Maharashtra Scholarship Exam 2022 Result Date: 5वी, 8वी शिष्यवृत्ती परीक्षेची अंतिम उत्तर तालिका mscepune.in वर जारी आता निकालाचे वेध!
5वी, 8वी शिष्यवृत्ती परीक्षा 2022 निकाल हा अधिकृत वेबसाईट mscepune.in वर जारी केला जातो. आता उत्तरसूची जारी केली झाली आहे त्यामुळे निकालाची उत्सुकता शिगेला पोहचली आहे.
महाराष्ट्र राज्य परीक्षा परिषदेकडून (Maharashtra State Council of Examination) घेण्यात आलेल्या 5वी आणि 8वी च्या स्कॉलरशीप निकालाचे (Maharashtra Scholarship Exam 2022 Result) वेध आता विद्यार्थ्यांना लागले आहेत. महाराष्ट्र राज्य परीक्षा परिषदेने 20 सप्टेंबरला या परीक्षेची अंंतिम उत्तर तालिका (Final Answer Key) जारी केली आहे. त्यामुळे आता येत्या काही दिवसांतच निकालही जाहीर केला जाणार असल्याने विद्यार्थ्यांची उत्सुकता शिगेला पोहचली आहे. कोविड 19 संकटामुळे मागील दोन वर्षापासून या परीक्षेच्या तारखांमध्ये सातत्याने बदल झाले होते. यंदा 31 जुलैला ही परीक्षा राज्यात पार पडली आहे. त्यामुळे परीक्षेनंतर दोन महिन्यात निकाल जारी केला जात असल्याने सप्टेंबर महिना अखेरीपर्यंत 5वी, 8वी शिष्यवृत्ती परीक्षेचा अंतरिम निकाल अपेक्षित आहे.
शिष्यवृत्ती परीक्षा 2022 अंतिम उत्तरसूची जारी
महाराष्ट्र राज्य परीक्षा परिषदेकडून शिष्यवृत्ती परीक्षा 2022 ची अंतिम उत्तरसूची जारी करण्यात आली आहे. अंतरिम उत्तरसूची 18 ऑगस्ट 2022 दिवशी जारी केली होती. त्यावर तज्ञांचे अभिप्राय जाणून घेऊन आता अंतिम उत्तरसुची बनवण्यात आली आहे. या अंतिम उत्तर तालिकेवरून विद्यार्थ्यांचा अंतिम निकाल लावला जाणार आहे. इथे पहा अंतिम उत्तरसूची.
कसा पहाल 5वी, 8वी शिष्यवृत्ती परीक्षा 2022 निकाल
5वी, 8वी शिष्यवृत्ती परीक्षा 2022 निकाल हा अधिकृत वेबसाईट mscepune.in वर जारी केला जातो. निकाल जाहीर झाल्यानंतर तुम्हांला तुमचा रोल नंबर आणि आईचं नाव ही माहिती देऊन निकाल पाहता येणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)