Bihar: दारूबंदी असलेल्या बिहारमध्ये होत आहे पुस्तकाच्या दुकानात दारू विक्री; पोलिसांकडून विक्रेत्याला अटक

पैशाच्या लोभापायी लोक पुस्तकाच्या दुकानात दारू विकत (Buying Liquor In Bookstore) आहेत. अशीच घटना बिहार (Bihar) मध्ये घडली आहे. राज्यात दारूबंदी असतानाही तस्कर मोठ्या प्रमाणात सक्रिय आहेत. तस्करांनाही अटक करण्यात येत आहे. तरीही दारूविक्रेते व तस्कर नवनवीन डावपेच अवलंबून दारूचा व्यवसाय  चालवत आहेत. हे दारू तस्कर सातत्याने प्रशासनाला चकमा देत कायद्याची पायमल्ली करत असतात. विशेष म्हणजे पकडले जाऊ नये म्हणून तस्कर दरवेळी कोणत्या ना कोणत्या नवीन पद्धतीचा अवलंब करत आहेत. हद्द अशी की, सीतामढी येथील एका पुस्तकाच्या दुकानात दारू विकली जात होती. दुकानदाराला पकडण्यासाठी स्थापन करण्यात आलेल्या एलटीएफच्या पथकाने सोमवारी सीतामढी शहराच्या एका पुस्तकाच्या दुकानावर छापा टाकून 20 दारूच्या बाटल्या जप्त केल्या.

माहितीच्या आधारे पोलिसांनी दुकानावर टाकला छापा

असे सांगण्यात आले आहे की एलटीएफचे प्रभारी मनोज कुमार यांना गुप्त माहिती मिळाली होती की संबंधित पुस्तकांच्या दुकानात दारू देखील विकली जाते. माहितीच्या आधारे कुमार यांनी एका व्यक्तीला दुकानात दारू घेण्यासाठी पाठवले. दुकानदाराने दारू असल्याची वस्तुस्थिती स्वीकारताच एलटीएफचे प्रभारी घटनास्थळी पोहोचले. त्यांनी वरिष्ठ अधिकाऱ्यांना माहिती देऊन दुकानावर छापा टाकण्यास सुरुवात केली. दुकानातील पुस्तकात लपवून ठेवलेली दारू जप्त करण्यात आली. (हे देखील वाचा: बहिणीचा विहिरीत बुडून मृत्यू, भावनेच्या भरात भावानेही घेतली जळत्या चितेवर उडी)

Tweet

दुकानावर झाली लोकांची गर्दी

पुस्तकाच्या दुकानातून दारू जप्त झाल्याची माहिती मिळताच घटनास्थळी मोठा जमाव जमला. लोकांना आश्चर्य वाटले. स्थानिक लोकही थक्क झालेले दिसले. प्रत्येकाच्या चेहऱ्यावर एकच गोष्ट होती. पुस्तकांच्या दुकानातही दारू! जेव्हा मी दुकानावर चिकटवलेले पोस्टर आणि पॅम्फ्लेट पाहिले, ज्यावर लिहिले होते की येथे तुम्हाला बीपीएससी, यूपीएससी, दरोगा, रेल्वे परीक्षेच्या तयारीसाठी मार्गदर्शक पेपर आणि पुस्तक मिळते. या दुकानावर धार्मिक पुस्तकांची विक्रीही लिहिली होती. सदर दुकानदार अधिक नफा कमावण्यासाठी पोलिसांना चकमा देऊन पुस्तकाच्या दुकानातून दारू विकत आहे. मात्र, त्याची युक्ती पकडण्यात आली आहे.