Gujarat Rains: गुजरातमध्ये मुसळधार पावसामुळे तीन मजली इमारत कोसळून एक महिला आणि दोन मुलांचा मृत्यू

Gujarat Rains: गुजरातमधील सौराष्ट्र प्रदेशात अतिवृष्टीमुळे देवभूमी द्वारका जिल्ह्यातील जाम खंभलिया शहरात तीन मजली इमारत कोसळून एक वृद्ध महिला आणि तिच्या कुटुंबातील दोन मुलींचा मृत्यू झाला. पोलिसांनी बुधवारी ही माहिती दिली. घराची दुरवस्था झाल्याचे पोलिसांनी सांगितले. जाम खंभालिया शहरातील गगवानी फली परिसरात मंगळवारी सायंकाळी हा अपघात झाल्याचे त्यांनी सांगितले. एनडीआरएफच्या पथकाने युद्धपातळीवर बचावकार्य करत तिन्ही मृतदेह बाहेर काढले. घटनास्थळावरून मिळालेल्या छायाचित्रांमध्ये परिसरात मोठ्या प्रमाणात नुकसान झाल्याचे दिसून येत आहे. पोलिसांनी सांगितले की, घटनास्थळी सुमारे सहा तासांच्या बचावकार्यानंतर तीन जणांचे मृतदेह बाहेर काढण्यात आले, तर पाच जणांना सुखरूप बाहेर काढण्यात आले. ते म्हणाले की, मुसळधार पावसामुळे इमारत कोसळली होती, त्यानंतर राष्ट्रीय आपत्ती प्रतिसाद दल (NDRF), पोलिस आणि अग्निशमन विभागाच्या पथकाने बचाव कार्य सुरू केले आणि ढिगाऱ्यातून मृतदेह बाहेर काढले. [हे देखील वाचा: Sankashti Chaturthi 2024: गणेश चतुर्थीला Wishes, WhatsApp Messages, Quotes, Facebook Greetings च्या माध्यामातून पाठवा खास शुभेच्छा संदेश]

पाहा पोस्ट:

#WATCH | Gujarat: Due to heavy rainfall, a house collapsed in Khambhalia taluka of Dwarka district. The NDRF team is present at the spot and a rescue operation is underway. More details awaited. pic.twitter.com/ZbcDBZvk1A

— ANI (@ANI) July 23, 2024

मुसळधार पावसाने घर कोसळले केशरबेन कंजारिया (65), प्रितीबेन कंजारिया (15) आणि पायलबेन कंजारिया (18) अशी मृतांची नावे असल्याचे पोलिसांनी सांगितले. इमारत कोसळली तेव्हा ढिगाऱ्याखाली अडकलेल्या पाच जणांना स्थानिक लोकांनी सुखरूप बाहेर काढले.

मृतदेह शवविच्छेदनासाठी शासकीय रुग्णालयात पाठवण्यात आल्याचे पोलिसांनी सांगितले. अधिकाऱ्यांनी सांगितले की, सौराष्ट्र आणि दक्षिण गुजरातमधील अनेक जिल्ह्यांमध्ये मुसळधार पाऊस पडत आहे, त्यामुळे सखल भागात पूर आला आहे. धरणाच्या पाण्याची पातळी वाढली असून नद्या धोक्याच्या चिन्हावरुन वाहत आहेत.