Lok Sabha Election Results 2019: अखेर ममता दीदींच्या पश्चिम बंगालला खिंडार; 2014 मध्ये 2 जागा जिंकणारा भाजप 17 जागांवर आघाडीवर

अखेर ममता दीदींच्या (Mamata Banerjee) पश्चिम बंगालला (West Bengal) भाजपने (BJP) खिंडार पाडले आहे. 2014 च्या निवडणुकीवेळी अवघ्या 2 जागा जिंकणारा भाजप बंगालमध्ये आता 17 जागांवर आघाडीवर आहे. तृणमूल (TMC) 24 जागांसह भाजपपेक्षा फक्त 7 जागांवर आघाडीवर आहे. संध्याकाळपर्यंत असेच चित्र राहिले तर, सरकार बनवण्यासाठी ममता दीदींना फार मोठे आव्हान उभे राहणार आहे. गेली इतके वर्षे पश्चिम बंगालमध्ये कम्युनिस्ट पार्टी आणि तृणमूलची एक हाती सत्ता होती. मात्र आता पहिल्यांदाच भाजप इतक्या मोठ्या संख्येनी आघाडीवर आहे.

पश्चिम बंगालमध्ये लोकसभेच्या 42 जागा आहेत. यावर्षी या राज्यात विक्रमी मतदान झाले आहे. मतदानाआधी मोदींच्या भाषणाला परवानगी देण्यापासून ते रॅली काढण्यापर्यंत प्रत्येक वेळी भांडणे आणि हिंसाचार उफाळला होता. तरी इथल्या जनतेने सर्वाधिक मते देऊन आपला हक्क बजावला.

(हेही वाचा: महाराष्ट्रातून कॉंग्रेस हद्दपार? भाजप-शिवसेना तब्बल 43 जागांवर आघाडीवर, कॉंग्रेस-राष्ट्रवादीकडे फक्त 4 जागा)

एक्झिट पोलनुसार, पश्चिम बंगालच्या 42 लोकसभा जागांपैकी भाजप 19 ते 23 जागा जिंकू शकेल. सत्तारूढ तृणमूल काँग्रेस (TMC) यांना केवळ 19 ते 22 जागा मिळतील. तर काँग्रेसला फक्त एक जागा मिळण्याची अपेक्षा आहे. आता मूळ निकाल काय लागतो याकडे सर्वांचे लक्ष लागले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)