Digital Voter-ID Cards: आता मतदारांना मिळणार ऑनलाईन e-EPIC कार्ड; डाउनलोड करण्याची प्रक्रिया जाणून घ्या

Digital Voter-ID Cards: मतदार ओळखपत्र आता डिजिटल होणार आहे. निवडणूक आयोग उद्या e-EPIC (Electronic Electoral Photo Identity Card) हा उपक्रम राष्ट्रीय मतदार दिनानिमित्त सुरू करणार आहे. आसाम, केरळ, पुडुचेरी, तामिळनाडू आणि पश्चिम बंगाल या पाच राज्यांमध्ये विधानसभा निवडणुका होण्यापूर्वी डिजिटल EPIC Service देशभरातील मतदारांना उपलब्ध होईल. आयोग पॅनेल ई-ईपीआयसी उपक्रम दोन टप्प्यात सुरू करणार आहे. पहिल्या टप्प्यात (January 25-31) ज्या मतदारांनी मतदार-ओळखपत्रासाठी अर्ज केला असेल आणि फॉर्म -6 मध्ये त्यांचा मोबाईल क्रमांक नोंदविला असेल त्यांचा मोबाइल नंबर अधिकृत करुन ई-ईपीआयसी डाउनलोड करण्यास सक्षम असेल.

1 फेब्रुवारीपासून सुरू होणार्‍या दुसर्‍या टप्प्यात सामान्य मतदार ई-ईपीआयसीसाठी अर्ज करू शकतात. ज्यांनी आपला मोबाईल क्रमांक दिलेला आहे (लिंक केलेला आहे) ते आपले ई-ईपीआयसी डाउनलोड करू शकतात,” असे मतदान अधिकाऱ्याने सांगितले आहे. (वाचा - ITR भरल्यानंतर 7 दिवसानंतर Refund मिळाला नाही? जाणून घ्या कोणत्या चूका असण्याची शक्यता)

e-EPIC म्हणजे काय?

e-EPIC एक संपादन न करता येण्यासारखा सुरक्षित पोर्टेबल दस्तऐवज स्वरूप (पीडीएफ) आवृत्ती आहे. यात सिक्युरिटी क्यूआर कोड असेल. ज्यात फोटो आणि अनुक्रमांक, भाग क्रमांक इ. असेल. तुम्ही मोबाइल किंवा संगणकावर वर ई-ईपीआयसी कार्ड डाउनलोड करू शकता. याशिवाय हे कार्ड संगणक आणि डिजिटल संग्रहित केले जाऊ शकते. या संदर्भात जिल्हा उप निवडणूक अधिकारी अनिल कुमार तिवारी म्हणाले की, निवडणूक आयोगाच्या नव्या सुविधेमुळे मतदारांना ईपीआयसी बनविण्यामध्ये बरीच सुविधा मिळू शकेल. या सुविधेद्वारे मतदार कोठूनही ऑनलाइन मतदार ओळखपत्र डाउनलोड करू शकतील.

डिजिटल मतदार कार्डमध्ये दोन क्यूआर कोड असतील -

राष्ट्रीय मतदार दिनानिमित्त भारतीय निवडणूक आयोगाने ही नवीन सुविधा सुरू केली आहे. डिजिटल मतदार कार्डमध्ये दोन क्यूआर कोड असतील. एकामध्ये मतदारांचा फोटो आणि लोकसंख्येशी संबंधित माहिती असेल तर दुसर्‍यामध्ये डायनॅमिक डेटा असेल. मतदारांना ई-ईपीआयसी डाउनलोड करण्यासाठी मतदार पोर्टलवर लॉग इन करावे लागेल. हे कार्ड मतदारांना पीडीएफ स्वरूपात उपलब्ध असेल. मतदार हे संगणक किंवा मोबाइलवरून डाउनलोड करू शकतील.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)