Rajasthan: एकाच कुटुंबातील पाच जणांची निर्घृण हत्या, विहिरीत सापडले मृतदेह

राजस्थानची (Rajasthan) राजधानी जयपूरमध्ये (Jaipur) एकत्र पाच मृतदेह सापडल्याने (Five Members) खळबळ उडाली आहे. सर्व मृतदेहांची ओळख पटली असून कुटुंबीयांना कळवण्यात आल्याचे पोलिसांनी सांगितले. खरं तर, शनिवारी सकाळी जयपूरच्या दुडूमध्ये तीन महिला आणि दोन मुलांचे मृतदेह सापडल्याची माहिती पोलिसांना मिळाली. विहिरीत सापडलेले सर्व मृतदेह हे दुडूचे असल्याचे गावकऱ्यांनी सांगितले. त्यांना तीन सख्ख्या बहिणी आणि त्यांची दोन मुले आहेत. गावकऱ्यांच्या मदतीने मृतदेह बाहेर काढण्यात आले. या तिन्ही बहिणी दुडू शहरातील मीना मोहल्ला येथील रहिवासी होत्या. दुडूपासून 2 किमी अंतरावर असलेल्या नरैना रस्त्यावर सकाळी विहिरीत मृतदेह आढळून आला. तिन्ही बहिणींनी मुलांची हत्या करून आत्महत्या केल्याचे लोकांचे म्हणणे आहे. त्याने असे का केले हे कोणालाच माहीत नाही. प्राथमिक तपासात पोलिस याला आत्महत्येचे प्रकरण मानत आहेत.

कुटुंबीय दोन दिवसांपासून घेत होते शोध 

दुडू पोलिसांनी सांगितले की, दोन दिवसांपूर्वी दुपारी काली देवी (27), ममता मीना (23), कमलेश मीना (20) या घरातून बेपत्ता झाल्या होत्या. त्यांच्यासोबत चार वर्षांचा मुलगा हर्षित आणि आणखी एक 20 दिवसांचा मुलगा बेपत्ता होता. हे सर्वजण 25 मे रोजी बाजारात जाण्याचे सांगून घरातून निघून गेले होते. सायंकाळपर्यंत सर्वजण न परतल्याने कुटुंबीयांनी शोधाशोध सुरू केली, मात्र माहिती मिळू शकली नाही.

शहरभर लावले पोस्टर

ते बेपत्ता झाल्यानंतर पोलीस आणि कुटुंबीय त्याचा शोध घेत होते. शहरभर फोटोही लावणयात आले. शनिवारी सकाळी पाच जणांचे मृतदेह सापडल्याने शोध सुरू होता. मृतदेह सापडल्यानंतर घटनास्थळ सील करण्यात आले आहे. गावातील लोकांची व कुटुंबाची चौकशी केली जात आहे. (हे देखील वाचा: Acid Attack: जमिनीच्या वादातून 17 वर्षीय विद्यार्थिनीवर अॅसिड हल्ला, हल्लेखोराचा शोध सुरू)

एक माहिला होती गरोदर 

मिळालेल्या माहितीनुसार, यातील एक बहिण कमलेश ही नऊ महिन्यांची गरोदर होती. पोलिसांनी सांगितले की, मृत्यू झालेल्या तीन सख्ख्या बहिणींचा दुडूच्या तीन भावांसह विवाह झाला होता. मोठी बहीण कालीदेवीच्या चार वर्षांच्या मुलाचे नाव हर्षित आहे. महिलांचे पती शेती व जेसीबीचे काम करतात.