SBI Clerk Result 2024: एसबीआय कडून Junior Associate Prelims चा निकाल लवकरच होणार जाहीर; sbi.co.in वर पहा स्कोअरकार्ड
कस्टमर सपोर्ट आणि सेल्स मध्ये Junior Associate या पदासाठी ही नोकरभरती असणार आहे. प्रिलिम्स ची परीक्षा पास झाल्यानंतर पात्र उमेदवार मेन्सची परीक्षा देऊ शकणार आहेत.
स्टेट बॅंक ऑफ इंडिया (The State Bank of India) कडून लवकरच SBI JA Prelims Result 2024 जाहीर केला जाणार आहे. ही परीक्षा ज्या उमेदवारांनी दिली आहे त्यांना आता परीक्षेच्या निकालाचे वेध लागले आहेत. या परीक्षेचा निकाल उमेदवारांना एसबीआय (SBI) ची अधिकृत वेबसाईट sbi.co.in वर पाहता येणार. एसबीआय कडून क्लार्क पदासाठी ही परीक्षा 5 जानेवारी ते 12 जानेवारी दरम्यान विविध तारखांमध्ये आयोजित करण्यात आली होती. या परीक्षेच्या माध्यमातून सुमारे 8773 उमेदवारांची नियुक्ती होणार आहे.
कसा पहाल तुमचा SBI JA Prelims Result 2024?
- sbi.co.in/web/careers ला भेट द्या.
- त्यानंतर "Join SBI" मध्ये जाऊन "Current Openings" च्या टॅब वर क्लिक करा.
- "Junior Associate Customer and Sales"
साठी नोकरभरतीची लिंक पहा.
- आता लिंक वर क्लिक करून preliminary examination scorecard डाऊनलोड करा.
- scorecard download page वर तुम्हांला लॉगिनसाठी आवश्यक माहिती द्यावी लागेल. ज्यामध्ये रजिस्ट्रेशन नंबर आणि पासवर्डचा समावेश आहे.
- तुमचं लॉग ईन झाल्यानंतर SBI Clerk result 2024 scorecard पाहून ते डाऊनलोड देखील करता येऊ शकतं.
कस्टमर सपोर्ट आणि सेल्स मध्ये Junior Associate या पदासाठी ही नोकरभरती असणार आहे. या निकालानंतर नोकरी मिळवण्यासाठी पात्र विद्यार्थ्यांना पुढील टप्पा खुला होणार आहे. यानंतर त्यांना SBI Clerk Mains Exam द्यावी लागेल. सुमारे 2 तास 40 मिनिटांची ही परीक्षा असते. मुख्य परीक्षा 25 फेब्रुवारी, 4 मार्च दिवशी असणार आहे.
निकाल जाहीर झाल्यानंतर, उमेदवारांनी SBI लिपिक प्रिलिम्स स्कोअरकार्डवर रोल नंबर, जन्मतारीख, परीक्षेचे नाव, उमेदवाराचे नाव, श्रेणी आणि मिळालेले गुण यासह विशिष्ट तपशीलांची पडताळणी करणं आवश्यक आहे. कोणतीही तफावत/चूक असल्यास ती सुधारण्यासाठी बँकेला त्वरित कळवण्याचे आवाहन करण्यात आले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)