री आदित्य ठाकरे यांनी आणि वरळी येथील जनतेला केले आहे.
02 Apr, 03:41 (IST)
धारावी येथील कोरोना बाधित व्यक्तीचा मृत्यू झाल्याचे समजते. हा व्यक्ती 56 वर्षीय होता. या रुग्णावर मुंबई येथील सायन रुग्णालयात उपचार सुरु होते. या व्यक्तीसह मुंबईत आज मृत्यू झालेल्या रुग्णांची संख्या 4 इतकी असल्याचे समजते.
02 Apr, 03:18 (IST)
महाराष्ट्र आरोग्य विभागाने दिलेल्या माहितीनुसार, कोरोना व्हायरसमुळे आज महाराष्ट्रात आणखी 4 जणांचा मृत्यू झाला असून, राज्यात एकूण मृतांचा आकडा 16 झाला आहे. राज्यात एकूण रूग्णांची संख्या 335 वर पोहोचली आहे. रुग्णालयातून 41 लोकांना सोडण्यात आले.
02 Apr, 03:05 (IST)
ऑल इंग्लंड लॉन टेनिस अँड क्रोकेट क्लबने निर्णय घेतला आहे की कोरोना व्हायरस साथीमुळे, विम्बल्डन रद्द करण्यात येत आहे. त्याऐवजी 28 जून ते 11 जुलै 2021 या काळात या 134 व्या स्पर्धेचे आयोजन केले जाईल.
02 Apr, 01:55 (IST)
मुंबईमधील सर्वाधिक गर्दीचे ठिकाण, आशियातील सर्वात मोठी झोपडपट्टी धारावी (Dharavi) येथे कोरोना विषाणूचा एक रुग्ण आढळला आहे. या रुग्णाचे वय 56 वर्षे असून, सध्या त्याच्यावर उपचार सुरू आहेत. त्याच्या कुटुंबातील 8 ते 10 जणांना वेगळे ठेवण्यात आले आहे.
02 Apr, 24:54 (IST)
महाराष्ट्रात कोरोना व्हायरसची लागण झालेल्यांच्या संख्येत सोमवार रात्रीपासून 33 नव्या रुग्णाची वाढ झाली आहे, यानुसार आता राज्यातील रुग्णांची एकूण संख्या 335 वर पोहचली आहे, याबाबत आरोग्य विभागाकडून माहिती देण्यात आली आहे.
02 Apr, 24:51 (IST)
पश्चिम बंगालच्या मुख्यमंत्री ममता बॅनर्जी यांनी पंतप्रधान मोदींना पत्र लिहित कोव्हिड लॉकडाऊनमुळे महसूल कमी झाल्याने लोकांना मोफत रेशन उपलब्ध करुन देण्यासाठी आणि इतर कल्याणकारी योजना चालू ठेवण्यासाठी 25,000 कोटींची आर्थिक मदत मागितली आहे.
02 Apr, 24:51 (IST)
पश्चिम बंगालच्या मुख्यमंत्री ममता बॅनर्जी यांनी पंतप्रधान मोदींना पत्र लिहित कोव्हिड लॉकडाऊनमुळे महसूल कमी झाल्याने लोकांना मोफत रेशन उपलब्ध करुन देण्यासाठी आणि इतर कल्याणकारी योजना चालू ठेवण्यासाठी 25,000 कोटींची आर्थिक मदत मागितली आहे.
02 Apr, 24:36 (IST)
मुंबईत कोरोना पॉझिटिव्ह रुग्ण आढळलेल्या 191 भागाला मुंबई महापालिकेकडून 'Containment Areas'म्हणून घोषित करण्यात आले आहे. या भागांना सध्या सील करण्यात आले असून यात प्रवेश आणि इथून बाहेर जाणे निषिद्ध करण्यात आले आहे. तसेच या भागातील रहिवाशांना सुद्धा घरातून बाहेर पडू नये असे आवाहन करण्यात आले आहे.
02 Apr, 24:07 (IST)
महाराष्ट्रातील कोरोना बाधित रुग्णांमध्ये आणखीन 2 जणांची वाढ झाली आहे, यांनतर आता राज्यातील कोरोनाच्या रुग्णांची संख्या 322 वर पोहचली आहे याविषयी आरोग्यमंत्री राजेश टोपे यांनी माहिती दिली आहे.
01 Apr, 23:23 (IST)
सूत्रांच्या माहितीनुसार, कोरोना विरुद्ध लढ्यासाठी तयार करण्यात आलेल्या पीएम केअर्स फंड मध्ये आता परदेशी नागरिकांची देणगी सुद्धा स्वीकारली जाणार आहे.
01 Apr, 23:07 (IST)
नवी मुंबई महानगर पालिका क्षेत्रातील तबलिगी जमातीचे 15 जण सुद्धा दिल्लीतील निजामुद्दीन मर्कझ येथे गेले होते. त्यातील 12 जण अजून दिल्ली मध्ये आहेत . नवी मुंबई मध्ये आलेल्या तीन जणांना घरातच विलगीकरणात राहण्याचे आदेश देण्यात आले आहे.
01 Apr, 22:32 (IST)
मार्च महिन्यात एकूण 97,597 कोटी रुपयांचा GST सरकारकडून वसूल करण्याची माहिती अर्थमंत्रालयाने दिली आहे.
01 Apr, 22:25 (IST)
रेल्वेकडून 3.2 लाख विलगिकरण कक्ष आणि 20 हजार कोचचा वापर करुन क्वारंटाइन बेड तयार करण्यात येणार असल्याची माहिती आरोग्य मंत्रालयाकडून देण्यात आली आहे.
01 Apr, 21:58 (IST)
हिमाचल प्रदेशात लॉकडाउनच्या काळात हिंसाचार करण्याऱ्या 320 जणांचा अटक करण्यात आली आहे. तर 151 गाड्या जप्त करण्यात आल्या असल्याची माहिती पोलिसांनी दिली आहे.
01 Apr, 21:37 (IST)
नाशिकमध्ये संचारबंदीचे नियम मोडणाऱ्यांवर गुन्हे दाखल करण्यात आल्याची माहिती विश्वास नांगरे-पाटील यांनी दिली आहे.
01 Apr, 21:11 (IST)
दिल्लीतील 2 डॉक्टरांना कोरोनाची लागण झाली आहे.
चीन मधील वुहान शहरातून लागण झालेल्या कोरोना व्हायरसने जगातील सर्व देशांना पछाडले आहे. तर दिवसेंदिवस कोरोनाबाधितांचा आणि मृतांच्या आकड्यात वाढ होत चालली आहे. आतापर्यंत कोरोना व्हायरसचे जगभरात 754,948 रुग्ण आढळून आले आहेत. त्यापैकी 36,571 जणांचा कोरोनामुळे मृत्यू झाल्याची माहिती डब्लूएचओ (WHO) यांनी दिली आहे. चीन नंतर सर्वाधिक मृतांची संख्या इटली येथे आहे. गेल्या दोन दिवसांपूर्वीच इटलीत मृतांचा आकडा 10 हजारावर पोहचल्याची माहिती समोर आली होती. त्याचसोबत 13 वर्षीय ब्रिटिश मुलाचा कोरोनामुळे मृत्यू झाल्याची माहिती AFP न्यूज ऐजंसी यांनी दिली आहे.
तर महाराष्ट्रात कोरोनाबाधितांचा आकडा 302 वर जाऊन पोहचला आहे. राज्यातील सरकारकडून कोरोना व्हायरस विरोधात लढा देण्यासाठी विविध नियमांची अंमलबजावणी करत आहेत. तरीही कोरोनाग्रस्तांचा आकडा वाढत आहे. मात्र नागरिकांना घरी बसण्यास सांगितले असता ते सुद्धा घरी थांबण्याचे नाव घेत नाही आहेत. त्यामुळे आता अखेर पोलीस दलाकडून लॉकडाउनच्या परिस्थितीत नियमांचे उल्लंघन करण्याऱ्यांच्या विरोधात थेट कायदेशीर कारवाई केली जात आहे.
आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.
तसेच महाराष्ट्रात सध्या तापमानात वाढ होत असून गरमीचे दिवस सुरु झाले आहेत. त्यामुळे या काळात थंड पेय पिणे टाळा. कारण कोरोना व्हायरसवर उपाय म्हणून नाही तर व्यक्तीला सर्दी किंवा खोकला झाल्यास चिंता अधिक वाढू शकते. मुख्यमंत्री उद्धव ठाकरे आणि आरोग्य मंत्री राजेश टोपे यांच्याकडून नागरिकांना कोरोना व्हायरसंबंधित माहिती देत असतात. तर आज 1 एप्रिल असून कोरोना व्हायरस संबंधित एप्रिल फूल बनवण्याच्या नादात खोटी माहिती देणाऱ्याच्या विरोधात थेट कारवाई करण्यात येणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
BJP
Congress
Coronavirus
Coronavirus Alert
Coronavirus Death
COVID-19
Delhi
Live Blog
Live Breaking News Headlines
Mumbai
NCP
News Update
Shiv Sena
Today News Update
आजच्या ठळख बातम्या
काँग्रेस
कोरोना व्हायरस
कोरोना व्हायरस अपडेट
कोरोना व्हायरस मृत्यू
कोरोनाव्हायरस अलर्ट
ताज्या बातम्या
दिल्ली
भाजप
महाराष्ट्र
मुंबई
राष्ट्रावदी काँग्रेस
लेटेस्ट अपडेट
शिवसेना