APAAR ID For Students: आता 'वन नेशन-वन आयडी'च्या धर्तीवर देशातील शाळकरी मुलांचा बनणार 'अपार आयडी'; पालकांची परवानगी आवश्यक, जाणून घ्या फायदे
मुलांनी शाळा बदलल्यास हा अपार आयडी बदलण्याची गरज भासणार नाही. नवीन शैक्षणिक धोरण 2020 अंतर्गत, भारत सरकार या विद्यार्थी आयडीच्या पुढाकारावर काम करत आहे आणि तो फक्त शैक्षणिक वापरासाठी वापरला जाईल.
केंद्रीय शिक्षण मंत्रालय देशातील शाळकरी मुलांसाठी युनिक आयडेंटिफिकेशन नंबर आणण्याच्या योजनेवर काम करत आहे. याला ऑटोमेटेड परमनंट अॅकॅडमिक अकाउंट रजिस्ट्री- APAAR असे संबोधले जाईल. हा नंबर पूर्व-प्राथमिक ते उच्च शिक्षणापर्यंतच्या मुलांसाठी एक खास भारतीय आयडी असेल व हा नंबर आधार आयडीशी लिंक केला जाईल. अशाप्रकारे आधार कार्डप्रमाणेच प्रत्येक शालेय मुलासाठी अपार ओळखपत्र बनवले जाईल, ज्यामध्ये मुलांची संपूर्ण माहिती उपलाब्द्ज असेल.
शिक्षण मंत्रालयाने सर्व राज्ये आणि केंद्रशासित प्रदेशातील शालेय विद्यार्थ्यांसाठी अपार आयडी तयार करण्याची प्रक्रिया सुरू करण्याचे निर्देश दिले आहेत. वन नेशन वन स्टुडंट आयडी तयार करण्यासाठी प्रथम मुलांच्या पालकांची संमती घेतली जाईल. मुलांच्या शिक्षणापासून ते नोकरीपर्यंत प्रत्येक गोष्टीसाठी अपार आयडी उपयुक्त ठरेल. हा नवीन शैक्षणिक धोरणाचा एक भाग आहे, त्यामुळे सरकारला नियोजनातही सोय होणार आहे.
माहितीनुसार, वन नेशन-वन स्टुडंट आयडी योजनेअंतर्गत, केंद्रीय शिक्षण मंत्रालय विद्यार्थ्यांच्या युनिक आयडीसाठी आणि शाळा व्यवस्थापनांसाठी आधार कार्डद्वारे मुलांची नावे, पत्ते, जन्मतारीख आणि फोटोंसह अनेक माहिती गोळा करत आहे. विद्यार्थ्यांनी पालकांकडून याची माहिती विचारण्यास सुरुवात केली आहे. (हेही वाचा: Night Study Classroom: बीएमसीच्या शाळांमध्ये सुरु होणार 350 रात्र अभ्यासिका; सुमारे 4 लाख विद्यार्थ्यांना लाभ, Mangal Prabhat Lodha यांची माहिती)
होणारे फ़ायदे-
अपार आयडीसह, कोणत्याही विद्यार्थ्याच्या शैक्षणिक नोंदी, क्रीडा उपक्रम, अभ्यासक्रमेतर क्रियाकलाप किंवा इतर शैक्षणिक क्रियाकलापांचा सर्व डेटा एकत्र येईल आणि सहज उपलब्ध होईल.
ऑटोमेटेड परमनंट अॅकॅडमिक अकाउंट रजिस्ट्री किंवा अपार आयडी विद्यार्थ्यांना शिष्यवृत्ती, शैक्षणिक कर्ज, पुरस्कार आणि सरकारी योजनांचा लाभ घेणे सोपे करेल.
मुलांनी शाळा बदलल्यास हा अपार आयडी बदलण्याची गरज भासणार नाही. नवीन शैक्षणिक धोरण 2020 अंतर्गत, भारत सरकार या विद्यार्थी आयडीच्या पुढाकारावर काम करत आहे आणि तो फक्त शैक्षणिक वापरासाठी वापरला जाईल. देशात एकसमान शैक्षणिक परिसंस्था आणण्याच्या उद्देशाने हे पाऊल उचलले जात आहे. याद्वारे, सरकारला शाळा सोडणाऱ्यांचा डेटा मिळू शकेल, ज्याद्वारे अशा लोकांना शिक्षण व्यवस्थेशी पुन्हा जोडण्यासाठी डेटा मिळू शकेल. या आयडीसह मुले त्यांचे रिपोर्ट कार्ड, आरोग्य कार्ड, ऑलिम्पियाड किंवा क्रीडा कामगिरीशी संबंधित प्रमाणपत्रे, प्रमाणपत्रे किंवा सांस्कृतिक क्रियाकलापांशी संबंधित डेटा एकाच ठिकाणी ठेवू शकतील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)