ICSE, ISC Term I Exam 2021: CISCE ची 10वी,12वी च्या विद्यार्थ्यांसाठी नियमावली जारी; 22 नोव्हेंबर पासून परीक्षांना सुरूवात
ICSE Semester I परीक्षा यंदा 29 नोव्हेंबरपासून सुरू होणार आहे तर 16 डिसेंबर 2021 दिवशी संपणार आहे. ISC Semester I परीक्षा 22 नोव्हेंबरला सुरू होणार आहे तर 20 डिसेंबरला संपणार आहे
काऊंसिल फॉर इंडियन स्कूल सर्टिफिकेट एक्झामिनेशन (Council for the Indian School Certificate Examination) अर्थात CISCE कडून यंदा 10वी,12वीच्या विद्यार्थ्यांसाठी बोर्ड परीक्षेच्या पार्श्वभूमीवर काही नियमावली जारी करण्यात आली आहे. ICSE, ISC Term I Exam 2021 च्या विद्यार्थ्यांना यंदा दोन टर्म मध्ये बोर्डाची परीक्षा द्यायची आहे. त्याच्या अनुषंगाने विद्यार्थी, पालकांचा गोंधळ टाळण्यासाठी बोर्डाने CISCE ची अधिकृत वेबसाईट cisce.org वर नियमावली जारी केली आहे.
ICSE Semester I परीक्षा यंदा 29 नोव्हेंबरपासून सुरू होणार आहे तर 16 डिसेंबर 2021 दिवशी संपणार आहे. ISC Semester I परीक्षा 22 नोव्हेंबरला सुरू होणार आहे तर 20 डिसेंबरला संपणार आहे. या परीक्षेला सामोरं जाण्यासाठी बोर्डाची नियमावली खालीलप्रमाणे आहे. 12वीच्या विद्यार्थ्यांसाठी इथे पहा नोटीस .
ICSE, ISC Term I Exam 2021 साठी नियमावली
- नोव्हेंबर/डिसेंबर 2021 आणि मार्च/एप्रिल 2022 अशा 2 टर्म मध्ये होणार्‍या परीक्षांसाठी विद्यार्थ्यांनी सामोरं जाणं आवश्यक आहे. या दोन्ही परीक्षांना बसलेल्यांनाच पात्र धरलं जाणार आहे.
- सेमिस्टर 1 आणि 2 अशा दोन्हींसाठी विद्यार्थ्यांना सारखेच विषय देणं आवाश्यक आहेत.
- शाळांमधून विद्यार्थ्यांना त्यांची अ‍ॅडमीट कार्ड्स घ्यावी लागणार आहेत.
- परीक्षा सुरू होण्यापूर्वी 5 मिनिटं आधी विद्यार्थ्यांनी उपस्थित राहणं आवश्यक आहे. परीक्षेला सामोरं जाण्यापूर्वी सार्‍या सूचना नीट वाचणं आवश्यक आहे.
- विद्यार्थ्यांना त्यांचा Unique ID, Index Number प्रश्नावली-उत्तरपत्रिकेवर स्पष्ट लिहणं आवश्यक आहे.
- उत्तरं काळ्या किंवा निळ्या पेनानेच लिहणं आवश्यक आहे.
- विद्यार्थ्यांना कम्प्युटर जनरेटेड मार्क शीट दिली जाईल. ज्यामध्ये विषयानुसार मार्क्स दर्शवले जाणार आहेत. ही मार्कशीट सेमिस्टर 1 आणि 2 साठी वेगवेगळी असणार आहे.
मागील शैक्षणिक वर्षामध्ये विद्यार्थ्यांना कोविड 19 संकटामुळे परीक्षा न घेताच केवळ अंतर्गत मूल्यमापन करून गुण देऊन अंतिम निकाल देण्यात आला होता. मात्र यंदा सीबीएससी प्रमाणे आयसीएसई बोर्डानेही विद्यार्थ्यांना दोन सेमिस्टर मध्ये बोर्डाची परिक्षा ठेवली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)