Petrol-Diesel Price Today: आंतरराष्ट्रीय बाजारात कच्च्या तेलाची किंमती प्रतिबॅरल 130 डॉलर पार; जाणून घ्या पेट्रोल-डिझेलचे नवीन दर
रॉयटर्सच्या मते, ब्रेंट क्रूडची किंमत सोमवारी सुरुवातीच्या व्यापारात 9.9% वाढून प्रति बॅरल $ 130 च्या वर गेली. आंतरराष्ट्रीय कच्च्या तेलाच्या किमतीत विक्रमी वाढ होऊनही, नोव्हेंबर 2021 पासून देशातील वाहन इंधन, पेट्रोल आणि डिझेलच्या किमतीत कोणताही बदल झालेला नाही.
Petrol-Diesel Price Today: आंतरराष्ट्रीय कच्च्या तेलाची किंमत सोमवारी प्रति बॅरल $130 वर पोहोचली. जी 2008 नंतरची विक्रमी वाढ आहे. क्रूडच्या किमती 14 वर्षांच्या उच्चांकावर पोहोचल्यानंतरही आज (मंगळवार) 8 मार्च 2022 रोजी देशात पेट्रोल-डिझेलचे दर स्थिर आहेत. भारतीय तेल कंपन्यांनी त्यांच्या अधिकृत वेबसाइटवर 8 मार्चसाठी पेट्रोल आणि डिझेलचे दर नेहमीप्रमाणे अपडेट केले आहेत. आजही राष्ट्रीय बाजारात तेलाच्या किमती स्थिर आहेत, मात्र विधानसभा निवडणुकीच्या निकालानंतर वाहनांच्या इंधनाच्या किमतीत वाढ होण्याची शक्यता वर्तवली जात आहे.
रॉयटर्सच्या मते, ब्रेंट क्रूडची किंमत सोमवारी सुरुवातीच्या व्यापारात 9.9% वाढून प्रति बॅरल $ 130 च्या वर गेली. आंतरराष्ट्रीय कच्च्या तेलाच्या किमतीत विक्रमी वाढ होऊनही, नोव्हेंबर 2021 पासून देशातील वाहन इंधन, पेट्रोल आणि डिझेलच्या किमतीत कोणताही बदल झालेला नाही. मार्च महिन्यातच पेट्रोल आणि डिझेलच्या दरात प्रतिलिटर 12 ते 15 रुपयांनी वाढ होण्याची शक्यता तज्ज्ञांनी व्यक्त केली आहे. (वाचा - Women’s Day 2022: जागतिक महिला दिनानिमित्त पश्चिम रेल्वेने खास व्हिडिओ शेअर करत केला महिला कर्मचाऱ्यांना सलाम; पहा व्हिडिओ)
उत्तर प्रदेशसह पाच राज्यांतील विधानसभा निवडणुकांमुळे गेल्या चार महिन्यांपासून पेट्रोल-डिझेलच्या दरात वाढ झालेली नाही. गेल्या वर्षी नोव्हेंबरच्या सुरुवातीला जेव्हा पेट्रोल आणि डिझेलच्या किमतीत शेवटचा बदल करण्यात आला तेव्हा कच्च्या तेलाची सरासरी किंमत प्रति बॅरल $81.5 होती. आता तो 130 डॉलरच्या पुढे गेला आहे.
दिल्लीतील इंडियन ऑइलच्या पंपावर आज 8 मार्च रोजी पेट्रोलचा दर 95.41 रुपये प्रति लिटर तर डिझेलचा दर 86.67 रुपये प्रति लिटर आहे. त्याचवेळी दिल्लीला लागून असलेल्या नोएडामध्ये पेट्रोल 95.51 रुपये प्रति लिटर आणि डिझेल 87.01 रुपये प्रति लिटर दराने विकले जात आहे. दिल्लीच्या तुलनेत नोएडामध्ये पेट्रोल आणि डिझेल काही पैशांनी स्वस्त विकले जात आहे.
महानगरांबद्दल बोलायचे झाले तर देशाची राजधानी दिल्लीत पेट्रोल आणि डिझेल इतर महानगरांच्या तुलनेत स्वस्त आहे. त्याचवेळी, मुंबईतील पेट्रोल आणि डिझेल या दोन्हीच्या किमती महानगरांमध्ये सर्वाधिक आहेत. आम्ही तुम्हाला सांगतो की, दिल्लीशिवाय इतर सर्व महानगरांमध्ये पेट्रोलची किंमत 100 रुपयांच्या वर आहे.
मध्य प्रदेश, राजस्थान, महाराष्ट्र, आंध्र प्रदेश, तेलंगणा, कर्नाटक, ओडिशा, जम्मू-काश्मीर आणि लडाखमध्ये पेट्रोलचा दर 100 रुपयांच्या पुढे गेला आहे. तर अनेक शहरांमध्ये पेट्रोल आणि डिझेलचे दर 100 रुपयांच्या खाली आहेत. यामध्ये पोर्ट ब्लेअर, नोएडा, चंदीगड, डेहराडून, रांची, शिलाँग, पणजी, शिमला, लखनौ, दिल्ली यांचा समावेश आहे.
(The above story first appeared on LatestLY on Mar 08, 2022 10:18 AM IST. For more news and updates on politics, world, sports, entertainment and lifestyle, log on to our website latestly.com).
