Russia-Ukraine Crisis: युक्रेनमधील विद्यार्थी मायदेशी परतणार, सुरक्षित परतीसाठी सरकारकडून चार्टर्ड उड्डाणे सुरू करण्यास प्रोत्साहन

रशिया-युक्रेन दरम्यान सुरू असलेली गंभीर (Russia-Ukraine Crisis) परिस्थिती सध्या जगभरात चर्चेचा विषय आहे. भारतातही या प्रश्नाकडे अतिशय गांभीर्याने पाहिले जात आहे. दरम्यान, युक्रेनमध्ये (Ukraine) अडकलेल्या भारतीयांच्या (Indians) सुरक्षित परतीसाठी सरकारने (Indian Govt) भारतीय विमान कंपन्यांना युक्रेनमधून भारतात चार्टर्ड उड्डाणे (Charter Flight) सुरू करण्यास प्रोत्साहन दिले आहे. परराष्ट्र मंत्रालयाचे प्रवक्ते अरिंदम बागची यांनी सांगितले की, काही उड्डाणे युक्रेनमधून इतर देशांमध्ये जात आहेत परंतु भारतात येत नाहीत. अशा परिस्थितीत विमान कंपन्यांना चार्टर्ड उड्डाणे चालवण्यास सांगण्यात आले आहे.

कीवमधील भारतीय दूतावास तेथील भारतीय विद्यार्थ्यांच्या संपर्कात आहे आणि आम्ही परिस्थितीवर बारकाईने लक्ष ठेवून आहोत. परराष्ट्र व्यवहार मंत्रालयाचे प्रवक्ते म्हणाले, "आमचे संपूर्ण लक्ष भारतीय नागरिकांवर, भारतीय विद्यार्थ्यांवर आहे आणि आम्हाला इतर गोष्टींबरोबरच त्यांची सुरक्षा सुनिश्चित करणे आवश्यक आहे. ते म्हणाले की सध्या कोणतीही निर्वासन योजना नाही आणि विशेष विमानाची व्यवस्था केलेली नाही. युक्रेन सीमेवरील परिस्थितीबाबत विचारलेल्या प्रश्नाला उत्तर देताना ते म्हणाले की, युक्रेन-रशिया सीमेवर प्रत्यक्षात काय घडत आहे याबद्दल आम्ही ठोस काहीही सांगू शकत नाही. (हे ही वाचा Russia-Ukraine Crisis: युक्रेनमधून भारतीयांना आणण्यासाठी सरकार अनेक विमान कंपन्यांच्या संपर्कात, परराष्ट्र मंत्रालयाकडून नियंत्रण कक्ष स्थापन)

"भारतीय वाहकांना भारत आणि युक्रेन दरम्यान उड्डाण करण्यास प्रोत्साहित केले जात आहे. युक्रेनमधून उद्भवलेल्या परिस्थितीवर भारताच्या भूमिकेबद्दल विचारलेल्या प्रश्नाला उत्तर देताना ते म्हणाले की, तणाव कमी करण्यासाठी आणि प्रश्न तातडीने सोडवण्यासाठी भारत राजनैतिक संवादाचा समर्थक आहे. ते म्हणाले की, मिन्स्क कराराची अंमलबजावणी करण्याच्या दिशेने होत असलेल्या प्रयत्नांचे भारत स्वागत करतो.

विशेष म्हणजे, भारतीय दूतावासाने मंगळवारी भारतीय नागरिकांना, विशेषत: विद्यार्थ्यांना सध्याची परिस्थिती पाहता तात्पुरता देश (युक्रेन) सोडण्याचा सल्ला दिला आहे. त्याच वेळी, बुधवारी परराष्ट्र मंत्रालयाने सांगितले की, भारतीय नागरिकांना मदत आणि माहिती देण्यासाठी युक्रेनमध्ये एक नियंत्रण कक्ष स्थापन करण्यात आला आहे.