Prayagraj Murder Case: प्रयागराजमध्ये एकाच कुटुंबातील 5 जणांच्या हत्या; घटनास्थळी फॉरेन्सिक टीम दाखल
Representational Image | (Photo Credits: IANS)

Prayagraj Murder Case: प्रयागराजमध्ये एकाच कुटुंबातील 5 जणांची निर्घृण हत्या (Murder) झाल्याची घटना समोर आली आहे. एकाच कुटुंबातील 5 जणांची हत्या झाल्याने संपूर्ण परिसरात खळबळ उडाली आहे. घटनेची माहिती मिळताच पोलीस आणि फॉरेन्सिक टीम घटनास्थळी पोहोचली आहे. मारेकऱ्यांनी आई-वडिलांसह तीन मुलींची निर्घृण हत्या केली. ही घटना प्रयागराजच्या नवाबगंज भागातील आहे.

वास्तविक, ही घटना संगम शहरातील नवाबगंज पोलीस स्टेशन हद्दीतील खगलपूर गावातील आहे. जिथे एकाच कुटुंबातील पाच जणांची निर्घृण हत्या करण्यात आली. ही घटना शुक्रवार रात्री घडली. एकाच कुटुंबातील 5 जणांची निर्घृण हत्या करण्यात आल्यानंतर परिसरात खळबळ उडाली आहे. घटनास्थळी प्रशासकीय अधिकार्‍यांसह एसएसपी प्रयागराज अजय कुमार, एसपी गंगा अभिषेक अग्रवाल मोठ्या पोलिस फौजफाट्यासह घटनास्थळी पोहोचले. (हेही वाचा - Murder: शुल्लक कारणांवरून मेकॅनिकल इंजिनीअरिंगच्या विद्यार्थ्याची हत्या)

संपूर्ण कुटुंबाची धारदार शस्त्राने निर्घृण हत्या -

ही सामूहिक हत्या घडवून आणण्यासाठी आरोपींनी धारदार शस्त्रांचा वापर केला. मारेकऱ्यांनी राहुल तिवारी (वय, 42), प्रीती (वय, 38) आणि तीन मुली माही (वय,12), पिहू (वय, 7) आणि पोहू (वय, 5) यांची धारदार शस्त्रांनी हत्या केली आहे. हत्येचे वृत्त पसरताच परिसरात खळबळ उडाली आहे. हत्येमागील नेमके कारण अद्याप समजू शकलेले नाही. सध्या पोलीस या प्रकरणाचा गांभीर्याने तपास करत आहेत. त्याचबरोबर या घटनेबाबत ग्रामस्थांमध्ये संतापाचे वातावरण आहे.

मिळालेल्या माहितीनुसार, संपूर्ण कुटुंब परिसरात एकटेच राहत होते. माहिती मिळताच पोलीस अधिकारी घटनास्थळी दाखल झाले आहेत. हे कुटुंब कौशांबीचे असून ते प्रयागराज येथे राहत होते. हत्येनंतर सर्वांचा मृतदेह बेडवर पडलेला आढळून आला. वास्तविक, क्रॉस गंगा परिसरात सामूहिक हत्येची ही पहिलीच घटना नाही. यापूर्वीही अशा घटना समोर आल्या आहेत, ज्याचा आजपर्यंत खुलासा झालेला नाही.

विधानसभा निवडणुकीच्या काही दिवस आधी प्रयागराजच्या गंगा ओलांडून फाफामौ पोलीस स्टेशन हद्दीतील गोहरी गावात एकाच कुटुंबातील 4 जणांची हत्या करण्यात आली होती. त्याचबरोबर या प्रकरणी अद्याप पोलिसांना खुलासा करता आलेला नाही. आता, प्रयागराजच्या नवाबगंज परिसरात पुन्हा एकदा एकाच कुटुंबातील 5 जणांची निर्घृण हत्या झाल्याने सुरक्षा व्यवस्थेवर प्रश्नचिन्ह निर्माण झाले आहे. या प्रकरणाचा तपास सुरू असून, हत्येमागील कारण काय? हे लवकरच स्पष्ट होईल, असे पोलीस अधिकाऱ्यांने सांगितले आहे.