Asian Games 2023: आशियाई क्रीडा स्पर्धेत भारताने जिंकली 100 पदके; पंतप्रधान मोदींनी केलं अभिनंदन, 10 ऑक्टोबरला घेणार खेळाडूंची भेट
संपूर्ण देशाला या क्षणाचा अभिमान आहे, कारण आजपर्यंत भारताने कोणत्याही आशियाई क्रीडा स्पर्धेत 100 चा आकडा गाठला नव्हता.
Asian Games 2023: चीनमधील हांगझोऊ येथे सुरू असलेल्या आशियाई खेळ 2023 (Asian Games) मध्ये भारताची उत्कृष्ट कामगिरी कायम आहे. भारताच्या महिला कबड्डी संघाने या सामन्यात सुवर्णपदक जिंकून इतिहासात नवा विक्रम प्रस्थापित केला आहे. महिला संघाने सुवर्णपदक जिंकल्यानंतर भारताने 100 पदकांचा आकडा पार केला आहे. संपूर्ण देशाला या क्षणाचा अभिमान आहे, कारण आजपर्यंत भारताने कोणत्याही आशियाई क्रीडा स्पर्धेत 100 चा आकडा गाठला नव्हता.
10 ऑक्टोबर रोजी पंतप्रधान नरेंद्र मोदी (PM Narendra Modi) आशियाई क्रीडा स्पर्धेतील खेळाडूंसोबत विशेष बैठक घेणार आहेत. यादरम्यान ते त्या सर्व खेळाडूंची भेट घेतील ज्यांनी भारताला गौरव मिळवून देऊन हा खेळ ऐतिहासिक बनवला. आशियाई क्रीडा स्पर्धेत भारताने 100 पदके जिंकणे ही एक उपलब्धी असल्याचे पंतप्रधान मोदी म्हणाले. (हेही वाचा - Asian Games 2023: आशियाई क्रीडा स्पर्धेत भारताची दमदार कामगिरी; Jyothi Vennam ने तिरंदाजीत पटकावले सुवर्णपदक)
पंतप्रधान मोदींनी खेळाडूंच अभिनंदन करण्यासाठी सोशल मीडिया प्लॅटफॉर्मवर पोस्ट केली आहे. या पोस्टमध्ये पंतप्रधानांनी म्हटलं आहे की, 'प्रत्येक विस्मयकारक कामगिरीने इतिहास रचला आहे. यामुळे आमचे हृदय अभिमानाने भरले आहे. मी 10 तारखेला आमच्या आशियाई क्रीडा स्पर्धेचे आयोजन करण्यास आणि आमच्या खेळाडूंशी संवाद साधण्यास उत्सुक आहे.'