CBSE Term 2 Exam 2022: सीबीएसई बोर्डाने 26 एप्रिल पासून सुरू होणार्‍या परीक्षेसाठी जारी केली नियमावली; लवकरच Admit Card होणार प्रसिद्ध
CBSE | (Photo Credit: ANI)

सीबीएससी बोर्डाच्या टर्म 2 (CBSE Term 2 Exam 2022) च्या 10वी, 12वी च्या परीक्षा 26 एप्रिल पासून सुरू होणार आहेत. दरम्यान विद्यार्थ्यांना सुरक्षित वातावरणामध्ये आणि तणावमुक्तपणे परीक्षा देता यावी याकरिता बोर्डाने परीक्षेआधी खास नियमावली जारी केली आहे. यंदा 10वी, 12वीच्या एकूण सीबीएससी बोर्डाच्या विद्यार्थ्यांची संख्या 34 लाखांच्या आसपास आहे. यंदा कोविड 19 संकटाच्या पार्श्वभूमीवर पहिल्यांदाच बोर्डाच्या परीक्षा दोन टर्म मध्ये होत आहेत. पहिल्या टर्मची परीक्षा डिसेंबर 2021 ते जानेवारी 2022 दरम्यान घेण्यात आली. आता टर्म 2 परीक्षा 26 एप्रिल ते 15 जून दरम्यान पार पडणार आहे.

सीबीएससी बोर्डाने या परीक्षेच्या पार्श्वभूमीवर खास नियमावली जारी केली आहे. तर परीक्षेचं अ‍ॅडमीड कार्ड लवकरच जारी केलं जाणार आहे. विद्यार्थ्यांना ते अधिकृत वेबसाईट cbse.gov.in वर पहता येणार आहे. हे देखील नक्की वाचा: CBSE Term 1, Term 2 Weightage बाबत सोशल मीडीयात वायरल होतय फेक परिपत्रक; बोर्डाने केला खुलासा .

CBSE Term 2 Board Exams 2022 साठी काय असेल नियमावली?

  • सीबीएसई बोर्डाच्या परीक्षेदरम्यान एका वर्गात केवळ 18 विद्यार्थी बसू शकणार आहे. टर्म 1 च्या वेळेस ही संख्या 12 होती. यामुळे सोशल डिस्टन्सिंग पाळता येणार आहे.
  • मास्क घालणं, सोशल डिस्ट्न्सिंग पाळणं, स्वतःची हॅन्ड सॅनिटायझरची बाटली बाळगणं हे पाळणं अनिवार्य आहे.
  • बोर्डाकडून दिले जाणारे अ‍ॅडमीट कार्ड वरील सारे नियम विद्यार्थ्यांना पाळणं अनिवार्य आहे.
  • टर्म 2 च्या प्रश्नपत्रिका custodians कडे पाठवल्या जाणार आहेत.
  • Centre Superintendent कडूनच परीक्षाकेंद्र सांभाळली जाणार आहेत.
  • दहावी, बारावीच्या सार्‍या परीक्षा सकाळी 10.30 ते 12.30 या 2 तासांच्या वेळेत पार पडणार आहेत.
  • विद्यार्थ्यांना 9.30 वाजता परीक्षा केंद्रांवर पोहचावं लागणार आहे तर 10 वाजता वर्गात बसावं लागणार आहे.
  • सकाळी 10 नंतर विद्यार्थ्यांना परीक्षा केंद्रांवर प्रवेश नाकारला जाईल.
  • विद्यार्थ्यांना प्रश्नपत्रिका,उत्तरपत्रिकेचं वाटप 10 वाजल्यापासून सुरू केले जाणार आहे.
  • प्रश्नपत्रिका वाचण्यासाठी यंदा विद्यार्थ्यांना 20 मिनिटांचा अधिकचा कालावधी असणार आहे.सीबीएसई बोर्डाने प्रवेशपत्र जारी करण्याची नेमकी तारीख अद्याप जाहीर केलेली नाही. त्यामुळे ज्या विद्यार्थ्यांनी बोर्ड परीक्षेसाठी नावनोंदणी केली आहे त्यांनी CBSE च्या अधिकृत वेबसाइटला भेट दिली पाहिजे: cbse.gov.in यावर CBSE इयत्ता 10 आणि 12 च्या प्रवेशपत्रांबद्दल माहिती उपलब्ध करून दिली जाणार आहे.