Calcutta HC On Rape Case: किशोरवयीन मुलींनी आपल्या लैंगिक इच्छांवर नियंत्रण ठेवावे; कलकत्ता उच्च न्यायालयाची महत्त्वपूर्ण टिप्पणी

Calcutta HC On Rape Case: किशोरवयीन मुलींनी दोन मिनिटांचा आनंद घेण्याऐवजी त्यांच्या लैंगिक इच्छांवर नियंत्रण ठेवावे आणि किशोरवयीन मुलांनी तरुण मुली आणि स्त्रियांचा आणि त्यांच्या सन्मानाचा आणि शारीरिक स्वायत्ततेचा आदर केला पाहिजे, अशी महत्त्वपूर्ण टिपण्णी कलकत्ता उच्च न्यायालयाने (Calcutta High Court) केली आहे. यासोबतच उच्च न्यायालयाने बलात्काराच्या आरोपी तरुणाची निर्दोष मुक्तता केली.

न्यायमूर्ती चित्त रंजन दास आणि न्यायमूर्ती पार्थ सारथी सेन यांच्या खंडपीठासमोर या प्रकरणाची सुनावणी झाली. एका अल्पवयीन मुलीवर बलात्कार केल्याप्रकरणी दोषी ठरलेल्या तरुणाची खंडपीठाने निर्दोष मुक्तता केली. या आरोपीचे अल्पवयीन मुलीसोबत प्रेमसंबंध होते. (हेही वाचा - 'एखाद्याच्या घरात येशू ख्रिस्ताचा फोटो असणे याचा अर्थ त्याने ख्रिस्ती धर्म स्वीकारला आहे असा होत नाही'- High Court)

बाल लैंगिक गुन्ह्यांपासून संरक्षण कायदा (POCSO कायदा) यावर न्यायालयाने चिंता व्यक्त केली, जो अल्पवयीन मुलांमधील संमतीने लैंगिक कृत्ये लैंगिक शोषणाशी समतुल्य करतो. उच्च न्यायालयाने आपल्या निर्णयात लैंगिक इच्छा कशी निर्माण होते याचे तपशीलवार वर्णन केले आहे. त्यांनी सांगितले की मुख्य एंड्रोजेनिक स्टिरॉइड टेस्टोस्टेरॉन आहे, जे प्रामुख्याने पुरुषांमधील अंडकोष आणि स्त्रियांच्या अंडाशयातून आणि पुरुष आणि स्त्रिया दोघांच्या अधिवृक्क ग्रंथींमधून कमी प्रमाणात स्रावित होते.

हायपोथालेमस आणि पिट्यूटरी ग्रंथी टेस्टोस्टेरॉनचे प्रमाण नियंत्रित करतात, जे प्रामुख्याने लैंगिक इच्छा आणि कामवासना (पुरुषांमध्ये) साठी जबाबदार असतात. हे शरीरात अस्तित्वात आहे, म्हणून जेव्हा संबंधित ग्रंथी उत्तेजित होऊन सक्रिय होते, तेव्हा लैंगिक इच्छा जागृत होते. पौगंडावस्थेतील शारीरिक अवयव सामान्य असतात पण लैंगिक इच्छा किंवा अशा इच्छेचा उत्तेजित होणे हे त्या व्यक्तीच्या काही कृतींवर अवलंबून असते, असंही न्यायालयाने यावेळी म्हटलं आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)