EPFO Grants Diwali Gift for Employees: ईपीएफओने कर्मचाऱ्यांना दिले दिवाळी गिफ्ट; खात्यात व्याजाचे पैसे जमा, 'अशी' तपासा खात्यातील शिल्लक

EPFO Grants Diwali Gift for Employees: दिवाळीपूर्वी पीएफ खातेधारकांना मोठी भेट मिळाली आहे. कर्मचाऱ्यांच्या खात्यात व्याजाचे पैसे येऊ लागले आहेत. कर्मचारी भविष्य निर्वाह निधी संघटनेने (EPFO) भविष्य निर्वाह निधी (PF) खात्यांमध्ये व्याज जमा करण्यास सुरुवात केली आहे. आर्थिक वर्ष 2022-23 साठी पीएफ खात्यातील गुंतवणुकीवर 8.15 टक्के व्याजदर आहे. काही कर्मचाऱ्यांच्या खात्यावर व्याजाची रक्कम यापूर्वीच आली आहे. तर उर्वरित कर्मचाऱ्यांच्या खात्यात व्याजाचे पैसे हळूहळू येत आहेत.

EPFO च्या वतीने, सोशल मीडिया प्लॅटफॉर्म X वर लिहिले आहे की व्याज जमा करण्याची प्रक्रिया सुरू आहे. ही प्रक्रिया लवकरच पूर्ण होईल. जेव्हा व्याज जमा केले जाईल तेव्हा ते पूर्ण भरले जाईल. व्याजात कोणतीही कपात होणार नाही. कृपया धीर धरा. (हेही वाचा -EPFO Interest Rate: 2022-23 साठी कर्मचाऱ्यांच्या भविष्य निर्वाह निधीवर 8.15% व्याजदर निश्चित)

24 कोटी खात्यांमध्ये व्याज जमा-

केंद्रीय कामगार मंत्री भूपेंद्र यादव यांनी सांगितलं की, यापूर्वीच 24 कोटींहून अधिक खात्यांमध्ये व्याज जमा करण्यात आले आहे. दरवर्षी, पीएफचा व्याजदर अर्थ मंत्रालयाच्या शिफारशीनुसार EPFO ​​च्या सेंट्रल बोर्ड ऑफ ट्रस्टीज (CBT) द्वारे ठरवला जातो. यावर्षी ईपीएफओने जूनमध्ये ईपीएफवरील व्याजदर वाढवण्याची घोषणा केली होती.

ईपीएफ खात्यातील शिल्लक कशी तपासायवी?

भविष्य निर्वाह निधी खात्यातील शिल्लक तपासण्याचे अनेक मार्ग आहेत. EPF शिल्लक टेक्स्ट मेसेज, मिस्ड कॉल, उमंग अॅप आणि EPFO ​​वेबसाइटद्वारे तपासता येते. खालील पद्धतीने तुम्ही तुमच्या खात्यातील शिल्लक तपासू शकता.

एसएमएसद्वारे ईपीएफ शिल्लक कशी तपासायची-

EPF ग्राहकाला त्याच्या नोंदणीकृत मोबाइल क्रमांकावरून EPFOHO UAN टाइप करून 7738299899 या क्रमांकावर पाठवावा लागेल. यानंतर तुम्हाला खात्यात जमा झालेली रक्कम कळेल. तुम्हाला इंग्रजी भाषेत उत्तर मिळेल. पण जर तुम्हाला इतर कोणत्याही भाषेतील शिल्लक जाणून घ्यायची असेल तर तुम्हाला त्या भाषेचा कोड जोडावा लागेल. उदाहरणार्थ, जर तुम्हाला हिंदीमध्ये EPF शिल्लक जाणून घ्यायची असेल, तर तुमच्या नोंदणीकृत मोबाइल नंबरवरून EPFOHO UAN HIN टाइप करा आणि 7738299899 या क्रमांकावर संदेश पाठवा. तुम्हाला हिंदीमध्ये EPF शिल्लक कळेल.

ईपीएफओ वेबसाइटद्वारे अशी तपास शिल्लक -

मिस्ड कॉल आणि एसएमएस व्यतिरिक्त, EPF बॅलन्स EPFO ​​वेबसाइटद्वारे देखील ईपीएफओवरील शिल्लक तपासता येते.

• सर्वप्रथम, तुमची लॉगिन क्रेडेन्शियल्स वापरून EPFO ​​पोर्टलवर लॉग इन करा.
• यानंतर तुम्हाला सेवा टॅबवर क्लिक करावे लागेल.
• यानंतर, ड्रॉपडाउन मेनूमधून कर्मचार्‍यांसाठी पर्याय निवडावा लागेल.
• यानंतर, तुम्हाला सेवा टॅब अंतर्गत सदस्य पासबुक पर्यायावर क्लिक करावे लागेल.
• यानंतर पुढील लॉगिन पेजवर तुमचा UAN आणि पासवर्ड टाका.
• योग्य तपशील प्रविष्ट केल्यानंतर, तुमचे EPF खाते उघडले जाईल.
• यानंतर तुम्ही ईपीएफ पासबुकवर जा आणि ईपीएफ शिल्लक तपासा.

मिस्ड कॉलद्वारे अशी तपासा शिल्लक -

ग्राहकाला नोंदणीकृत मोबाईल क्रमांकावरून 011-22901406 वर मिस्ड कॉल करावा लागेल. याच्या मदतीने तुम्हाला शिल्लक कळेल. तथापि, या सेवेचा लाभ घेण्यासाठी, तुमचा UAN तुमच्या KYC तपशीलांशी जोडलेला असणे आवश्यक आहे.