Agniveer Recruitment 2024: अग्निवीर वायु भरतीसाठी आजपासून अर्ज सुरू; काय आहेत पात्रतेच्या अटी? जाणून घ्या

Agniveer Recruitment 2024: भारतीय हवाई दलात (Indian Air Force) नोकरी मिळवू इच्छिणाऱ्या उमेदवारांसाठी एक आनंदाची बातमी आहे. भारतीय वायुसेनेने अग्निवीरवायू इनटेक भरतीसाठी नोंदणी प्रक्रिया सुरू केली आहे. अधिकृत वेबसाइटवर नोंदणी प्रक्रिया सुरू करण्यात आली आहे. इच्छुक आणि पात्र उमेदवार अधिकृत वेबसाइटला भेट देऊन अर्ज करू शकतात. यासाठी अर्ज करण्याची अंतिम तारीख 28 जुलै आहे. उमेदवार gniathvayu.cdac.in वर ऑनलाईन अर्ज करू शकतात.

अग्निवीर भरतीसाठी पात्रतेच्या अटी -

कोणत्याही प्रवाह/विषयामध्ये इंटरमिजिएट/10+2/समतुल्य परीक्षा उत्तीर्ण झालेले उमेदवार वरील पदांसाठी अर्ज करण्यास पात्र आहेत. उमेदवारांचे वय 03 जुलै 2004 आणि 03 जानेवारी 2008 (दोन्ही तारखांसह) दरम्यान असावे. संबंधित विषयावरील अधिक माहितीसाठी, उमेदवार अधिकृत वेबसाइटला भेट देऊ शकतात. (NEET UG Counselling 2024 Postponed: नीट यूजी समुपदेशन पुढील आदेशापर्यंत स्थगित; नवीन तारखा लवकरच जाहीर होणार)

अग्निवीरवायू इनटेक भरतीसाठीच्या महत्त्वाच्या तारखा खालीलप्रमाणे:

• ऑनलाइन अर्जाची तारीख: 8 ते 27 जुलै
• अर्ज फी: 28 जुलै
• परीक्षेची तारीख: 18 ऑक्टोबर

अर्ज कसा करायचा

• सर्व उमेदवारांनी सर्वप्रथम agnipathvayu.cdac.in या अधिकृत वेबसाइटला भेट द्यावी.
• यानंतर 'अग्निवीरवायु सेवन 02/2025' वर क्लिक करा.
• हे तुम्हाला लॉगिन पृष्ठावर पुनर्निर्देशित करेल, जिथे तुम्हाला 'नोंदणी करा' बटणावर क्लिक करावे लागेल.
• आता, तुम्हाला DigiLocker वर नोंदणी करावी लागेल.
• DigiLocker मध्ये खाते तयार करा आणि नोंदणी करा.
• यशस्वी नोंदणीनंतर, अर्ज फॉर्मसह पुढे जा.
• कागदपत्रे अपलोड करा, अर्ज फी भरा आणि सबमिट करा.
• शेवटी भविष्यातील संदर्भासाठी अर्जाची प्रिंटआउट घ्या.

अर्जासाठी किती फी भरावी लागणार?

सामान्य/ओबीसी/ईडब्ल्यूएस : 550/-

SC/ST : 550/-

पेमेंट पद्धत: डेबिट कार्ड/क्रेडिट कार्ड/नेट बँकिंगद्वारे परीक्षा शुल्क भरू शकतात.

अग्निवीर म्हणून निवड झाल्यास उमेदवाराला किती पगार मिळेल?

या भरतीमध्ये निवडलेल्या उमेदवारांना पहिल्या वर्षासाठी दरमहा रु. 30000 चे पॅकेज मिळते, त्यापैकी 21900 रु. दुसऱ्या वर्षी 33000 रुपये, त्यापैकी 23100 रुपये हातात मिळतात. तिसऱ्या वर्षी 36500 रुपयांचे पॅकेज, ज्यामध्ये 25550 रुपये हातात मिळतात. तर चौथ्या वर्षी 40000 रुपयांचे पॅकेज असून त्यात 28000 रुपये हातात मिळतात.