Gyanvapi Masjid Case: ज्ञानव्यापी मशिदीच्या तळघरात अजून अनेक शिवलिंग; मंदिराच्या माजी महंताचा दावा

Gyanvapi Masjid Case: ज्ञानव्यापी मशीद (Gyanvapi Masjid) परिसराच्या पाहणीदरम्यान सापडलेल्या दगडी स्तंभाची पूजा आणि उपभोग घेण्याच्या हक्काचे दावे शिवलिंग (Shivling) प्रमाणित होण्यापूर्वीच होऊ लागले आहेत. त्या स्तंभाची पूजा करण्याचा अधिकार काशी विश्वनाथ मंदिर ट्रस्ट कौन्सिलच्या अध्यक्षांनी मागितला आहे. आता मंदिराचे माजी महंत डॉ. व्ही. सी. तिवारी यांची पूजा, शोभा आदी हक्कासाठी खटला दाखल करण्याची तयारी सुरू आहे.

डॉ. तिवारी म्हणाले की, विश्वेश्वर मंदिरातील पूजेची जबाबदारी त्यांचे पूर्वज घेत आहेत. साडेतीनशे वर्षांनंतर बाबा पुन्हा प्रकट झाल्यावर पूजेचा अधिकार महंत कुटुंबाला मिळावा. या हक्कासाठी मी जिल्हा न्यायालयात दावा दाखल करण्याची तयारी करत आहे. जर सर्वकाही योजनेनुसार झाले तर, 23 मे रोजी खटला दाखल केला जाईल. (हेही वाचा - Gyanvapi Mosque Case: ज्ञानवापी मशीद खटला जिल्हा न्यायालयाकडे वर्ग, सर्वोच्च न्यायालयाचे आदेश)

डॉ. तिवारी यांनी सांगितलं की, मशिदीच्या तळघरात अजून अनेक शिवलिंग विराजमान आहेत. पं. केदारनाथ व्यास वर्षातून एकदा तळघरात जात आणि 1991 साली सुरक्षा व्यवस्था वाढेपर्यंत सर्व देवतांची पूजा करत. आता त्यांचे कुटुंब केवळ शृंगार गौरी पुरतेच मर्यादित आहे. अशा परिस्थितीत विश्वेश्वर लिंगासह त्या आवारात असलेल्या सर्व शिवलिंगांची पूजा करण्याचा अधिकार महंत परिवाराला मिळावा.

दरम्यान, गुरुवारी श्रीकाशी विश्वनाथ मंदिर विश्वस्त परिषदेचे अध्यक्ष प्रा. नागेंद्र पांडे यांनीही न्यायालय आणि सरकारला विनंती केली होती की, प्रकरण निकाली निघेपर्यंत पूजा करण्याचा अधिकार ट्रस्टला देण्यात यावा.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)