Karnataka Suicide Case: कर्नाटकमध्ये नवऱ्याच्या मृत्यूनंतर परिस्थितीला कंटाळून पत्नीने उचलले टोकाचे पाऊल, तीन मुलींसह केला आत्महत्येचा प्रयत्न

कर्नाटकातून (Karnataka) आत्महत्येची (Suicide) घटना समोर आली आहे. ज्यात गडग (Gadag) जिल्ह्यात कोरोनामुळे (Corona Virus) पतीचा मृत्यू झाल्यानंतर एका गृहिणीने बुधवारी नदीत उडी मारून तिच्या तीन मुली आणि स्वतःचा जीव घेण्याचा प्रयत्न केला. दोन मुली त्यांच्या आईच्या तावडीतून पळून जाण्यात यशस्वी झाल्या. तर अग्निशमन दल (Fire brigade) आणि आपत्कालीन सेवा कर्मचारी अजूनही 2 वर्षांच्या तिसऱ्या मुलीचा शोध घेत आहेत. ज्या ठिकाणी तिने नदीत उडी मारली होती त्या ठिकाणापासून 3 किलोमीटर अंतरावर संघाने आईची सुटका केली.  पोलिसांनी दिलेल्या माहितीनुसार रोना (Rona) तालुक्यातील होलेलूर (Holelur) गावात राहणाऱ्या उमादेवी या गृहिणीने 6 महिन्यांपूर्वी तिचा पती संगमेशला कोरोनामुळे गमावले.

संगमेश हे एका अनुदानित शाळेत शिक्षक होते. पतीच्या मृत्यूनंतर परिस्थितीशी झुंजणे शक्य नसल्यामुळे उमादेवीने आपले जीवन संपवण्याचा निर्णय घेतला आणि आपल्या तीन मुलींना ठार मारण्याचाही विचार केला. पळून गेलेल्या दोन्ही मुलींनी सांगितले की त्यांची आई उमादेवी त्यांना पहाटे 4 च्या सुमारास ओसंडून वाहणाऱ्या मलप्रभा नदीत घेऊन गेली. हेही वाचा Saree Controversy: साडीवरून झालेला वाद अंगाशी आला; दिल्लीतील Aquila रेस्टॉरंट बंद करण्याचे आदेश, विनापरवाना चालू होते

जेव्हा ते नदीजवळ पोहोचले तेव्हा मुली घाबरल्या आणि त्यांनी त्यांच्या आईला विनंती केली की त्यांना काहीही करू नका. त्यातील एकाने पळ काढला तर आईने दुसऱ्याचे केस पकडून तिला नदीत ढकलण्याचा प्रयत्न केला. दुसरी मुलगी मात्र पळून जाण्यात यशस्वी झाली. त्यानंतर उमादेवीने तिच्या 2 वर्षांच्या तिसऱ्या मुलीसह नदीत उडी मारली. दरम्यान दोन्ही मुलींनी परत गावाकडे धाव घेतली आणि गावकऱ्यांना घटनेची माहिती दिली.

काही वेळातच पोलीस, अग्निशमन आणि आपत्कालीन सेवा कर्मचारी घटनास्थळी दाखल झाले आणि बचावकार्य सुरू केले. 6 तासांच्या शोधानंतर त्यांना उमदेवी नदीत उडी मारल्याच्या ठिकाणापासून तीन किलोमीटर अंतरावर काटेरी झुडपात अडकलेली आढळली. तिची तिसरी मुलगीला शोधण्यासाठी अजूनही शोधमोहीम सुरू आहे. उमादेवी यांना रुग्णालयात दाखल करण्यात आले आहे. या प्रकरणी पोलीस तपास करत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)