राजस्थानच्या (Rajasthan) राजधानीत जयपूरमधील (Jaipur) जवाहरलाल नेहरू मार्गावर असलेल्या प्रसिद्ध वर्ल्ड ट्रेड पार्क मॉलच्या टॉयलेटमध्ये मुलीचा अश्लील व्हिडिओ (Porn videos) बनवण्याचा प्रयत्न करण्यात आल्याची धक्कादायक घटना समोर आली आहे. व्हिडीओ बनवल्याची माहिती मुलीला मिळताच तिने जोरात आरडाओरडा केला, त्यानंतर आरोपी तेथून पळून गेला. या घटनेची माहिती तात्काळ जवळच्या पोलीस ठाण्यात देण्यात आली, त्यानंतर जवाहर सर्कल पोलीस ठाण्यात (Jawahar Circle Police Station) गुन्हा दाखल करण्यात आला आहे. येथे पोलिसांनी या प्रकरणाचा तपास सुरू केला आहे.

त्याचवेळी शौचालयाच्या सात फूट उंच भिंतीवर कोणीतरी बाहेरून मोबाईल लावून व्हिडिओ रेकॉर्ड करण्याचा प्रयत्न करत असल्याचे मुलीने सांगितले. दुसरीकडे, या प्रकरणी एसएचओ सुरेंद्र सैनी सांगतात की, मॉलमध्ये लावण्यात आलेल्या सीसीटीव्ही कॅमेऱ्यांचे फुटेज तपासले जात असून आजूबाजूच्या लोकांची चौकशी केली जात आहे. पोलिसांनी तेथे उपस्थित लोकांचे मोबाईल देखील तपासले आहेत, परंतु सध्या काहीही उघड झाले नाही. हेही वाचा Bangalore Crime: प्रेयसीचे दुसऱ्या तरुणासोबत लग्न झाल्याने संतापला प्रियकर, रागाच्या भरात बलात्कारानंतर केली हत्या

येथे अतिरिक्त पोलिस आयुक्त कैलाश चंद्र बिश्नोई म्हणाले की ते मॉलची अचानक तपासणी करतील आणि लोकांना छुपे कॅमेऱ्यांबद्दल जागरूक करतील. पीडितेने सांगितले की, ती मॉलमधील एका ऑफिसमध्ये काम करते. शुक्रवारी दुपारी जेवल्यानंतर टॉयलेटमध्ये गेली तेव्हा तिला दिसले की कोणीतरी सुमारे 7 फूट उंच भिंतीवरून मोबाईलने तिचा व्हिडिओ बनवत आहे.

यानंतर ती घाबरून ओरडत बाहेर आली आणि पोलीस नियंत्रण कक्षाला माहिती देण्यात आली. गोंधळ होताच व्हिडिओ बनवणाऱ्या आरोपींनी तेथून पळ काढला. या घटनेबाबत जवाहर सर्कल पोलिस स्टेशनचे अधिकारी सुरेंद्र कुमार सैनी यांनी सांगितले की, एका 32 वर्षीय तरुणीने पोलिस ठाण्यात तक्रार दिली असून तिने सांगितले की, कोणीतरी तिचा व्हिडिओ रेकॉर्ड करत आहे. हेही वाचा Nobel Prize For PM Modi: पंतप्रधान नरेंद्र मोदींना मिळणार शांततेचा नोबेल पुरस्कार? पॅनेल सदस्यांनी केलं भारताचं कौतुक

दुसरीकडे, गुन्हा दाखल केल्यानंतर, पोलिसांनी तेथे उपस्थित सर्व लोकांचे मोबाईल तपासले. डिलीट केलेला डेटा देखील परत मिळवला, परंतु काही माहिती मिळू शकली नाही. त्याचवेळी तेथे बसवलेले सीसीटीव्ही कॅमेरे तपासले असता ते बंद अवस्थेत आढळून आल्याचे पोलिसांचे म्हणणे आहे. स्टेशन ऑफिसर सुरेंद्र कुमार सैनी यांनी सांगितले की, या प्रकरणाचा तपास अद्याप सुरू असून लवकरच आरोपीला अटक करू.